la nicte cadzu

By camgusmis

la nicte cadzu
   sei la'o me. Robin Lee Powell .me finti
ni'o sai pa mo'o
   nu penmi
ni'o pa pi pa mo'o
   nu cadzu
   ni'o .e'u nai cai la nicte cadzu ba mulno spogau lo se terpa da poi
   fanva dei lo na logji bangu .i mu'i bo lo nu fanva cu rinka lo nu da
   poi mi'a mipri ke'a lo bradi be mi'a cu tolmipri binxo .i la'a la'e
   di'u simlu lo ka mutce cizra vau do .i ku'i do ba jimpe .i di'e krasi
   le lisri
   ni'o ni'o la susan cu mutce lerci le nu penmi le mensi be ri .i la
   susan ze'u na penmi le mensi .i ri'a bo la susan fa'u le mensi cu xabju
   la kalifornias fa'u la masytcusets .i ku'i ca le cabycte le mensi cu
   vitke lo tcadu poi sy xabju vau zi'e no'u la san fransiskos zi'e no'u
   la sanfran .i la susan ca sutra cadzu klama le gusta po le nu penmi
   ni'o la susan cu zgana lo cmalu dargu poi jai jdika lo ni cadzu .i ku'i
   mutce manku gi'e se terpa .i ku'i sy peisku lo glico panra be lu na
   srana .i lo sluji be fi mi cu xamgu .i mi pu tadni lo nu damba ca lo nu
   mi citno .i mi ka'e kurji mi li'u .i se ki'u bo nergau le cmalu dargu
   .i sy gasnu co zenba jdari jgari lo kosta mu'i lo nu le dargu canlu cu
   lenku gi'e ji'a mutce zmadu lo vi drata dargu canlu lo ka lenku .i sy
   zgana lo nu la'e di'u cu mutce cizra .i se mu'i bo zenba sutra cadzu
   ni'o sy ze'a cadzu .i le dargu canlu cu manku binxo ri'a lo nu so'o
   tergu'i cu spofu .i ba bo mulno lo ka manku .i sy terpa la'e di'u .i
   ku'i mutce lerci .i se ki'u bo ti'a le xance sy klama lo manku .i mutce
   smaji .i sy tirna lo vasxu se bacru be lo gerku be'o .e nai lo drata.i
   ba zi bo sy facki lo du'u lo bitmu cu fanmo le dargu .i le bitmu cu
   rufsu .i se ri'a bo sy cortu le xance.i la susan cu so'i roi mabla
   bacru .i sy carna fi lo te cliva be le bitmu pu'o lo nu sy zgana lo nu
   lo bitmu cu te gusni lo crane lo grusi
   ni'o se pi'o lo bitmu gusni sy ka'e zgana lo se zvati .i lo cmalu gerku
   po'o cu zvati le fanmo be le dargu .i le gerku cu catlu sy gi'e sligau
   lo rebla .i za'a le bitmu cu marji lo staku bliku .i ji'a lo ciblu be
   lo xance be sy cu cpana
   .i .ii .u'e sy pencu le bitmu le xance da .i je da krasi lo boxna be le
   bitmu sefta .i .u'e sai na sance la'e di'u .i ji'a le ciblu poi cpana
   le bitmu cu se sakcpu le bitmu .i le sefta be le bitmu cu simlu lo ka
   se boxna gi'e cenba lo ka skari .i sy djica lo nu cliva vau mu'i lo nu
   lerci .i ku'i tu'a le bitmu cu dukse lo ka cinri je cizra je se terpa
   .i le gerku cu co'a cladu bacru
   ni'o spaji fa lo nu lo gusni cu jmaji lo tarmi .i sy ze'a zgana lo
   tarmi poi ca'o cenba .i ba bo sy suksa jimpe lo du'u le tarmi cu simsa
   lo .oxtapodi .i le tarmi cu co'u mulno lo ka frica lo sruri .i ji'a .ii
   cai pa tu'urbirka cu tcena lo ba'e vacri pe fa'a sy .i so'o tu'urbirka
   cu ba zi ji'a tcena .i re ri muvdu je jgari le gerku .i lo tu'urbirka
   cu tagji zenba .i ca'o bo le gerku cu cladu cmoni .i ji'a ri binxo co
   porpi re spisa .i lo ciblu cu se bumru lo ve'i canlu .i pi so'u ciblu
   cu binxo co cpana la susan .i la'e di'u rinka lo ka sy kakne lo nu
   bajra .i sy carna lo te cliva be lo tu'urbirka crida ca lo nu lo
   tu'urbirka co'a lacpu lo gerku spisa fa'a lo barda ke blabi ja'urxe'a
   poi nenri lo midju be lo crida
   ni'o sy bajra se rai lo ka kakne sutra .i ku'i pensi lo si'o krixa .i
   ba zi bo ji'a sy viska lo zdani claxu remna se pi'o lo bitmu gusni .i
   ry sipna ni'a lo papri .i sy jgari ry gi'e troci lo nu cikna rinka .i
   sy krixa lo glico panra be lu .ii ko sanli .i ta jersi .i ko bajra li'u
   .i ku'i za'a ry na jimpe .i sy krici lo nu ry menli tolcertu .i ku'i sy
   ka'e tirna lo cilmo ke citka sance .i se mu'i bo jgari ry .i rinka lo
   nu ry sanli .i sy viska lo nu le crida cu mulno cliva le bitmu gi'e
   klama lo re remna .i se mu'i bo sy lacpu le zdani claxu .i ku'i ri
   mutce masno .i sy ca'o troci lo nu sidju
ni'o pa pi'e pa pi'e re mo'o
   ni'o le remna cu farlu .i sy pu'o sidju ca lo nu le crida cu jgari ry
   .i so'o tu'urbirka cu lacpu ry fa'a le moklu ca'o lo nu lo drata cu
   lacpu le crida fa'a sy.i ry pu zi co'a krixa .i ku'i ry jibni le moklu
   .i ca bo sy tirna lo smaji batci sance .i ry mulno ke smaji je toljdari
   ke'e binxo .i sy boi za'u roi bajra gi'e klaku fi tu'a ry
ni'o pa pi re mo'o
   nu badgau
   .i mutce manku ri'a lo nu le bitmu pu zi co'u te gusni .i se ni'i bo sy
   na viska lo remna poi sy janli ke'a .i ku'i sy na jai xrani ri .i ri'a
   bo ra jgari le birka be sy gi'e kurji to ku'i tcetce sutra toi renro sy
   lo loldi .i le nanmu to lo voksa cu ju'o mapti lo nanmu toi cusku lo
   glico panra be lu ko to'e sanli gi'e to'e muvgau .i la'a lo nu do bajra
   di'a cu mukti lo nu ti jdice lo du'u do zmadu mi lo ka cinri li'u
   ni'o cusku ri poi se terpa gi'e milxe cfipu sy ba'o so'i fasnu poi sy
   zgana ne'i lo simlu be tu'a pa mokca .i sy na kakne lo nu xamgu viska
   .i ku'i krici lo nu zgana la'e di'e
   ni'o pu lo nu le toljundi remna cu se daspo to rinka lo cnino ke ciblu
   bumru toi vau ny celgunta le crida fo lo barda ke xance xumjimcelxa'i
   lo cizra gusni dacti .i sy pu na djuno lo du'u lo xumjimcelxa'i poi
   barda simsa ti gi'e srana lo pa xance po'o cu zasti .i ku'i .ue ny ca'a
   pilno re xance .i lo nu celgunta cu rinka lo mutce cladu .e lo barda ke
   fagri gusni be ze'o lo jipno .i le crida cu pa re'u bacru .i bacru lo
   cmoni krixa poi simsa lo se xrani cinfo .i ca zi bo le crida cu sutra
   klama ny .i sy na'e sai jimpe lo tadji be lo nu lo oxtapodi simsa cu
   mutce sutra pa'a la'e di'u ne'i nai lo djacu .i ku'i .ii li'a sai le
   crida cu kakne .i ku'i .u'e le nanmu cu zmadu fi lo ka sutra .i sy boi
   no roi pu viska lo remna poi milxe jibni ny lo ka sutra
   ni'o ta'o lo se cecla ca'o gusni ne'i lo grusi rectu be le crida ca lo
   nu re tubnu cu jibni binxo .i ta'o nai ny cu jgari re barda je kusru
   dakfu .i ny plipe co zmadu ro na'e se sidju remna lo ka galtu kei gi'e
   xa roi katna le crida ca lo nu .u'e sai le risna be sy pa roi da'ergau
   .i le crida cu cladu zmadu krixa gi'e troci je snada lo nu jgari pa
   birka be ny .i .ui ny jgari ze'o mo'i lo barda kosta lo sinxa fagri
   grana gi'e renro ri le moklu be le crida .i ny ca lo nu lo ka cortu cu
   mukti lo nu na birka jgari cu jgari le moklu .i ki'u bo fanta lo nu le
   crida cu ze'o sputu lo fagri .i le crida cu tcetce slilu je desku .i lo
   la'a ciblu be le crida be'o poi grusi cu flecu lo loldi .i le crida cu
   jgari ny se ri'a no da
   ni'o ba za bo le crida cu co'u desku .i ji'a za'u roi manku .i sy tirna
   lo nu katna .e lo blaci botpi sance .i ku'i na djuno lo rinka .i sy
   mutce terpa desku .i ba zi bo le nanmu cu jibni klama gi'e friti lo
   xance .i ku'i lo ni terpa cu fanta lo nu pilno .i se ki'u bo ny dunda
   lo cmalu botpi gi'e cusku lo glico panra be lu pe'u do ko pinxe ti .i
   ri rinka lo nu do surla ca'o lo cacra be li so'o .i ji'a ko na terpa lo
   mukti be fi mi .i li'a sai do sanji lo du'u mi na nitcu lo xukmi lo nu
   da'i xairgau do li'u
   ni'o ti'a ny boi sy viska lo nu le crida cu litki binxo kei gi'e rigni
   desku .i sy masno cpacu le botpi se pi'o pa desku xance gi'e pinxe .i
   ny zo'e mo'i lo daski cu punji lo cmalu jadni le xadni .i ny cusku lo
   glico panra be lu mi pu viska lo nu do troci co sidju lo zdani claxu .i
   mutce virnu li'u .i sy na cinmo lo ka virnu .i ku'i cinmo mo'a da bai
   le se pinxe .i ca lo nu ny za'u re'u friti pa xance vau sy jgari
   ni'o ba zi bo la susan .e le nanmu cu sanli vi le te dargu be fa le
   cmalu .i ny friti lo judri karda gi'e cusku lo glico panra be lu ko
   lebna ti .i do ba djica lo nu skicu le pu zi fasnu na'e bo mi .i ku'i
   no drata be mi'a ba krici zo'e po do .i lo nu do troci lo nu fadni
   zukte ca lo nu do pu'o za'u roi tavla mi cu mutce vajni mi'a .i mi'a
   troci .a'i sai lo nu badgau lo remna tu'a lo se terpa se djuno li'u
   ni'o sy cpacu lo karda poi se prina lo glico panra be lu la
   .deivid.uit. poi cmima la nicte cadzu li'u .e lo fonxa judri po'o .i sy
   catlu le kanla be la deivid gi'e .a'u cu'i peisku lo glico panra be lu
   lo ti kanla zo'u vi'a xekri .i mulno se cau lo blabi .i ma rinka li'u
   .i ku'i sy tavla cusku lo glico panra be lu ki'e do li'u po'o gi'e
   carna fi le gusta po lo nu penmi le mensi
ni'o pa pi ci mo'o
   nu jdice
   .i sy ca'a tolcliva le gusta ca lo nu le mensi be sy no'u la keit cu
   denpa .i ky se fanza .i ku'i ky ba zi tolmorji lo nu fanza vau mu'i lo
   nu casnu gi'e skicu lo se morji .i sy nelci lo nu penmi ky .i ku'i ca'o
   cinmo so'u da .i cizra cinmo .i ku'i sy na kakne lo nu mutce terpa la'e
   de'u .i sy jo'u ky casnu ze'a lo cacra be li ji'i re .i ba bo ky nitcu
   lo nu cliva vau ki'u lo nu gunka ca lo bavlamdei .i sy lifri lo nu
   casnu vau pa'a lo senva .i sy prami jgari ky gi'e suksa lifri lo nu
   bartu le gusta gi'e kansa no da gi'e se sruri lo manku nicte .i ca lo
   nu sy se'ixru lo zdani vau sy mutce gleki tu'a lo xukmi poi bandu fi lo
   nu terpa
   ni'o la susan cikna binxo ca lo nu terpa krixa .i va'o lo senva le
   crida cu ro roi vi jersi sy .i le moklu be sy cu sudga .i sy cortu le
   stedu .i sy kucli tu'a lo xalka bilma ba'o lo nu morji lo xukmi .i sy
   sanli mu'i lo nu cpacu lo djacu
   ni'o sy mutce djica lo nu to'e krici le nu crida gunta .i ku'i na kakne
   .i sy frili morji lo tcila be le nu gunta be'o gi'e peisku lo glico
   panra be lu lo nu mi se xanri ro purlamcte lifri cu nibli lo nu mi
   mulno lo ka fenki .i se ri'a bo mi bai krici no da .i ku'i la'e di'u cu
   na se plika'e .i se ki'u bo mi na'e pensi le cumki li'u .i sy sisku le
   karda be la deivid .i bazibo facki .i ku'i na pilno .i sy djica lo nu
   jimpe lo se pensi je se djica ba'o lo nu pilno .i ku'i na ca jimpe
   ni'o sy fonta'a lo jibri prenu lo nu na'e gunka ca le cabdei mu'i lo nu
   bilma .i sy na nitcu lo nu tcica galfi lo voksa .i ki'u bo sy ca'a
   bilma simlu .i lo jibri prenu cu curmi .i sy troci lo nu za'u roi sipna
   .i milxe snada .i ba bo sy milxe zenba lo ka xamgu cinmo .i sy pensi lo
   nu ca'a gunka .i ku'i pe'i na xamgu sidbo .i se ki'u bo sy zbasu lo
   tcati gi'e ji'a zutse vi lo canko te zu'e lo nu pensi
   ni'o pa mai sy kucli lo du'u ma kau jei fadni fa lo nu le crida cu
   gunta lo remna .i sy pensi la'e di'e .i za'a no da to'e se fadni le nu
   cadzu .i .ua na drani .i le ka mulno manku cu pu na'e se fadni .i ku'i
   la'a na ku lo crida cu tolcanci ne'i ro manku ke cmalu dargu .i va'o
   la'e di'u no zukte cu kakne lo nu fanta lo nu ro remna cu djuno tu'a lo
   crida .i se ni'i bo lo drata cu rinka lo nu lo crida cu tolcanci .i
   la'a cu'i cunso .i ji'a li'a na rirci .i ni'i bo la deivid simlu lo ka
   na terpa jo spaji .i da'i lo nu lo crida cu gunta pa roi lo nanca be li
   pa no no bai lo mutce purci ke dimna selsku to ri .a lo simsa toi cu
   mukti lo nu mutce xanka .i ku'i pe'i la deivid cu so'i sai roi damba lo
   crida
   ni'o la susan cu denpa lo nu zbasu lo cmalu sanmi gi'e di'a pensi la'e
   di'e ca'o lo nu citka .i sy ca kucli la deivid .i li'a sai lo cizra to
   ri ji'a milxe fenki toi remna po'o di'i damba lo crida .i ma mukti .i
   dy pu badgau sy .i ku'i za'a dy na'e mutce kurji sy .i li'a dy pu bandu
   so'i remna .i le se tarti be dy cu simsa lo jursa mikce lo ka sidju ro
   de gi'e ku'i na cinmo kurji .i sy peisku lo glico panra be lu li'a lo
   nu damba lo crida cu jibri la deivid to'i cmalu nu denpa toi .i .ii dai
   sai .u'e sai mutce cizra gi'e se terpa li'u
   ni'o ku'i ji'a la .susan. peisku pa'a lu .i ku'i ji'a mutce vajni je
   banli .i lo remna poi bandu ro drata remna lo crida cu traji lo ka
   vrude je vajni .i ba'e mi no roi gasnu da poi vajni li'u .i ta'o la
   susan cu barja ke xalka selfu .i sy di'i sidju lo se selfu .i ku'i na
   krici lo du'u la'e di'u cu vajni .i sy glico peisku pa'a lu .oi mi
   bilga lo nu pensi lo fenki sidbo be lo xalka bilma se selfu .i la'a
   so'o ra cu jetnu li'u
   ni'o la susan cu suksa sanli gi'e cadzu fa'a lo fonxa .i ca'o bo glico
   peisku pa'a lu .o'o cu'i lo nu mi zukte jdice cu mukti lo nu mi ca
   zukte li'u .i sy pilno le judri .i ba zi bo lo na'e slabu voksa jai
   lojbo bacru lu coi ma do tavla lo krati be la nicte cadzu .i mi sidju
   do ma li'u
ni'o pa pi vo mo'o
   nu casnu
   .i la susan cu mulno lo ka na jimpe .i se ki'u bo cusku lo glico panra
   be lu .y. ki'a sai li'u .i le se voksa cu cusku lo glico panra be lu
   .ue .u'u na drani bangu li'u be'o ce'o lo glico panra be le pu zi jufra
   .i sy spuda fi lo panra be lu ki'e do .i mi sisku tu'a la deivid uit
   li'u .i cmalu denpa .i py cusku pa'a lu la deivid cu nicte gunka .i se
   ki'u bo ca sipna to'i ji'a cmalu denpa toi .i xu do nitcu lo nu ciksi
   casnu li'u .i sy cusku pa'a lu go'i li'u ju'e lu je'e .i do djica lo nu
   ba tavla la .deivid. gi'i ca tavla lo drata li'u ju'e lu mi denpa tu'a
   la deivid li'u ju'e lu je'e .i .e'u ko vitke ti'u lo ji'i re no moi
   cacra li'u .i py dunda lo judri be lo gusta .i ba zi bo mo'u casnu
   ni'o la susan cu pensi ca'o le djedi .i ba bo sy klama lo gusta .i sy
   ze'i facki fi la deivid .i la'e di'u cu frili ri'a lo nu dy po'o dasni
   lo manku lenjo .i sy zutse vi dy gi'e cusku lo glico panra be lu .oi xu
   lo nu mipri cu sarcu .i mi ca djuno lo jibri be do .i ji'a ma mukti lo
   nu pilno lo manku lenjo .i la'e di'u na banzu lo nu mipri le flira be
   do li'u .i dy milxe se fanza gi'e cusku pa'a lu pa mai do ba'e na djuno
   le jibri be mi .i la'a cu'i do smadi po'o .i re mai le manku lenjo cu
   bandu ge nai le flira be mi gi ro kanla be mi lo nu xrani .i ci mai lo
   nu mipri cu bandu lo pendo be mi li'u
   ni'o le re mei denpa .i da selfu re ra lo nu ciska lo se djica cidja .i
   ba zi bo sy cusku pa'a lu .u'u sai mi di'i cusku pu lo nu mi pensi ze'a
   lo banzu li'u .i dy cusku lu ki'e .y. ma li'u ju'e lu mi'e susan li'u
   ju'e lu coi susan .i .e'u lo nu do skicu ro se krici be do bei mi cu
   xamgu cfari li'u ju'e lu vi'o .i do'o se jibri lo nu bandu fi lo crida
   .i lo nu do damba cu di'i sarcu to'i cmalu denpa .i sy barda vasxu toi
   .i ji'a .au sai mi kansa do lo nu bandu li'u .i mu'i la'e di'u lo flira
   be dy cu milxe fengu binxo .i dy cusku pa'a lu do be'a na djica li'u .i
   mu'i la'e di'u sy zmadu fengu binxo gi'e cladu cusku pa'a lu do ba'e na
   zifre lo nu skicu ma kau poi mi djica .i .o'o nai sai do pu zi fengu mi
   lo nu mi pu skicu lo krici be do .i ku'i do ca mintu gasnu li'u
   ni'o dy se fanza bacru gi'e cusku pa'a lu mi xenru .i ku'i do na jimpe
   ro pagbu be le se cpedu be do .i ma mukti le nu cpedu li'u ju'e lu mi
   no roi gasnu da poi mutce vajni .i ju'o do se jibri lo mutce vajni li'u
   ju'e lu go'i .i ji'a mutce ckape gi'e se sarcu lo nu cirko so'i da .i
   xu le zdani claxu remna poi pu morsi binxo ca srana le se cpedu li'u
   ju'e lu milxe srana .i da'i lo nu mi na djica lo nu bandu lo simsa
   remna cu mukti lo nu mi na cpedu .i cirko ma mu'a li'u ju'e lu mu'a mi
   na kakne lo nu cadzu ca lo donri se cau lo jinme jorne lenjo noi mutce
   manku gi'e to'e melbi gi'e kajde ro da lo nu mi mutce cizra li'u
   ni'o sy cmila .i dy cusku pa'a lu ma zdile li'u ju'e lu mi bajra ke
   xalka selfu .i sa'e nai mi na morji lo detri be lo purlamke'u be lo nu
   mi viska lo solri li'u ju'e lu .ua .u'i li'a do na mutce terpa lo nu
   cikna ca'o lo nicte po'o li'u .i dy ze'u smaji zgana sy .i la'e di'u
   faurtei lo temci poi zmadu lo banzu be lo nu sy mutce xanka binxo .i
   ji'a sy ganse lo mutce cizra .i simsa lo nu sy pencu ganse lo lenku .e
   ba bo lo glare .e ba bo lo pecycpina lo ve'e pilka .i sy co'a krici lo
   du'u dy catlu lo ruxse'i be sy
ni'o pa pi vo pi'e re mo'o
   ni'o dy ze'i de'a viska lo kanla be sy .i ca bo sy kakne lo nu zenba lo
   ka surla .i ba bo dy di'a viska sy gi'e cusku pa'a lu .i'a sai mi curmi
   lo nu do troci co binxo lo cmima be la nicte cadzu .i .e'u nai sai lo
   pruce cu clani je nandu .i ji'a pu lo nu ca'a co'a cilre tu'a mi'a vau
   do bilga lo nu cilre fi la lojban li'u .i la susan poi pu zi co'a gleki
   simsa cu cusku pa'a lu la lojban mo li'u ju'e lu bangu .i xu do pu'i
   pilno la internet to'i sy tugni gasnu le nu stedu le desku toi .i xamgu
   .i ko sisku la lojban se pi'o .i bu li'u ju'e lu .ua nai ma mukti li'u
   ju'e lu .u'i nai lo crida na kakne lo nu jimpe ja cusku bau la lojban
   li'u ju'e lu mi ba troci .i to'i cmalu denpa toi .i .y. lo crida cu
   kakne lo nu tavla xu li'u ju'e lu .u'i lo crida poi do pu viska cu na
   go'i .i ri cilce danlu simsa .i se ki'u bo na mutce pensi .i ku'i so'i
   klesi be lo crida cu zasti .i ji'a so'o ri cu tcetce mencre li'u
   ni'o la deivid cusku pa'a lu ta'o nai do zifre lo nu tavla lo drata ke
   lojbo prenu .i ku'i .e'u nai lo nu da'i do cusku tu'a la nicte cadzu ra
   cu krinu lo nu da'i do ba no roi tavla la nicte cadzu .i xu do jimpe
   li'u ju'e lu go'i li'u ju'e lu xamgu .i ji'a do nitcu lo nu jimpe di'e
   .i la nicte cadzu cu nitcu tu'a so'i jibri .i lo nu crida kalte cu pa
   fi'u so'i mei pagbu po'o .i ku'i .e'u nai sai lo nu do crida kalte
   binxo cu rinka lo nu do joi pa crida ba se fatri lo ruxse'i be do be'o
   .e lo menli be do .i la nicte cadzu cu ro roi se sidju lo crida poi
   jamna lo crida poi simsa le crida poi troci lo nu catra do .i lo nu
   crida kalte cu na frili li'u
   ni'o la susan simlu lo ka terpa .i ku'i cusku pa'a lu mi kakne lo nu
   troci po'o li'u .i za'a la deivid gleki la'e di'u .i ca zi bo lo cidja
   cu tolcliva .i sy jo'u dy citka gi'e casnu lo na mutce vajni .i sy co'a
   nelci dy ca'o lo nu sanmi .i sy kucli lo nu pendo binxo .a'o
ni'o pa pi mu mo'o
   nu cilre
   .i dei skicu lo skami seltcana nu casnu ve cu'u la'o zoi #lojban zoi po
   la irk .i la'a cizra simsa .i la susan pilno la irk di'i so'a djedi .i
   ku'i jarco lo cinri casnu po'o .i ji'a vimcu so'o selsku le dei vreji
   mu'i lo nu na cinri gi'a na srana
   <susan> coi
   <taliesin> coi susan do mo
   <susan> yyy troci lo cilre lojban i y tavla lojban po'o pe'u
   <taliesin> mi djisku lu troci lo nu cilre la lojban li'u
   <susan> ki'e do
   <taliesin> xu do djica lo nu mi cusku fi do bau la lojban po'o
   <susan> y denba
   <susan> tugni
   <taliesin> .u'i ru'e stidi zo go'e poi simsa zo go'i
   <susan> ki'e .i yyy mi pensi jimpe
   <taliesin> stidi lu pe'i mi jimpe li'u
   <susan> oi nandu
   <broca> coi ro do
   <taliesin> coi broca do mo
   <broca> mi pu zi tcidu lo cukta poi skicu lo gerna be la gliban .i
   mutce cinri .i ku'i nandu
   <susan> .ii .oi ro'e sai
   <broca> coi susan .i do terpa ma
   <taliesin> la susan pu spuda lo nu mi'o cusku fi sy bau la lojban po'o
   .i ku'i cnino cilre
   <broca> .ua .io sai doi susan xu do terpa lo mi barda jufra
   <susan> .oi mi na jimpe .i mi cortu lo stedu .i co'o
   <taliesin> co'o
   <broca> co'o
   ni'o balvi lo jeftu be li ji'i pa
   <susan> coi ro do
   <susan> xu do tirna
   <susan> coi norsmu
   <norsmu> la pu makfa da'i
   <norsmu> re'i la susan
   <susan> y makfa ki'a
   <lojban> ny: mo'a milxe cadzu
   <susan> yyy ki'a sai
   <norsmu> coi mi
   <susan> y ma mukti cu do rinsa do
   <susan> la norsmu xu do tirna mi
   <norsmu> mi bredi
   <susan> .ua nai du bredi ma
   <norsmu> doi co'e
   <broca> coi susan .i xu do djuno lo du'u la norsmu cu zmiku gi'e nai
   remna
   <susan> .oi sai .i mi na djuno .i mi ca tatpi .i co'o ro do
   ni'o balvi lo jeftu be li ji'i ci
   <susan> coi ro do
   <broca> coi susan do mo
   <taliesin> coi susan
   <susan> mi sai tatpi .i mi pu clani gunka
   <taliesin> .e'u mi mutce tatpi
   <broca> zo sai cu se lidne lo valsi poi ra srana .i ji'a ko pilno lo re
   moi te bridi be zo tatpi
   <xod> coi ro do
   <broca> coi xod do mo
   <xod> mi xebni la buc
   <broca> xu lo cnino mukti cu zasti
   <susan> je'e .i xu lu mi tatpi sai lo nu mi clani gunka li'u
   <xod> go'i .i la buc pu zi sfasa lo to'e gunka poi pante la ual mart
   <xod> doi sy mi stidi zo ze'u .o nai zo za'o .e nai bo zo clani
   <susan> ki'e xod .i xu lu mi mutce tatpi lo nu za'o gunka li'u cu drani
   <xod> go'i
   <susan> la buc ki'a
   <xod> la buc cu nolraitru lo merko gugde
   <susan> y lo merko gugde na nolraitru ponse mi pe'i
   <xod> zo mi na sarcu .i zo pe'i ro roi srana do
   <xod> la buc na je'u nolraitru .i ku'i tarti simsa lo nolraitru
   <susan> .u'i
   <taliesin> doi susan lo nu ciksi la lojban do bau la lojban cu nandu .i
   ma mukti lo nu do djica le go'i
   <susan> .oi sai le mi stedu cu cortu
   <susan> mutce pluja
   <taliesin> .u'i sai mi pu xusra
   <susan> y .ua mi jimpe .u'i
   <susan> mi djica lo nu sutra cilre la lojban
   <taliesin> ma mukti
   <susan> mi djuno lo prenu nelci la lojban
   <taliesin> mi stidi zo poi .i lu la lojban li'u cu pu srana lo ci moi
   se bridi be zo djuno .i li'a sai do na djica
   <taliesin> ma cmene le prenu
   <susan> .oi mi sipna nitcu .i co'o
   ni'o balvi lo masti be li ji'i pa
   <susan> coi ro do .i do mo
   <dir> coi susan
   <norsmu> fenki mo
   <susan> .oi mi na nelci la norsmu
   <dir> ma krinu
   <norsmu> ba ca'o brode
   <susan> ri pu cfipu mi .i xu do nelci la norsmu
   <dir> .u'i go'i
   <norsmu> mi .i xu melbi
   <susan> ma mukti
   <dir> mi finti la norsmu
   <susan> .u'u mi y xenru lo nu mi mabla
   <dir> na nabmi .i la norsmu cu ja'a cfipu .i ny na troci lo nu cusku lo
   se kakne se jimpe
   <norpan> .i ku'i lo nu troci co jimpe ny cu la'a mutce sidju lo nu
   cilre
   <susan> .ue coi norpan do pu no roi tavla
   <susan> doi norpan xu do tirna
   <taliesin> ko pilno zo jundi .e nai zo tirna
   <susan> coi tal .i ma krinu
   <taliesin> xu do tirna lo selsku be la irk se pi'o lo kerlo be do
   <susan> na go'i
   <taliesin> la'e di'u krinu
   <susan> je'e mi jimpe
   <taliesin> .u'i xu do di'i nitcu lo nu ciksi fi do fe lo nu do jimpe
   <susan> y ki'a
   <taliesin> zo je'e lidne lo cmene be lo te cusku poi do djica lo nu
   djuno lo du'u do jimpe .i do pu cusku lu je'e mi li'u
   <susan> yyyy mi krici jimpe .i ku'i le stedu be mi ca cortu .i co'o ro
   do
   <taliesin> co'o susan
   ni'o balvi lo masti be li ji'i re
   <susan> coi ro do
   <susan> do mo
   <broca> coi susan mi tadni
   <susan> do tadni ma
   <broca> lo citri .i mi cuxna lo citri xe ctuca poi ne sarcu
   <susan> .a'u ru'e citri ma
   <broca> lo mutce purci misro .i mi bilga lo nu tadni so'o xe ctuca poi
   na srana lo ralju se tadni be mi .i ji'a mi ro roi cinri lo pu zu misro
   <susan> je'e .i do ralju tadni ma
   <broca> lo bangu saske
   <susan> .u'i .i se ni'i bo mi na jimpe lo du'u ma kau mukti lo nu do
   tadni la lojban .i je'u nai zo'o
   <broca> .u'i mi tadni la lojban te zu'e lo nu fanza lo ctuca be mi
   <susan> .u'i sai mi ji'a stidi lo nu do di'i xusra lo si'o tu'a la
   sapir.uorf cu prane
   <broca> .u'i
   <susan> .i ji'a sai ki'u lo nu da'i la'e di'u na banzu cu stidi fa mi
   di'e .i do xusra lo nu do finti lo samselpla poi prane jimpe la gliban
   gi'e djica lo nu sy gubni binxo se pi'o la .ueb. gi'e ku'i do pu'o
   nelci lo tarmi be lo te pruce
   <broca> .u'i sai
   <taliesin> .u'i sai
   ta'o la'e lu tarci bu li'u cu sinxa lo sinvi selsku ve cu'u la .irk.
   <taliesin> doi susan do certu la lojban
   <susan> ki'e sai tal .i mi mutce gunka
   <broca> .i ji'a do bredi
   <susan> yy mi bredi ma
   <broca> da poi rinka lo nu do cilre la lojban .i .a'o xamgu funca
   <susan> y ki'e .i co'o broca
   <broca> xamgu lo nu do na spuda .i co'o susan
ni'o pa pi xa mo'o
   nu cfari
   .i la susan ba zi lo ro moi skami nu casnu poi pu zi jarco cu pilno lo
   fonxa judri be la nicte cadzu .i ko'a spuda lo fonxa lu coi ma do tavla
   lo krati be la nicte cadzu .i mi sidju do ma li'u .i sy cusku lu .u'u
   ko zi denpa .i mi so'u roi pu bacru tavla la lojban .i yyy la susan lo
   nu vitke do'o li'u ju'e lu .ua coi susan .ui sai mi pu cilre so'i xamgu
   do .i sa'e do sutra cilre fi la lojban li'u ju'e lu y ga'i nai .u'u
   ku'i mi ca'o masno li'u ju'e lu ju'o do ba zi sutra tavla .i xu lo
   bavlamdjedi cu xamgu do li'u ju'e lu mutce xamgu li'u
   ni'o ji'a ko'a cusku lu xu do jimpe lo du'u lo nu do vitke mi'a cu
   cumki rinka lo nu do mrobi'o li'u ju'e lu y mrobi'o ki'a li'u ju'e lu
   morsi binxo li'u ju'e lu mi jimpe li'u ju'e lu .i ji'a lo nu do xrani
   mi'o cu ju'o rinka lo nu do mrobi'o li'u ju'e lu mi jimpe li'u ju'e lu
   xamgu li'u
   ni'o ko'a dunda lo judri .e lo tcika sy gi'e nu casnu kei sisti .i la
   susan djuno lo du'u lo cnino pagbu be lo za'i jmive cu ca cfari .i sy
   gleki gi'e ji'a tcetce xanka
ni'o sai re mo'o
   nu cilre
ni'o re pi pa mo'o
   nu viska
   .i ca lo vanci la susan ckire cusku fi lo vecnu be lo nu bevri be'o
   gi'e zgana lo sruri .i sy peisku lu .ua sai mi zvati la kalte jipno .i
   to'i sy catlu le judri toi le judri cu srana ba'e le bloti dinju po la
   kalte jipno li'u .i sy viska lo tolcitno sinxa poi kajde fi lo tilju
   ratni festi gi'e jarco lo judri .i pa nanmu cu ze'o cadzu ca lo nu sy
   zgana .i le nanmu cu cusku lu fi'i sai susan mi'e pal mi'o pu fonxa
   casnu li'u .i py rinsa sy lo nu xance jgari gi'e stidi lo nu nergau
   ni'o la susan cu se cfipu lo nu le dinju noi mutce barda cu li'a kunti
   .i ku'i vi ku sy zgana lo .ue sai re moi bitmu poi nenri .ue le bartu
   bitmu .i le nenri bitmu cu ve pixra lo kunti dinju .i lo stura cu mutce
   certu se zbasu
   ni'o sy te preti lo nu terpa lo tilju ratni festi .i py cmila gi'e
   cusku lu na zasti .i lo cmima pu zu finti lo vreji poi skicu ra li'u
   ju'e lu .ue sai y xu nu sfasa su'o da lo nu da'i punji ra ti li'u ju'e
   lu na go'i .i .io lo finti cu jai gau simlu lo ka ba lo nu punji ku lo
   cfika gasnu cu jai galfi lo vreji lo te vimcu be ri li'u ju'e lu .ua
   mutce certu li'u ju'e lu mi tugni .i ku'i pu ku mi cmibi'o li'u ju'e lu
   .i ku'i ma mukti lo nu tcica gi'e nai fu'i terve'u lo dinju li'u ju'e
   lu mi'a mutce djica lo nu no da vitke li'u ju'e lu .u'i ru'e li'a sai
   li'u
   ni'o py nergau lo tolcitno je mudri vrogai .i sy viska lo jinme
   nerklaji poi li'a citno .i lo nenri vrogai cu jinme gi'e za'a tsali .i
   py pilno lo cmalu skami poi curmi lo nu nergau vau lo nu lo kanla .e lo
   voksa .e lo karda .e lo se batkyci'a se mipri cu mapti pa prenu ke
   datni vreji .i se mu'i bo sy cusku lu .ii so'i mei snura cipra .i do'o
   terpa ma li'u ju'e lu .u'i sai mi'a gasnu lo nu do cilre lo cizra bangu
   .i ku'i do xanka lo nergau skami xu sai li'u .i sy ze'i spaji gi'e ba
   cmila gi'e cusku lu .u'i .e'e nai na go'i .i ku'i do na spuda lo preti
   li'u .i py junri binxo gi'e kargau lo vrogai gi'e cusku lu ba'e ma'a cu
   terpa so'i cai da li'u
   ni'o sy .e py nenri lo kumfa poi cmalu gi'e vasru lo jubme .e re ve
   tivni .i ri jarco lo bartu jvinu be lo vorme fa'u lo bolci te jivna .i
   py punji lo mutce clani kosta le jubme gi'e cusku lu mi bu'u gunka li'u
   .i se mu'i bo sy cusku lu .i do se jibri ma li'u ju'e lu mi jitro lo
   vrogai .e lo jdini .e lo fonxa .e lo nu vitke .i ko pilno ti li'u .i py
   dunda lo barda ke re moi lenjo sy .i sy cusku lu mi na nitcu lo lenjo
   li'u .i py co'a se jadni lo simsa lenjo gi'e cusku lu ti sidju lo nu
   viska ge nai lo darno gi ne'i lo manku .i le dinju nenri cu mutce manku
   .i ta'o nai ko selyli'e li'u
   ni'o sy .e py nergau lo barda kumfa poi .ue nai mutce manku .i sy sumne
   so'i cidja pu zi lo nu lo barda ninmu poi dasni lo cidja zbasu taxfu .e
   lo manku lenjo cu cladu rinsa sy lu fi'i sai susan mi pu cilre so'i da
   do .i mi mutce gleki lo nu do troci co cmibi'o mi'a .i xu do xagji .i
   .ua .u'u sai mi mutce to'e clite .i mi'e djen .i mi zbasu lo cidja se
   va'u ro diklo citka li'u .i la djen cu mutce cladu je sutra tavla .i
   ku'i la'a ri di'i cisma gi'e za'a mamta simsa .i sy krici lo du'u ro lo
   .u'i citka cu mutce nelci la djen .i sy cusku lu mi gleki lo nu penmi
   do .i .u'u mi lo ka xanka cu dukse fi lo nu citka djica .i ku'i ki'e do
   li'u .i dy cusku lu ki'e do ji'a .i ko vitke ca lo nu do djica .i .u'u
   mi nitcu lo nu di'a jukpa li'u gi'e cliva
ni'o re pi pa pi'e re
   ni'o la pal xance jarco le nu citka vau kumfa gi'e cusku lu vorme ti
   so'a kumfa li'u .i sy cusku lu ta'a pal ma krinu mu'o li'u ju'e lu so'a
   roi ku su'o so'o kalte cu zvati .i .io so'i cai roi citka .i se ni'i bo
   da poi zekri pagre le rinsa kumfa cu bilga lo nu bu'u damba pu lo nu
   nergau lo vajni kumfa li'u .i je'u sy zgana lo to'e plana ninmu poi
   citka lo tansi titnanba poi klani zmadu ro da poi sy pu viska .i lo nu
   citka cu cizra cinri sy .i ku'i py cmila gi'e cusku lu ko na jikca to'e
   vrude catlu .i lo kalte cu ro roi nitcu lo nu barda citka li'u
   ni'o py ve'a cadzu gi'e cusku lu ta'o nai ti vorme lo makfa ritli kumfa
   li'u .i lasna le vrogai lo papri poi se prina lu ca ca'a ritli .i KO
   MaLGLETu NA'E NERGau li'u .i ji'a sy zgana re lo pixra be lo skina
   prenu poi cpana ro lamji ke bitmu pagbu be le vorme .i ji'a sy tirna lo
   smaji se cmoni poi se krasi le ritli kumfa .i sy te preti ro pu zi se
   skicu .i py cusku lu le papri cu jalge lo nu ti pu kalri binxo ca'o lo
   ritli .i la'e di'u rinka lo nu la .reitcel. ze'i menli se jitro pa la
   daspo fekcrida li'u ju'e lu ta'a pal fekcrida ki'a mu'o li'u ju'e lu
   .u'u .i so'o klesi be lo crida cu zasti .i lo crida poi mi'a damba cu
   se cmene zo fekcrida mi'a .i ki'u bo lo nu da viska lo cmima be pa lo
   so'o klesi be la fekcrida cu la'a rinka lo nu da fenki binxo .i ji'a
   ra'u nai la fekcrida cu mulno lo ka menli frica lo remna .i lo ni frica
   cu banzu lo ka di'i fenki simlu .i bi'u la daspo fekcrida cu troci lo
   nu daspo ro drata prenu .i ku'i la sepli fekcrida noi djica lo nu sepli
   ro drata prenu cu xebni la daspo fekcrida .i se ki'u bo ra sidju mi'a
   .i ta'o nai la .reitcel. cu se jitro binxo .i se ri'a bo lo tarbi be ry
   cu se daspo .i ji'a ry ca na ferti .i ta'o mi'a krici lo nu la bi'u nai
   fekcrida cu djuno lo du'u ri ba zi mrobi'o .i se ki'u bo ri troci lo nu
   daspo ro da poi ri kakne li'u
   ni'o la pal badri bacru gi'e cusku lu mi'a na nelci co tavla fi la'e
   di'u .i ta'o nai pu la'e de'u ry fadni remna gi'e na djica lo nu binxo
   lo blupinxe .i ku'i la'e de'u cu mukti lo nu ry galfi lo se jdice .i ba
   zu ku ry ca ralju je jatna kalte .i ji'a ry galfi le papri noi pu na
   vasru lu malgletu li'u gi'e kajde fi lo nu catra da poi na jundi ri
   li'u ju'e lu .ii sai .y. .u'u blupinxe ki'a li'u .i py se viska ckaji
   lo ka spaji gi'e cusku lu pinxe lo ciblu .i li'a la deivid na ciksi .i
   ro kalte cu blupinxe .i la'e di'u cu mukti lo pixra be la .belas.
   .lugosis. poi do pu zgana .i la belas lugosis cu traji lo ka xamgu ke
   xanri blupinxe vau fo ro remna .i .u'i mi na troci lo nu terpa rinka .i
   la nicte cadzu cu rinka lo ranmi be lo blupinxe .i ku'i pi so'e ranmi
   cu na drani .i ra'u ba'e na ku lo kalte cu nitcu lo nu ciblu pinxe .i
   zo blupinxe cu xajmi .i ji'a lo solri na mrobi'o rinka .i .e'u mi jarco
   lo drata pagbu be le dinju gi'e ba bo ciksi li'u ju'e lu xamgu .i ta'o
   xu la fekcrida cu cmoni li'u ju'e lu go'i .i la stefen ca ritli makfa
   dapma lo ve xumjimcelxa'i lo nu xrani la fekcrida li'u ju'e lu .oi
   xumjimcelxa'i ki'a sai li'u ju'e lu lo xarci poi cecla lo jinme lo
   xukmi .i ro pulji cu bevri lo cmalu xumjimcelxa'i li'u ju'e lu .ua mi
   jimpe .i mi'o ca klama ma li'u ju'e lu le cukta kumfa li'u
ni'o re pi pa pi'e ci
   ni'o py cadzu co lidne sy fa'a lo melbi mudri vrogai .i py kargau le
   vrogai .i sy viska lo kumfa poi culno ru'e loi so'i sai cukta .i so'o
   cukta cu tcetce tolcitno .i ku'i cnici lo ka zvati .i lo kajna be lo
   cukta cu se tcita ge so'i da lo srana be so'o cukta cnici ciste gi ji'a
   lo cukta ke se srana klesi .i sy viska lo kumfa pagbu poi srana lo nu
   jitro la fekcrida gi'e pilno lo makfa gi'e kurji lo xumjimcelxa'i .i ba
   zi ku lo ninmu cu klama ti lo trixe be lo kajna gi'e cusku lu fi'i sai
   susan mi'e dalton mi kurji lo diklo cukta .i xu do ze'a vitke .i xu do
   djica lo tcati li'u .i pu lo nu sy ka'e spuda kei py cusku lu na go'i
   .i mi'a nitcu lo nu vitke ro dinju pagbu .i do'a ma cinri li'u .i la
   dalton mutce cisma gi'e cusku lu .ui sai ji'i pa xadba be lo cukta cu
   se vreji fo lo skami .i ji'a ti .e la .aleksandrias. cu ponse lo
   nurfu'i be ro datni li'u ju'e lu .ui sai ko ca'o xamgu gunka .i se ga'a
   le flira be sy lo nu sy ba za'u roi vitke cu nalspaji mi li'u .i sy .e
   py tolrinsa cusku gi'e cliva
   ni'o py jarco fi sy fe lo vorme be lo barda ke ckana kumfa .i ku'i na
   nergau .i ki'u bo lo nu so'e kalte ca sipna .i py ciksi fo lo du'u so'i
   kalte cu zmanei lo nu xabju ti mu'i lo nu na nitcu co ciksi lo cizra se
   gasnu je fasnu .i za'u re'u ku py jarco fi sy fe lo dabytadji kumfa .i
   ku'i vasru fu'e po'o lo matci .e lo xance xarci .i py ciksi fo lo du'u
   lo kalte so'a roi pilno lo xarci mu'i lo nu so'a fekycrida cu mutce
   tsali .i ri'a la'e di'u lo nu damba se pi'o lo xadni po'o cu mutce
   ckape
   ni'o py cusku lu .i lo ro moi cinri kumfa cu xumjimcelxa'i rapcreze'a
   kumfa li'u .i lo ninmu poi frili bevri lo rajyserti gi'e dasni lo tutci
   ke betfu skori cu cusku lu zo'o ko troci lo nu ci roi sutra cusku le pu
   selbri li'u .i py cusku lu coi .rut.an. ti no'u la .susan. cu cnino ke
   cmima troci li'u ju'e lu coi .susan. ko fraxu mi lo nu na stali gi'e
   tavla .i ku'i mi bilga lo nu cikre lo spofu te gusni .i ji'a la
   .stefen. di'i je ca se nabmi fi lo skami .i co'o re do li'u .i ca lo nu
   tavla vau la .rut.an. na jdika lo nilsutra .i py milxe cmila gi'e cusku
   lu .io ta mutce kurji le jibri li'u gi'e di'a cadzu
   ni'o le xumjimcelxa'i rapcreze'a kumfa cu vasru pa remna noi ninmu gi'e
   ca ca'a rapcreze'a pa xumjimcelxa'i .i ri barda gi'e cladu .i ji'a le
   ninmu cu mutce certu .i ba za bo le ninmu cu sisti lo nu rapcreze'a kei
   gi'e rinsa sy .e py se cu'u lu coi pal coi susan mi'e .reitcel. mi
   xenru lo jvinu be mi .i ku'i mi pu zi cikna binxo .i mi kurji tu'a lo
   xumjimcelxa'i ne'i ti .i ti'e do djica lo nu binxo lo kalte .i lo nu
   da'i go'i cu ba se sarcu lo nu do so'i sai roi pilno le bu'u kumfa li'u
   .i sy milxe cisma gi'e cusku lu mi ca'a djica .i mi cinmo kakne lo nu
   tadni lo xumjimcelxa'i .i ku'i .u'u mi na pu pilno li'u ju'e lu na
   vajni .i la'a mi ba nelci lo nu ctuca do .i ku'i ca ku .e'u ma'a
   se'ixru le sanmi kumfa .i lo drata kalte ba zi cikna binxo li'u
ni'o re pi re mo'o
   nu penmi lo kalte
   ni'o loi ci prenu cu casnu lo na vajni ca'o lo nu se'ixru le sanmi
   kumfa .i py cusku lu mi'a ro roi cuxna pa gidva be lo cnino .i la
   deivid cpedu lo nu gidva do .i mi'a tugni .i ku'i dy sipna .i .e'u do
   bu'u denpa .i ku'i ji'a .e'a do cliva gi'e ba za xruti li'u ju'e lu
   ki'e do mi stali gi'e penmi lo kalte li'u ju'e lu xamgu li'u
   ni'o ca lo nu co'i klama vau la .djen. za'u roi friti lo cidja sy .i sy
   cusku lu ki'e sai do .i lo tansi titnanba cu kukte simlu .i mi djica ri
   pe'u do li'u .i la djen cusku lu .ui ti mutce clite .i mi nelci .i
   mutce frica so'a do li'u .i ro vi remna cu cmila .i ba bo sy cusku lu
   doi .djen. mi kucli lo krinu be lo nu do pu za cusku zo citka .e na zo
   remna li'u ju'e lu pa mai so'i mi'a na krici lo du'u lo blupinxe cu
   remna .i re mai so'u na prenu cu bu'u xabju .i je'u pa ri klama ti li'u
   ni'o lo cmalu je citno ke xekri gerku ja'a bajra fa'a dy .i sy zgana lo
   nu le flira be py cu na'e gleki binxo gi'e rivbi tu'a dy .i le gerku cu
   plipe lo birka be dy noi cmila gi'e satre gy gi'e cusku lu coi gys .iu
   xu do xagji .i xu do xagji .i mi smadi lo nu go'i .i .iu je'u .i .iu
   je'u li'u .i sy cusku lu mutce melbi .i ma se gerku la gys li'u gi'e ca
   bo? birka tcena fa'a gy .i py co'a kajde cusku ca lo nu gy se fanza
   bacru gi'e bartu vasxu lo .ue cai fagri poi sy troci co rivbi ke'a .i
   ku'i pa xance be sy cu milxe sai se xrani .i ji'a pa birka ke creka
   pagbu cu se daspo .i dy .e py .e lo drata ca te preti fi lo se du'u xu
   kau sy jursa xrani
   ni'o ca ro pu zi fasnu la susan viska la .gys. po'o gi'e sanli do'e lo
   tcena birka gi'e na spuda lo drata prenu .i la .gys. xanka punji le
   flira lo te polje be la djen .i ba zu bo sy smaji cusku lu .u'e sai la
   .gys. cupra lo fagri li'u
   ni'o ba bo ze'a curve lo ka smaji .i lo mutce barda je clani nanmu cu
   suksa ke cladu cmila gi'e cusku lu li'a cai la .gys. fagri cupra .i lo
   cnino cmima cu mutce certu lo nu zgana .u'i sai li'u .i la djen ba zi
   troci lo nu na cmila kei gi'e ku'i fliba .i sy ze'i ca'o manci catlu la
   .gys. .i ku'i sy suksa jimpe gi'e ji'a cmila .i se ki'u bo so'i drata
   cu cmila .i ku'i la pal fengu cusku lu na zdile .i ju'o sai ca da le
   gerku cu snuti catra lo remna li'u .i ku'i la'e di'u mukti lo nu po'o
   lo barda nanmu cu zenba cladu cmila .i la'e di'u krinu lo nu so'a prenu
   ku ji'a zenba cladu cmila
   ni'o ba zi bo lo nu cmila cu tolcfa .i lo barda nanmu cu pendo darxi sy
   gi'e cusku lu fi'i cnino do cinri gi'e zdile .i mi krici lo du'u do ba
   xamgu cmima binxo li'u gi'e cliva le kumfa .i sy cusku lu ma cmene ta
   li'u .i la djen cusku lu zo .axmed. .i li'a ri nelci do .i ku'i ca ku
   do selyli'e mi .i ri'a bo le do birka cu xrani li'u ju'e lu na go'i .i
   mi kanro li'u .i la djen milxe fengu binxo gi'e cusku lu mi .e nai do
   mikce ne'i ti .i do kanro ca lo nu mi jdice lo du'u do kanro .i ba'e na
   pu go'i li'u .i dy lacpu sy le xamgu birka .i py selyli'e gi'e cisma
   ni'o lo xrani cikre kumfa cu lamji le sanmi kumfa pa'a so'a drata kumfa
   .i le kumfa cu jinsa gi'e blabi .i dy minde sy lo nu zutse lo jubme to
   sy ro roi kucli lo mukti be lo nu lo mikce na sabji lo stizu toi kei
   gi'e catlu le birka gi'e xusra lo du'u lo fagri xrani cu na jursa gi'e
   ku'i nitcu lo ve mikce .i dy ze'a facki lo rigni se sumne pesxu gi'e
   punji ri le birka .i .ue le pesxu cu sutra sidju .i preti lo se marji
   sy dy .i dy cusku lu lo cortu jdika xukmi .e lo punli jdika xukmi .e lo
   makfa litki poi zenba lo nilsutra be lo nu cikre .i la .stefen. cu di'i
   zbasu ri .i zo'o ru'e ca'e do kanro li'u gi'e xendo cisma
ni'o re pi re pi'e re
   ni'o ca lo nu py .e sy xruti le sanmi kumfa vau la .reitcel. zutse ne'a
   le to'e plana ninmu noi ca co'u citka du'e tansi titnanba .i ry vitke
   cpedu muvgau lo xance fa'a le re mei .i ca lo nu tolcliva vau ry cusku
   lu ko vitke zutse .i doi sy ti se cmene zo .kim. li'u .i sy zutse to ca
   ku sy ganse lo ka milxe cortu be lo trixe gi'e ku'i to'e jursa .i se
   ki'u bo sy na frati toi gi'e cusku lu mi gleki lo nu penmi doi xagji
   zo'o li'u ju'e lu .u'i ro blupinxe cu mutce xagji .i je'u sai la
   .reitcel. pu zi cpedu pa re grasu jukpa sovda .e lo ni dasri xajre'u
   poi banzu lo nu zbasu pa culno xarju li'u ju'e lu .y. xu ry skicu lo se
   cpedu be fo lo simsa li'u ju'e lu .u'i sai go'i .i ry pu cusku lu da
   li'o .e pa xarju be te tai lo dasri xajre'u li'u .i se ki'u bo ro ti
   poi na du ry cu cmila .i ku'i lo drata cu cusku lu ma zdile li'u
   ni'o sy viska lo tcetce tordu nanmu poi klama le jubme .i sy krici lo
   du'u ti tordu bilma .i ba zi bo ti cinba ry noi cusku lu ti poi fenki
   cu cmila mi mu'i lo nu mi cpedu lo cidja poi banzu mi to ry se fanza
   viska lo drata toi ba'e .e do .o'o nai .i ko jai gau galfi fi lo banfi
   .a lo simsa li'u .i le tordu cu cusku lu do cidja cpedu se va'u mi .i
   .ui sai mi mutce xagji li'u .i se ki'u bo so'o ti ji'a cmila .i ca lo
   nu go'i vau ry na kakne lo nu cmila rivbi .i le tordu cu so'o roi cusku
   lu ma zdile li'u po'o
   ni'o ry cusku lu doi sy ko rinsa ti noi se cmene zo .stefen. .i ra
   mafpre gi'e kalte .i ku'i mi na djuno lo tadji be lo nu sy ka'e kalte
   da se pi'o lo tordu tuple li'u .i la .susan. cu to'e clite se spaji .i
   ku'i la .stefen. cu prami cisma gi'e cusku lu .i mi na djuno lo tadji
   be lo nu do na ru'i stedu darxi lo vorme bargu .i ta'o nai coi .susan.
   mi gleki lo nu penmi do .i za'a re diklo cmima cu se cmene srana zo sy
   .i mi ro roi nelci lo ropno sance favytcini be le cmene be mi be'o no'u
   zo .ctefan. .i se ki'u bo mi stidi zo cy to'i ro drata cu tugni toi .i
   ji'a zo dy po'o jai javni .i la .djen. fa'u la .deivid. fa'u la
   .dalton. fa'u la .rut. .an. se tcita zo dy fa'u zo vy fa'u zo gy fa'u
   lu ry .a bu li'u li'u .i sy cusku lu xu la dj .y. si si dy cu cmima
   ze'a da poi zmadu .y. vy .e gy li'u .i la .kim. cusku lu .i je go'i .i
   je da zmadu lo cmima ni temci be ro diklo cmima li'u
   ni'o lo barda sanmi po cy .e ry cu bu'u se dunda dy noi cusku lu .u'i
   mi dunda lo mulno xarju do li'u gi'e selfu ke midju polgau .i lo nu dy
   noi mutce plana cu midju polgau cu spaji banli .i ro jibni cu cisma .i
   ji'a ry sanli gi'e skaci ke midju polgau se pi'o lo xanri skaci gi'e
   ckire cuslu fi dy
   ni'o la .axmed. .e la .deivid. ba zi vitke le mintu jubme .i le re mei
   cu se xasne .i ky ciksi lo du'u ge dy .e .a bu cu nelci lo nu dabytadji
   rapcreze'a co'a cikna binxo gi lo drata cmima cu zo'o krici lo du'u le
   re mei cu menli bilma .i dy .e .a bu rinsa sy .i dy cusku lu .uo nai
   doi .susan. lo nu do cilre so'i da cu sarcu .i pa mai do nitcu lo nu
   jdice ma kau poi tadji be lo nu do ba xabju gi'e gunka .i ro lanzyki'i
   .e ro pendo be do cu se ckape co'a lo temci mokca be lo nu do pu nerkla
   le bu'u dinju .i lo nu da'i la'e di'u mukti do cu bilga lo nu do ca
   cliva .i ku'i mi kanpe lo nu do na se spaji .i sa'e nai re tadji cu
   zasti .i le pa moi tadji zo'u lo nu do drata gunka gi'e vitke lo se
   prami be do gi'e simsa zukte cu ranji .i ji'a do troci lo nu fadni
   tarti kei gi'e pacna lo nu lo bradi na facki fi do .e lo se prami .i le
   re moi tadji zo'u do ca ca'a sepli ro se prami .e lo jibri .e lo simsa
   gi'e xabju ti .i le pa moi cu xamgu la nicte cadzu lo ka sidju ge lo nu
   ma'a ca'o jundi lo fadni remna je fasnu gi lo nu do funca zgana tu'a lo
   bradi .i ku'iji'a le pa moi cu zmadu fi lo ka ckape lo se prami gi'e
   nandu .i .u'u ko jdice pu lo nu mi co'a ctuca do .i ku'i do zifre lo nu
   ze'u pensi .i ta'o lo na'e kalte cmima cu so'a roi kansa xabju .i ta'o
   ca ku da'a pa kalte cu kansa xabju .i mi sepli xabju li'u
ni'o re pi re pi'e ci
   ni'o sy ze'i pensi gi'e cusku lu mi pu pensi la'e di'u .i mi se lanzu
   kansa so'u da .i ji'a mi na'e lanzu prami no da .i ji'a mi se pendo
   so'u da .i ku'i mi nelci le jibri .i lo nu do djica tu'a lo sepli xabju
   cu ji'a mukti lo nu mi jdice lo nu ca'o se jibri je xabju le slabu li'u
   ni'o la .deivid. cusku lu xamgu .i sy nitcu lo nu jmina djuno ma li'u
   .i py cusku lu mi ctuca fo le kumfa .e le prenu .e lo pagbu poi na
   srana lo blupinxe .i ku'i mi stidi lo sampu ke jmina skicu be lo
   blupinxe .e lo makfa .i doi sy .y. si cy ko ctuca li'u
   ni'o cy cusku lu vi'o py doi sy pu zu cai ku la daspo fekcrida cu facki
   lo ji'i pa moi se sevzi je sanji remna gi'e co'a gunta .i le jai? daspo
   cu djica lo nu daspo ro drata prenu .i no remna cu ka'e jimpe lo mukti
   be la'e di'u .i lo menli be la fekcrida cu to'i denpa toi ba'e frica lo
   remna menli .i ro remna poi mutce troci lo nu jimpe lo menli be la
   fekcrida cu fenki binxo .i ku'i lo dukti cu ji'a jetnu .i so'i remna
   poi sanji dy fy cu krici lo du'u dy fy xebni lo drata prenu mu'i lo nu
   tcetce menli frica .i ku'i na vajni
   ni'o lo jai daspo cu tolcliva .i ca zi bo la sepli fekcrida cu ji'a
   vitke le terdi .i la sepli fekcrida cu no'e nelci lo drata prenu .i
   ku'i na djica lo nu daspo .i ji'a xebni dy fy .i ku'i na djica lo nu
   mrobi'o .i se ki'u bo sy fy friti lo nu sidju lo purci cai remna .i le
   te bilga poi la'e di'u mukti cu krasi lo blupinxe .i lo blupinxe cu
   remna gi'e ku'i ro roi menli se vitke pa sy fy .i ri rinka lo nu lo
   blupinxe cu tsali gi'e manku viska gi'e nitcu pi so'u nu sipna kei gi'e
   zenba lo nijmive faurtei .i ku'i lo blupinxe cu no roi mulno sepli gi'e
   ro roi tirna lo se peisku be lo crida poi xabju lo cizra cimde canlu .i
   so'i me'i ro blupinxe cu fenki binxo .i ku'i lo remna cu na banzu lo ka
   tsali kei se cau sy fy .i ji'a lo remna cu na ka'e pilno lo makfa kei
   se cau sy fy .i ku'i ro la fekcrida cu kakne .i se cau sy dy la
   fekcrida cu ka'e makfa jitro lo remna menli li'u .i ry fengu cusku lu
   ko krici la'e di'u .i mi pu lifri li'u .i cy di'a cusku lu .i se ki'u
   bo ro kalte po la nicte cadzu cu blupinxe .i lo nu da'i do binxo lo
   kalte be la fekcrida cu nibli lo nu do blupinxe binxo .i xu do terpa
   li'u
   ni'o sy ze'a pensi gi'e cusku lu mi milxe terpa .i ku'i mi milxe certu
   lo ka catlu le menli be mi .i ji'a mi na kakne lo nu binxo co bredi lo
   nu se vitke sy fy .i se ki'u bo lo nu terpa cu na terplika'e? li'u .i
   se mu'i bo la .axmed. cu smaji cmila gi'e cusku lu doi vy do facki lo
   mutce xamgu cmibi'o li'u .i cy cusku lu go'i .i ku'i mi terpa lo dukse
   ni jgira li'u .i dy cusku lu .i ku'i na srana .i sy bu'u zvati .i mi'o
   na djuno pu lo nu ba'o troci li'u .i ro diklo cu tugni cusku
   ni'o dy cusku lu doi sy ma tcika lo nu do zifre lo nu tadni li'u .i sy
   cusku lu mi ka'e jibri gunka ti'u li re re bi'o no ci .i ba bo tadni
   ze'a lo cacra be li ji'i mu .i xu la'e di'u cu banzu li'u ju'e lu go'i
   .i xu do bredi tu'a lo cabycte li'u ju'e lu go'i li'u ju'e lu .ui ko
   xruti ba lo nu gunka .i doi py ko terve'u lo nu klama li'u ju'e lu .ua
   tu'a di'u cu rinka lo nu mi morji lo se kucli .i ma krasi lo so'i sai
   jdini poi la nicte cadzu cu ponse li'u .i py smaji cmila gi'e cusku lu
   ny cy ca'o zasti ze'u lo nanca be li ji'i pa no no no no gi'e zivle .i
   la'e di'u banzu li'u
ni'o re pi ci mo'o
   nu cilre fi lo nu damba
   .i ca lo nu sy za'u re'u xruti le dinju kei py gidva sy tu'a dy noi
   nenri le xumjimcelxa'i rapcreze'a kumfa to cu'u py mi'a te cmene fi lu
   le cecla kumfa li'u ji'a toi gi'e cliva .i pa mai dy dunda fi sy lo
   cilmo staku gi'e minde sy lo nu jgari re pagbu be ri pa xance .i ca'o
   lo nu sudga binxo vau dy ciksi fo lo du'u le staku cu sarcu tu'a lo
   tarmi be lo ve jgari be lo cecla po sy .i sy se spaji lo nu zbasu lo
   xumjimcelxa'i poi se steci lo ka srana sy .i ku'i dy cusku gasnu lo nu
   sy za'u re'u sanji lo du'u ny cy tcetce ricfu .i dy cusku lo se du'u lo
   nu zbasu lo se steci xumjimcelxa'i cu nitcu lo jeftu be li ji'i re
   ni'o lo staku cu sudga binxo .i ba bo dy jarco fi sy fe pa na'e steci
   xumjimcelxa'i gi'e cusku lu ti se finti la bucmaster gi'e klesi se
   cmene lu cy pa mu py so ze sy li'u .i ku'i la taliesin jai gau galfi ri
   ta'i so'u da lo ba'e to'e flalu xarci li'u ju'e lu ta'a dy xu la
   taliesin cu mintu la taliesin poi mi cusku fi ri la .irk. li'u ju'e lu
   go'i .i ty sabji ro xumjimcelxa'i ny cy .i ji'a mi ba benji le staku po
   do ty .i ta'o nai lo nu da'i lo pulji cu zgana le cecla cu mukti lo nu
   do jarco ti li'u .i dy dunda pa cnebo ke linsi jadni sy .i le linsi cu
   jorne le cmalu ke solji jadni dacti poi ve pixra lo kanla joi lo kruvi
   ke lunra pagbu .i dy cusku lu ti makfa rinka lo nu bandu do la daspo
   fekcrida .i ji'a sinxa la nicte cadzu .i lo pulji cu sinma ti li'u ju'e
   lu ma mukti la'e di'u li'u ju'e lu .u'u mi na zifre lo nu ciksi
   ni'o xu do pu pilno lo xumjimcelxa'i li'u ju'e lu na go'i li'u ju'e lu
   .ui do na nitcu lo nu to'e cilre da .i le cecla klesi poi mi'o pilno cu
   zmadu lo fadni xumjimcelxa'i to ri srana ra'u lo xance cecla toi lo ka
   vlipa .i se ki'u bo so'i da poi pu pilno lo fadni cecla cu nitcu lo nu
   tolmorji lo pu se cilre li'u
   ni'o dy jarco tu'a lo cecla pagbu sy se cu'u lo'u ti poi cmalu cuxyvra
   cu le'u ju'e lu ta'a .deivid. ma se smuni zo cuxyvra li'u ju'e lu lu xy
   xi pa vraga lo nu cuxna fi xy xi re kei li'o li'u .i ti traji lo ka
   vajni kei fo lo ro xumjimcelxa'i pagbu .i lu lo celgunta cuxyvra li'u
   .a lu le curmi li'u cu cmene ti .i lo nu ti blabi cu sinxa lo nu na
   kakne lo nu celgunta .i lo nu ti xunre to'i dy ca pilno le curmi ja'e
   tu'a lo xunre toi cu sinxa lo nu do celgunta zifre to'i dy re re'u
   pilno le curmi toi .i ko ro roi bevri lo cecla do'e le blabi curmi .i
   ji'a ko ro roi catlu le curmi ca lo nu do co'a bevri lo cecla gi'a
   djica lo nu celgunta .i bi'u ti to'i dy jarco lo skuro .e lo jesni toi
   farna facki tutci .i ji'a lu le facki li'u ji'a cmene ti mi'a .i do
   pilno le facki lo nu sidju lo nu xrani lo bradi vau ta'i lo nu viska lo
   linji be le jesni bi'o le skuro bi'o lo bradi .i bi'u ti to la'a do
   djuno toi se lacpu tutci gi'e rinka lo nu celgunta vau ri'a lo nu do
   lacpu ti .i xu do ca jimpe li'u ju'e lu go'i li'u ju'e lu xamgu .i ko
   celgunta lo va rapcreze'a papri li'u
   ni'o sy muvgau le cecla lo jibni be pa kanla .i .ue sai pu lo nu sy
   celgunta vau dy darxi le stedu be sy gi'e cusku lu da'i do mrobi'o .i
   do pu na catlu le curmi .i se ki'u bo da'i ca'o lo nu do se cfipu lo nu
   na celgunta vau lo bradi cu klama je catra do li'u ju'e lu .u'u do
   drani .i xu do curmi lo nu mi za'u re'u troci li'u ju'e lu li'a sai
   mi'o nenri lo repcreze'a kumfa .i se ki'u bo .u'i mi pavypa'a lo nu do
   jai rapli fai lo nu celgunta vau li so'i sai li'u .i sy tugni spuda
   gi'e catlu le curmi gi'e pilno ri gi'e muvgau le cecla lo jibni be pa
   kanla gi'e lacpu le xumjicelxa'i se lacpu tutci
   .i lo munje po sy curve lo ka cladu
   ni'o lu do jukpa ma doi .djen. li'u se cusku la .susan. .i dy cusku lu
   lo jipci li'u gi'e dunda fi sy pa botpi be lo sluji surla rinka xumki
   .i sy cmila gi'e cusku lu ta'i ma do djuno li'u .i dy cusku lu doi
   verba mi ze'u sai bu'u mikce .i je ro remna poi pa re'u pilno lo brabra
   dacti poi mi'o te cmene ke'a zo xumjimcelxa'i cu cortu lo janco .i mi
   ba zi dunda lo jipci li'u
ni'o re pi ci pi'e re
   ni'o sy cusku fi vy no'u la .deivid. fe lu .oi do pu kakne lo nu jdegau
   fi mi tu'a le janco .i mi ba ze'u se xrani fo lo ka pilka ciblu li'u
   ju'e lu pau nai da'i lo nu mi jdegau fi do cu mukti lo nu do gasnu ma
   poi frica .i da'i do to'e surla binxo .i do ba rapcreze'a ze'u lo jeftu
   be li so'o ba'o lo nu do ji'a surla pa'a le pu zi pa moi krefu .i ku'i
   lo nu do pa roi surla pilno lo xumjimcelxa'i cu rinka lo nu do jimpe le
   te zukte li'u ju'e lu .oi .e'e nai mi jimpe .i ku'i lo nu do dunda lo
   kerlo bandu ba'e pu le pa moi rapli cu da'i te xendo li'u .i dy dunda
   lo jipci .i sy xagji citka gi'e ckire cusku .i vy cusku lu xu do zmanei
   lo nu pa re'u lifri lo xumjimcelxa'i cladu ca lo nu damba li'u .i sy
   de'a lo nu moklu marxa gi'e catlu vy gi'e na'e gleki cusku lu la'a na
   go'i li'u
   ni'o ba bo sy mo'u citka .i vy cusku lu xu do tatpi li'u ju'e lu na
   mutce go'i li'u ju'e lu .i'a xu do djica lo nu co'a cilre lo dabytadji
   .i .e'u nai la'a ba xrani do fo lo ji'a pilka ciblu li'u ju'e lu .ue
   cai zo'o do mi kurji gi'e kajde .i zo'o nai mi ca ponse pa barda ke
   pilka ciblu .i lo cnino cu na mutce vajni .i go'a li'u
   ni'o le dabytadji kumfa cu vasru la .axmed. po'o .i ri rapcreze'a lo
   dabytadji fo tu'a lo mutce barda ke kruvi cladakxa'i .i sy cusku lu .io
   sai xu la .axmed. pilno lo simsa cladakxa'i lo nu kalte li'u .i vy
   cusku lu go'i .i .a bu bevri ra re'o lo trixe .i ti'e .a bu boi pa roi
   katna lo bongu remsmimi'i re xadba li'u .i .a bu cusku lu re roi .i
   .u'i mutce barda cladakxa'i li'u .i sy cusku lu .y. lo bongu remsmimi'i
   cu mo li'u .i vy cusku lu minji gi'e jvinu simsa lo remna gi'e ku'i
   marji lo bongu po'o .i ra clani lo re si'e lo ni lo remna cu clani li'u
   ni'o vy cusku lu .i ku'i do ca na pilno lo xarci .i ko cilre fi lo nu
   farlu .i ro lo ny cy remna cu farlu cilre .i ji'a ro ra xebni lo nu
   go'i .i ku'i sarcu .i lo nu certu lo ka farlu cu mutce se nelci li'u
   ju'e lu .y. mi ca djuno fi lo nu farlu li'u .i vy na'e se zdile cisma
   gi'e cusku lu roda simsa cusku .i to'i cladu zmadu toi doi .axmed. xu
   do bredi li'u .i .a bu cusku lu go'i li'u
   ni'o sy se spaji lo nu vy klama gi'e se gunta vau .a bu .i sy birti lo
   du'u .a bu curve troci lo nu darxi vy le cladakxa'i .i ji'a sy birti lo
   du'u da'i lo nu .a bu snada cu rinka lo nu vy mutce jursa se xrani .i
   ku'i .a bu na snada .i vy boi ro roi lo nu .a bu muvgau le cladakxa'i
   cu sezmuvgau to'o ri .i so'i roi ku vy korcu sfubu ja gunro le loldi
   ni'a le cladakxa'i .i so'i roi ku vy plipe sfubu ga'u le cladakxa'i .i
   ro roi ku lo pa moi te pencu be le loldi bei vy cu na'e jamfu .i se
   ki'u bo sy tugni fi lo du'u vy boi ro roi farlu .i ku'i na simsa lo nu
   farlu poi sy pu zgana gi'a lifri .i .io sai sy te simlu lo ka vy boi ro
   roi pencu le loldi lo drata xadni pagbu .i sy peisku lu .ua mi pu na
   djuno lo du'u lo remna cu kakne lo nu farlu fi'o se cpana lo stedu gi'e
   rivbi lo nu se xrani binxo li'u
   ni'o vy ca lo nu vy ba'o rivbi le cladakxa'i cu co'a ctuca sy fo lo nu
   farlu .i ku'i sy pu'o certu .i se ri'a bo so'i roi milxe se xrani binxo
   .i ku'i sy krici lo nu cilre so'i da .i sy jo'u vy ba lo nu farlu
   rapcreze'a cu za'u re'u citka .i sy citka lo cmalu po'o .i ku'i vy
   citka lo ba'u mulno xarju .i sy ba lo nu cikta cu klama le zdani gi'e
   sipna
ni'o re pi vo mo'o
   nu damba
   .i ze'u lo jeftu be li ji'i ze sy rapcreze'a lo xumjimcelxa'i .e lo
   dabytadji .i ku'i sy ca lo djedi poi sy bilga lo nu jibri gunka cu
   mutce tatpi binxo .i la .djen. zgana la'e di'u .i se ki'u bo dy dunda
   lo ve mikce xukmi sy .i dy ciksi cusku lu ti xukmrmodafinili .i xy
   sidju lo nu do se frili lo nu ca'o cikna .i ji'a xy pi so'u cu'o lo nu
   rinka da poi xlali li'u .i ba bo lo cnino cuntu be sy cu zenba lo ka
   frili
   ni'o ba lo jeftu vy jdice lo du'u lo ni sy certu cu banzu lo nu na ju'o
   gasnu lo nu lo kalte cu mrobi'o .i se ki'u bo vy friti lo nu pa re'u
   kalte fi'o kansa so'o drata kalte .i .ui sai sy tugni .i vy .e sy nenri
   le citka kumfa .i sy ca citka lo -pomegranite-? poi sy mutce nelci .i
   lo xunre litki cu ru'u cpana le xance be sy .i vy cisma gi'e cusku lu
   la'a mi'o na kalte ca le cabdei .i mi'o denpa lo nu la .kim. facki lo
   fekcrida poi jibni li'u .i ku'i ca zi bo ky nergau le citka kumfa noi
   vy jo'u sy zvati ku'o gi'e cusku lu mi facki li'u .i vy cusku lu ma
   klesi li'u .i ky terpa sevzi jgari gi'e cusku lu la ctino li'u .i ro da
   poi nenri le kumfa cu smaji binxo to sa'e ro da poi na fagri gerku .i
   la .gys. mutce gleki lo nu ba zi citka lo bakni rectu toi .i sy te
   preti cusku lu ma nabmi li'u .i vy cusku lu la ctino cu mucti .i ro roi
   troci lo nu jivgau lo remna lo nu gasnu lo palci .e lo daspo .i lo nu
   daspo la ctino cu nandu .i ji'a ra'u lo nu troci cu so'a roi se badri
   ja se terpa .i mi pu curmi lo nu do sidju .i ku'i mi na stidi lo nu do
   pa re'u kalte cu nu kalte lo ctino li'u .i ca bo la .stefen. cu nergau
   gi'e cusku lu .i ku'i lo nu kalte la ctino cu xamgu cipra lo ni sy
   djica lo nu kalte li'u .i la .stefen. no'u cy bevri lo clani je mudri
   grana .i ri se jadni so'i jemna .a so'i bongu .i sy smadi tu'a lo makfa
   grana
   ni'o sy co'a zgana lo nu so'a diklo prenu cu catlu sy .i se mu'i bo
   cusku lu mi bredi li'u .i vy cusku lu .i'a ko dasni lo xekri gi'e ca'o
   se jadni lo lenjo .i mi'o cliva ba zi lo mentu be li pa no li'u .i sy
   ca'o lo nu cliva le kumfa cu zgana lo nu ky badri catlu sy vau .ii ru'e
   ni'o sy penmi la .kim. joi la .stefen. joi la .deivid. joi la .reitcel.
   re'o lo barda xekri karce .i sy cusku lu xu la .axmed. joi mi'o kalte
   li'u .i la .deivid. no'u vy cusku lu na go'i .i .a bu ca cunso litru le
   tcadu .i ta'o mi pu facki do ta'i lo nu mi go'i li'u .i ro le kalte cu
   bevri lo xumjimcelxa'i to ri po sy pu za lo jeftu be li ci cu se mrilu
   tolcliva toi .i cy bevri ra .e lo clani xekri tanxe jo'u le grana noi
   sy pu viska .i vy cusku lu cy ralju makfa prenu gi'e barda ralju
   xumjimcelxa'i certu li'u .i cy spuda cusku lu .oi du'e mei se fuzme lo
   mutce cmalu nanmu .i zo'o li'u
   ni'o lo nu klama cu temci barda .i la .kim. no'u ky cu cusku lo se du'u
   la fekcrida cu diklo la -wealthy part of town- .i ca lo nu klama cu
   mo'a roi nu tavla .i sy noi xanka lo smaji cu preti cusku lu xu la
   ctino cu se terpa banzu lo nu ro do cu xanka morji ri li'u .i ku'i sy
   ca lo nu ro le drata cu cusku lu go'i li'u ca pa temci mokca cu ji'a
   co'u djica lo nu tavla .i ba bo le karce noi vy sazri si'u ky cu
   tolcliva lo zdani poi barda gi'e blabi .i ji'a sai sy ca ganse lo xlali
   .i ku'i sy na kakne lo nu skicu lo cinmo
   ni'o cy cusku lu doi .kim. xu ro xabju cu se jitro li'u ju'e lu na go'i
   li'u ju'e lu .ui ru'e mi zbasu lo makfa ke bandu djine .i ro ko punji
   lo na'e se jitro ne'i ra li'u .i vy cusku lu vi'o li'u gi'e xance minde
   lo nu jersi .i vo da goi ko'a nergau le zdani ca lo nu cy co'a rapli
   sanga se cu'u lu bandu gi'e jitro gi'e sepli li'u gi'e fargau lo silna
ni'o re pi vo pi'e re
   ni'o lo pa moi kumfa poi ko'a nergau cu xamgu se gusni .i se ki'u bo sy
   zi facki gi'e pilno vau lo gusni cuxyvra .i le drata kalte cu ckire
   cusku .i le kumfa cu se vorme so'u da gi'e vasru lo serti .i vy ba lo
   sutra nu casnu kei stidi lo nu ko'a pilno le serti mu'i lo nu lo ckana
   kumfa cu la'a gapru .i sy ca lo nu serti pilno cu binxo lo ka mutce
   terpa .i sy jijnu lo du'u lo ka palci gi'e xebni cu sruri vo'a(?=sy) .i
   ku'i .a'o sy snada lo nu na bajra .i sy cusku lu mi'o klama fo lo drani
   li'u .i ky spaji catlu sy gi'e ku'i tugni jarco
   ni'o ko'a bu'u lo gapru be le serti be'o nerklaji cu troci tu'a lo pa
   moi vrogai .i ju'o sai no da banzu lo nu cinmo rinka lo nu sy bredi
   tu'a da poi sy viska ne'i le kumfa
   ni'o lo verba cu fengu gi'e cladu krixa to sy peisku lu ri'a ma mi'a na
   tirna lo krixa re'o lo vrogai li'u toi .i re makcu remna cu tcetce
   terpa lo nu lo fagri to sy peisku lu lo fagri cu na skari lo drani .i
   ji'a mi na pu viska lo simsa skari .ii sai li'u toi cu jibni vo'a gi'e
   jbini le makcu bi'i le verba .i le verba cu jgari lo cribe se kelci to
   sy peisku lu xu le cribe cu .ii sai ze'i ga'orgau lo kanla toi gi'e
   krixa se cu'u lo se du'u le makcu na zifre lo nu minde vo'a?
   ni'o sy noi pacna lo nu kurji kei li po mo'a ca'o na bajra gi'e ku'i
   jgari pa makcu gi'e lacpu ri fa'a lo vorme .i le verba pu lo nu sy
   jgari cu na zgana ko'a .i ku'i ca zgana .i se ki'u bo mutce spaji .i se
   ri'a bo lo fagri cu ze'i sisti
   ni'o sy za'u re'u zgana lo nu lo blupinxe cu ka'e sezymuvgau? se kai lo
   ka mutce mutce sutra .i sy gleki lo nu lo blupinxe cu sidju vo'a? .i
   ku'i sy ca lo nu ko'a pilno le serti cu tirna lo rigni je se terpa
   krixa .i sy tirna lo voksa be le verba be'o joi lo voksa be lo na remna
   .i ri curve lo ka xebni .i ry no'u la .raitcel. cu lebna le makcu poi
   sy jgari .i ry bevri le makcu gi'e .io bajra .i sy se lidne bajra
   ni'o ko'a jo'u le makcu cu klama lo bartu .i cy no'u la .stefen. cu
   jarco lo drani diklo le makcu .i ri tolcliva lo nenri be pa makfa djine
   .i ku'i sy viska lo drata djine .i ji'a sy zgana lo nu ry ji'a viska .i
   ca bo ry simlu lo ka terpa gi'e ba'o jdice .i sy pu jibni lo ka xalni
   .i lo nu ry terpa cu na sidju .i ku'i .io cai sy ca'o na bajra
   .i ni'o vy cusku lu doi .stefen. xu do troci lo nu catra la ctino li'u
   .i cy -resolute-? cusku lu go'i li'u ju'e lu .u'i ru'e le rirni cu ba'e
   to'e nelci la'e di'u li'u ju'e lu .u'i ru'e .ie .i ku'i malgletu le
   rirni li'u ju'e lu .u'i la'a na sidju .i ji'a ju'o ry fengu binxo li'u
   .i vy cusku fi le re rirni fe lo glico panra be lu ko stali lo nenri be
   le djine .i lo nu do ne'i stali cu rinka lo nu do snura .i to'i pa
   rirni cu co'a krixa tavla .i ku'i vy na sisti mu'i lo nu tirna li'u
   mi'a troci lo nu bandu do ba'e .e le do verba .i ku'i .o'o nai sai lo
   nu da'i do cliva le djine gi'a na ba'e ca smaji binxo cu mukti lo nu
   ba'e mi celgunta do li'u .i le re rirni zi smaji binxo
   ni'o le verba to noi sy smadi lo nu ke'a jmive nanca li ji'i bi toi
   pa'o mo'i le vorme cu ca'o jgari le cribe .i le verba ca lo nu viska le
   mu kalte cu cusku lu mi na curmi lo nu do lebna le rirni be mi .i mi
   daspo do li'u .i .ii le verba cu celgunta le kalte fu lo cizra skari
   fagri .i ku'i la .kim. muvgau le xance le crane be ri .i .u'e le fagri
   cu se minra lo sucta badgai poi crane ky .i ry cusku fi le verba fe lo
   panra be lu doi .djeisyn. to'i sy morji lo nu le rirni cu cusku le
   cmene toi mu'i ma do xairgau le rirni li'u .i la .djeisyn. goi ko'e cu
   spaji cusku lo panra be lu mi na xairgau le rirni .i ri ro roi minde mi
   .i mi ba na curmi li'u .i sy tirna lo nu le cribe cu cusku fi le verba
   .i lo voksa be ri cu tcetce se terpa
ni'o re pi vo pi'e ci
   ni'o ry cusku lo panra be lu do ja'a xairgau .i do rinka lo nu le rirni
   cu terpa binxo .i xu do nelci lo nu terpa li'u .i ko'e smaji ke glico
   cusku lu na go'i li'u .i ca bo le cribe voksa cu zenba lo ka cladu .i
   le cribe cu minde ko'e lo nu daspo le kalte .i se ki'u bo sy glico
   cusku to ro drata kalte cu spaji catlu sy gi'e ku'i na rinju toi lu le
   cribe ca ca'a minde do .i xu do nelci la'e di'u .i le rirni cu ze'u
   kurji je prami do .i mu'i ma do curmi lo nu le xebni cribe .e nai le
   prami rirni cu minde do li'u .i le verba ca'o ze'i cfipu gi'e nai spuda
   .i ca bo le cribe cu krixa minde fi lo nu daspo .i ry cusku lu xu do
   krici lo nu le rirni cu so'a roi troci lo nu sidju do li'u .i le verba
   cu ba'o jdice gi'e glico cusku lu go'i li'u .i ry glico cusku lu .i se
   ki'u bo ko renro le cribe gi'e klama le rirni gi'e xenru cusku se ra'a
   lo nu do terpa rinka li'u .i ca bo vy cusku fi la .susan. fe lu le
   cribe cu vasru lo jemna .i mi joi do joi la .kim. ba troci lo nu daspo
   le se go'i li'u .i ba bo le verba cu renro le cribe .i ba zi bo so'i da
   fasnu ca pa mokca
   ni'o le cribe cu tcetce cladu krixa .i ca bo le verba cu bajra fa'a le
   rirni .i ca bo cy vimcu so'i bandu se jadni .i ca bo ry co'a lasna so'i
   jemna lo xance degji lo tordu skori .i ca bo ky .e vy celgunta le cribe
   .i ba zi bo sy ji'a celgunta to sy mutce gleki lo nu ro xumjimcelxa'i
   cu lasna lo sance jdika dacti toi .i ca bo sy to'e tcila zgana lo nu ry
   cinse muvgau le xance ne'i le palku be ry .i sy krici lo du'u la'e di'u
   tcetce cizra to zmadu ri'a lo nu ry ca'o se jadni lo xance jemna toi .i
   ku'i na zifre lo nu preti .i ba zi bo ju'o le cribe jemna ca'a se daspo
   fi'o ve jinvi lo nu lo cizra skari ctino cu cliva le cribe
   ni'o sy terpa zgana lo nu le ctino ze'i fulta ga'u lo loldi .i le go'i
   cu ctino zi'o zi'o .i ba bo le ctino goi ko'i cladu krixa gi'e sutra
   klama cy noi nenri le re moi makfa djine .i ko'i mucti gunta cy .i ku'i
   ca bo ry noi jibni cu cikre pa cmalu ke linji te sepli .i se ki'u bo
   ko'i zmadu cladu krixa .i ku'i cy ji'a krixa .i ko'i sruri le stedu be
   cy .i za'a cy damba ko'i lo nu jitro .i .ue cy co'a fengu cusku lu .i
   lu broda .i ja brode li'u cu vlina le du'u broda kei le du'u brode.i lu
   broda .i je brode li'u cu kanxe le du'u broda kei le du'u brode lu
   broda .i jo brode li'u cu vlina le du'u kanxe le du'u brode kei le du'u
   brode kei kei le du'u kanxe le du'u na broda kei le du'u na brode .i
   to'i li'o sai toi li'u .i ca'o bo ko'i cortu krixa gi'e vofli to'o cy
   .i ku'i na kakne lo nu cliva le djine .i la .deivid. cladu cusku lu ko
   celgunta le ctino .i ku'i ba'e na xairgau cy .e ry li'u .i sy pu'o lo
   nu celgunta cu zgana lo nu ry vimcu lo palku .i ku'i sy troci lo nu na
   zgana ..i mu'i bo sy nitcu lo nu certu celgunta .i lo xe xumjimcelxa'i
   cu pagre le ctino .i ku'i li'a le ctino cu na nelci .i la'e di'u mukti
   lo nu le ctino cu rivbi cy .i ku'i sy na kanpe lo ze'u nu rivbi
   ni'o la .raitcel. mo'u vimcu lo palka .i ry jai gau tordu katna lei
   plibu kerfa .i se ri'a bo ri mipri so'u da .i le vlagi be ry cu mutce
   cilmo .i ji'a le barda ke vlagi ctebi cu se preja gi'e xunre .i lo nu
   cinmo lo nu cinse djica cu nandu fi lo nu damba .i ku'i ry di'i
   rapcreze'a la'e di'u .i ry nergau le makfa djine poi ji'a vasru la
   .stefen. .e le ctino .i ry to'e zgana lo xe xumjimcelxa'i gi'e kargau
   le palku be cy gi'e jgari le pinji gi'e so'u roi satre ri .i le pinji
   cu pu se preja je ke mutce jdari ke'e binxo .i cy ji'a rapcreze'a lo nu
   cinse binxo ca lo nu damba
ni'o re pi vo pi'e vo
   ni'o ry bartu tengau lo birka se ri'a lo nu lo jemna cu dandu .i ji'a
   ry tengau le vlagi ctebi gi'e zutse le tuple be cy .i ry gasnu se cau
   lo ka prami gi'a kurji .i le pinji cu sutra je sakli se tisna le vibna
   .i ry joi sai cy krixa lo cinse se pluka sance .i ca bo le ctino cu
   za'u re'u krixa .i ku'i sy zgana lo nu le ctino sance cu jdika lo ka
   cladu .i sy tcetce cfipu gi'e terpa gi'e ku'i sanji lo du'u le ctino cu
   ruble binxo .i cy ba zi bo di'a fengu cusku lo logji jetnu datni .i ry
   ji'a cusku ri .i ku'i mleca fi lo ka certu .i se ri'a bo jundi lo nu
   sezymuvgau .i le janco be le tuple bei ry fa'a mo'i je? to'o mo'i slilu
   lo masno .i ry boi ro roi lo nu le vibna co'i tunlo le pinji cu samji
   cmoni .i za'a sai cy joi ry mutce nelci la'e di'u .i ku'i ry joi cy
   ca'o terpa gi'e fengu gi'e xebni le ctino
   ni'o le ctino ca'o troci lo nu gunta cy .i ku'i lo xe xumjimcelxa'i cu
   bandu cy .i ku'i sy krici lo du'u le ctino ba zi darsi lo nu gunta .i
   ba zi bo le ctino cu krixa .i lo ni cladu cu banzu lo nu rinka co cortu

   lo kerlo .i ba zi bo le ctino cu canci
   ni'o ba zi bo ry joi sy co'a klaku .i ji'a sy ba zi go'i
ni'o re pi mu mo'o
   nu cpedu
   .i la .deivid. no'u vy dunda lo makfa bandu se jadni .e lo judri karda
   le lanzu .i ku'i le lanzu cu cusku pi mo'a da .i sy smadi lo du'u mutce
   se jenca .i ba bo ro le mu kalte cu nergau le karce
   ni'o vy ca lo nu klama cu ciksi so'i da sy lu lo nu catra la ctino cu
   mutce nandu gi'a tcetce ckape to'i sy zgana lo nu le voksa be vy jarco
   no se cinmo .i sy peisku lu la'a da'i mi na xagmau se sance toi .i lo
   na'e mutce ckape tadji cu ze'u makfa ritli .i ku'i lo nu go'i cu sarcu
   lo nu kavbu la ctino kei noi mutce nandu .i mi'o pu kavbu ri'a lo nu
   po'o pu za bredi la ctino gi'e lidne ri di'o da poi mi'o cuxna .i do pu
   viska lo ckape tadji .i la'a sai do kucli lo rinka be lo nu le tadji cu
   snada li'u
   ni'o sy cusku no da .i la .kim. pendo pencu pa birka be sy .i sy cmila
   se kai lo ka cmalu gi'e badri gi'e ku'i ckire .i vy de'a cusku mu'i lo
   nu sazri le karce .i ry joi cy poi nenri lo traji trixe stizu cu gunma
   kufra gasnu .i ba zi bo vy badri se sance gi'e cusku lu mi pu ciksi lo
   du'u la fekcrida cu fenki binxo ca lo nu troci co jimpe lo remna menli
   .i se ki'u bo cy ca le nu le ctino cu gunta cu ji'a gunta le ctino .i
   cy troci lo nu menli jitro le ctino .i lo nu snada cu na cumki ri'a lo
   nu lo remna cu na vlipa banzu .i ku'i lo nu troci cu rinka lo nu le
   ctino cu lifri tu'a le menli be cy .i la'e di'u xrani le ctino .i le
   ctino cu se xrani tu'a ro sidbo ja se cinmo be lo remna .i ku'i lo nu
   fenki binxo cu se sarcu lo vlipa se pensi .a lo barda temci .i ku'i le
   ctino ba'e na tolmencre .i se ki'u bo le ctino cu troci lo nu menli
   jitro cy .i se ki'u bo cy nitcu lo nu sutra rinka lo nu fenki .i se
   ki'u bo nitcu lo vlipa se pensi
   .i traji vlipa remna cinmo lo ka xebni gi'a fengu .e lo ka terpa .e lo
   ka cinse djica .i ry .e cy pu pu za ca'o terpa gi'e xebni .i ji'a ry .e
   cy pu di'i rapcreze'a lo nu lifri lo mutce nu cinse djica kei ca lo nu
   ckape .i cy pu krici lo du'u lo nu pilno le ci vlipa cinmo .e lo logji
   noi la fekcrida cu ba'e traji xebni cu rinka lo nu la fekcrida cu zi
   fenki binxo to'i camlu denpa toi .i za'a cai cy drani .e'e sai dai .io
   sai li'u
   ni'o sy desku pa'a da poi pu zi se darxi .i sy smaji sai cusku lu do'o
   na pu troci lo simsa be le pu zi fasnu li'u .i ry smaji cusku lu na
   go'i li'u .i ba ze'a bo sy smaji .i ba bo sy cusku lu ma rinka lo nu la
   ctino poi fenki cu canci li'u .i cy cusku lu ge nai canci gi daspo .ui
   sai .i la ctino cu menli po'o lo na zasti .i lo nu lo menli po'u la
   ctino cu se daspo cu mintu lo nu ri se daspo .i ji'a la ctino cu pilno
   lo cmalu jemna lo nu sidju fi lo nu stali lo bu'u munje .i la'a la
   fenki ctino poi ca'o pilno le jemna cu kakne lo nu stali .i ku'i do'o
   daspo le jemna .i'o sai li'u
   ni'o pi so'u roi tavla ca lo ve vimcu be fi lo nu klama .i ba bo la
   .deivid. gidva sy lo nu pinxe lo glare gi'e pilno lo diklo ckana .i vy
   kurji sidju .i sy gleki lo nu go'i .i vy gasnu lo nu sy snura cinmo .i
   ji'a sai sy pensi lo nu cpedu lo nu vy joi vo'a sipna .i ku'i sy krici
   lo du'u le se djica cu se rinka lo nu terpa .i da'i lo nu sy na kakne
   lo nu renvi lo nu terpa cu tcetce mukti lo nu sy na kalte binxo .i se
   ki'u bo sy pilno lo ckana poi vy facki va'u sy gi'e ba zi sipna
   ni'o lo djedi be li so'o cu purci binxo se cau lo mutce cinri .i la
   .deivid. no roi cusku tu'a lo nu sy klaku .i sy ckire gi'e zenba lo ka
   sinma vy .i sy sidju fi lo nu kalte la fekcrida poi cmima lo klesi poi
   ji'a srana le fekcrida poi vy bandu sy ke'a .i la nicte cadzu cu te
   cmene fi lu la moklu fekcrida li'u .i lo nu kalte pa fekcrida cu mucte
   frili fi lo nu ponse lo vlipa xumjimcelxa'i .i lo drata kalte cu curmi
   lo nu sy catra le moklu se ri'a lo nu sy zenba lo ka sevzi krici
ni'o re pi mu pi'e re mo'o
   ni'o ba ze'a lo djedi be li so'u la .susan. jo'u la .deivid. citka ne'i
   le citka kumfa .i vy cusku lu ma nabmi doi .susan. .i do mutce smaji
   ca'o lo dukse li'u ju'e lu na nabmi .i ku'i mi mutce pensi li'u .i sy
   barda vasxu gi'e cusku lu mi mutce pensi lo balvi be mi .i ji'a .y .ue
   .a'u. .i mi ca morji lo preti poi mi pu djica lo nu cusku fi do .i ma
   mukti lo nu la .reitcel. pilno lo cmalu dandu jemna li'u ju'e lu .u'i
   mi ji'a tolmorji .i lo jemna cu milxe desku ri'a tu'a lo flecu be lo
   makfa .i la ..stefen. catlu lo jemna se pi'o lo nu xagmau te makfa fi
   lo nu cy menli jorne le ctino li'u
   ni'o sy pensi le'a di'u gi'e cusku lu mi jimpe .i ta'o nai mi ca'o
   djica lo nu blupinxe binxo .i ku'i zo'o ru'e mi na mutce nelci zo
   blupinxe .i do'o denpa ma fo lo nu ritli li'u .i la .deivid. cisma gi'e
   cusku lu .iu mi pu terpa lo nu tu'a le ctino cu fanta lo nu do djica lo
   nu binxo lo kalte li'u ju'e lu na go'i .i tu'a le ctino cu rinka lo nu
   mi za'u re'u jimpe lo du'u la nicte cadzu cu traji lo ka vajni .i mi
   djica lo nu sidju .i mi krici lo du'u mi stati lo kalte li'u ju'e lu mi
   tugni .i mi nitcu lo nu cpedu fi lo jatna .i ku'i la'a lo ritli cu se
   detri da poi balvi lo djedi be li so'o li'u ju'e lu .ui sai
   ki'e.deivid. .i ta'o lo jatna cu mo li'u ju'e lu girzu gi'e xabju so'i
   da gi'e ku'i pu za xabju la .rom. .i ny cy pu zu jitro le ralju xriso
   be'ejda .i ku'i ca bo ny cy mutce pilno la .internet. li'u ju'e lu do'o
   pu jitro lo xriso xu pau nai .u'i sai li'u .i se ki'u bo re mei cmila
ni'o sai ci mo'o
   nu binxo
ni'o ci pi pa mo'o
   nu ritli
   .i la .susan. mutce xanka .i ku'i sy zmadu ganse lo ka lenku .i sy
   peisku lu mi zmanei lo nu daspo lo taxfu li'u .i sy zutse ne'i lo mutce
   pluja ke makfa djine noi prina le loldi be le makfa kumfa .i la
   .stefen. pu stidi lo nu sy dasni no da .i ri'a bo lo nu binxo lo
   blupinxe cu rinka lo nu zenba lo ni te sluji .i se ri'a bo lo taxfu cu
   da'i se daspo .i ku'i le loldi cu mutce lenku .i .o'o cu'i sy jinvi lo
   nu lo nu lo taxfu cu fanta lo nu vasxu cu cumki .i ku'i mutce to'e
   nelci lo nu lenku
   ni'o la .stefen. dunda fi sy fe lo tolklina dakli noi kunti gi'e cusku
   lu ko pilno ti lo nu da'i nai do ba vamtu .i lo nu do pofygau le djine
   cu xlali do li'u .i sy cusku lu xlali rinka ma li'u ju'e lu la'a do
   denpa ze'u lo cacra be li so'o lo nu mi facki do .i le munje poi do ba
   zi vitke cu darno ti .i ji'a ju'o lo fekcrida ca'o lo nu vitke cu cpedu
   lo nu do cliva le djine .i ko tinbe .i ku'i ko mutce kurji le djine
   li'u ju'e lu vi'o sai .stefen. li'u
   ni'o la .stefen. co'a sanga je tavla fi lo nu litru vau la .gliban. .i
   sy smadi lo du'u cy tavla lo fekcrida .i se ki'u bo na pilno la
   .lojban. .i cy cusku so'o da noi na mutce cinri .i se ki'u bo sy krici
   lo du'u cy menli gasnu lo makfa .i ji'a la'a lo nu tavla cu se clite
   gi'a sidju fi lo nu cy pensi .i cy cusku ze'a lo mentu be li du'e .i sy
   ca'o mutce lenku .i ku'i ba bo le kumfa cu canci .i sy na'e cai jundi
   lo lenku
   ni'o sy po'o nenri le djine .i le djine cu se bartu lo tcetce barda
   kumfa .i za'a cai le kumfa cu marji se cimde du'e da to va'i li za'u ci
   toi .i lo te jorne be lo kamju .e lo simsa greku dacti vu'o po le kumfa
   cu fe'e di'i se jganu lo na cumki be le te munje be sy .i ji'a sy zgana
   lo nu so'i greku dacti cu .ii sei rigni se'u jmive gi'e cunso sligau .i
   le menli be sy na kakne lo nu jimpe le stura be le kumfa .i se ri'a bo
   sy mulno lo ka viska cfipu .i se ri'a bo sy ze'a vamtu .i ku'i .e'e
   ru'e sy vamtu ne'i mo'i le dakli
   ni'o ca bo sy tirna lo voksa se cu'u lo glico panra be lu mi pu di'i
   pensi lo du'u xu kau lo re mei cimde prenu cu simsa gasnu ca lo nu
   vitke le munje be do li'u .i sy ba lo nu vamtu cu sisku lo tavla .i sy
   re'o lo darno pe'a bitmu cu viska lo tcetce barda stizu .i sy smadi lo
   du'u ri mitre li xa lo ni clani .i ku'i le stizu cu fe'e di'i na zasti
   ne'i lo ci mei cimde .i se ki'u bo sy na'e sai birti .i .ui sy snada co
   rivbi lo nu za'u re'u vamtu .i sy smaji cusku lo panra be lu mi na
   djuno li'u gi'e za'u re'u catlu le kumfa .i ri manku gi'e vasru so'o
   fagri tansi to lo du'e mei cimde fagri cu mutce ke cinri je manci toi
   .e so'i jmive noi sy na pu viska .i ji'a sy tirna lo jelca sance .i
   ku'i ri simlu lo ka mutce darno vau sy .i ji'a sy tirna lo sance be lo
   cmalu jmive to so'i ri simsa lo jukni .i ku'i lo skapi .e lo rectu cu
   simsa lo danlu .e nai lo cinki toi .i lo jmive sance lo ka .ii tcetce
   jibni cu simlu sy .i sy catlu lo se diklo be le stizu .i sy viska re
   fagri gerku poi lamji le stizu gi'e mutce barda .e lo .y. brabra jmive
   ni'o le jmive noi cpana le stizu cu traji lo ka barda vau fo ro jmive
   poi sy pu viska .i le jmive cu li'a zasti ne'i du'e cimde .i ji'a le
   jmive cu ponse du'e sai tu'urbirka .i ri di'i muvdu pa'o lo to'e cumki
   canlu .i sy za'u re'u snada lo nu na vamtu .i le jmive cu cusku lo
   panra be lu ko cliva le djine li'u .i la .susan. se minde gasnu
   ni'o le jmive cu cusku lu xamgu .i do tsali .i mi pu terpa lo nu do
   fenki? binxo li'u .i ku'i sy na tirna le selsku .i ji'a sai sy na tirna
   ne'i le menli .i lo curve ke sidbo je se cinmo cu menli tolcanci .i le
   se lifri cu tcetce cizra sy .i ku'i sy ca'o troci lo nu virnu .i se
   ki'u bo troci lo nu menli cusku lu mi troci .i ku'i le do munje cu
   tcetce cizra mi li'u ju'e lu .ue do sutra cilre .i mi nitcu lo nu catlu
   le do menli .i ko curmi la'e di'u .i jo nai do ba cortu li'u
   ci pi pa pi'e re
   ni'o sy ganse so'i morji spisa .i ro ri sutra tolcanci gi'e ba zi canci
   .i le se lifri cu mutce cizra gi'e ku'i na to'e se nelci
   ni'o ba bo le jmive cu cusku lu bancu lo ka xamgu .i mi na kakne lo nu
   jImpe so'i se lifri be do .i ku'i mi nelci so'e da poi mi jimpe .i mi
   djica lo nu vitke do .i da'i mi friti lo nu jarco le menli be mi do .i
   ku'i ju'o sai la'e di'u cu rinka lo nu do fenki binxo .u'u sai .i ri'a
   bo do na pu lifri lo nu catlu lo drata menli .i ta'o nai xu do djica lo
   nu mi vitke do li'u
   ni'o sy ca'o lenku gi'e mutce terpa .i ku'i ji'a sy ca'o djica lo nu
   kalte la daspo fekcrida .i sy pu zgana lo du'u lo blupinxe cu zmadu
   vo'a lo ka vlipa .i sy ca'o djica lo simsa vlipa .i se ki'u bo sy menli
   cusku lu mi djica .i ji'a mi ca bredi li'u .i se mu'i bo le jmive cu
   sanli to sy peisku lu .u'e sai bramau lo pu se krici li'u toi gi'e
   cadzu fa'a sy .i le jmive ca lo nu jgari sy cu cusku lu ju'o do ba
   cortu li'u
   ni'o lo blupinxe cu mutce tolnelci lo nu skicu le nu binxo .i mi ca
   sinma la'e di'u .i se ki'u bo mi ciksi fi do lo nu je'a mutce cortu
   po'o
   ni'o sy ca lo nu cikna binxo cu viska lo nu so'i cmalu jimve cu lacpu
   le xadni be le jmive fa'a lo manku .i ji'a sy .ua nai cai viska lo nu
   so'i selfu danlu cu bevri le xadni be vo'a fi'o pu minde vo'a .i sy
   ze'i krici lo du'u vo'a fenki binxo .i ku'i la .tsist. sidju lo nu
   surla binxo .i sy menli cusku lu xu mi ba di'i krici lo du'u lo se
   pensi be do cu se pensi mi li'u ju'e lu .oi mi mutce pacna lo nu na
   go'i .i mi ji'a na nelci le se lifri li'u ju'e lu .yyy. xu do pu zbasu
   su'o blupinxe li'u ju'e lu na go'i .i ze'u ca ro djedi lo ni remna cu
   banro .i se ni'i bo lo ni blupinxe cu ji'a banro .i se ni'i bo ro lo pu
   blupinxe zbasu cu ca vitke pa remna li'u ju'e lu .oi .ii ru'e mi na pu
   pensi la'e di'u li'u
   ni'o .a'i sai sy sanli gi'e xruti le djine .i sy cortu ro sluji to ba
   za ku sy facki lo nu so'a sluji cu banro se la'u lo centre be li so'o
   .i mu'a .ii nai le cnebo djine cu banro se la'u lo centre be li bi .i
   sy ckire fi lo nu lunbe kei te cu'u la .stefen. toi .i ku'i sy mutce
   kurji le djine .i sy ba zi lo nu sanli ne'i le djine cu ganse lo barda
   nejni poi le vitke cu pilno ke'a lo nu xruti le munje be sy
   ni'o lo ny cy cmima ba lo nu sy xruti cu gasnu lo nu sy dasni lo pastu
   .i ji'a gidva sy lo ckana .i sy ze'u sipna
ni'o ci pi pa mo'o
   nu jibri gunka
   .i sy mutce jai lerci fai lo nu tolcliva le jibri dinju .i sy na gunka
   ca lo purlamcte .i ku'i sy krici lo du'u da'i lo nu sy na gunka ca le
   cabycte cu rinka lo nu le jatna cu fengu binxo .i sy na cpedu lo nu da
   po ny cy gasnu lo nu sy cikna .i ku'i sy na kanpe lo nu sy sipna ze'u
   lo cacra be li ji'i re no
   ni'o loi barja badgau ca lo nu sy tolcliva cu cusku lo se du'u sy mutce
   na'e simsa se jvinu .i se ki'u bo sy cusku lu mi pu zi di'i sai
   repcreze'a lo sluji li'u to li'a ro bajra prenu cu na pilno la .lojban.
   .i se ki'u bo mi na tcita lo glico selcku ne'i le dei lisri pagbu toi
   .i lei badgau cu cusku lo se du'u li'a sy snada .e le se du'u la'a sy
   na nitcu lei no'a
   ni'o lo drata blupinxe cu jai kajde sy lo nu gunka ca le cabdei .i ku'i
   sy terpa lo nu le jibri jatna cu fengu .i sy na djica la'e di'u .i zo
   .djan. cmene le jatna .i sy milxe nelci la .djan. .i ku'i ri di'i fanza
   gi'e jai frili fai lo nu fengu binxo .i dy cisma rinsa sy ca lo nu sy
   nerkla le dinju .i sy surla binxo mu'i lo nu dy na fengu sy lo nu lerci
   .i za'a so'u da .ui denpa la .terisas. noi drata ke barja selfu .i sy
   sutra cadzu te zu'e lo nu sidju ty
   ni'o ty ca lo nu sy tolcliva cu cusku lu .u'i do na nitcu lo nu bajra
   .i za'a so'u da cpedu lo se pinxe li'u .i sy noi surla vasxu cu cusku
   lu mi na bajra li'u ju'e lu .ia nai lo nu do pu zi klama ti le vorme cu
   zmadu fi lo ka sutra kei fe ro nu lo badgau cu sezmuvgau ca lo nu ri
   fengu .i ta'i ma do gasnu va'o lo nu do na bajra li'u .i sy cusku lu mi
   smadi lo nu mi milxe bajra li'u gi'e peisku lu .oi mi na morji lo nu
   bajra .i mi na slupli vasxu li'u .i le jmive cu cusku lu li'a sai li'u
   se ri'a lo nu sy se spaji ke cmalu plipe gi'e ku'i rivbi lo nu falgau
   lo se pinxe poi sy ca'o zbasu .i le jmive ca'o cusku lu do ponse lo
   cnino xadni .i ri se kai lo ka tsali gi'e sutra gi'e certu cu pilno lo
   nejni .i lo nu da'i do na djica lo nu lo drata cu zgana lo nu do cizra
   cu mukti lo nu do jitro lo se cinmo be do .i lo nu do mutce djica lo nu
   sutra sidju cu rinka lo nu do tcetce sutra cadzu li'u
   ni'o di'a munje .i sy ca'o lo nu le jmive cu cusku cu zgana ro sruri
   do'e lo nu na muvdu .i sy krici lo du'u sy kakne lo nu klama ge le
   bajra le vorme gi le vorme le bajra so'o roi ku pu lo nu lo drata cu
   kakne lo nu pa roi vasxu .i le jimve cu cusku lu na go'i .i le besna .e
   nai le xadni pu zi sutra binxo .i le xadni cu sutra .i ku'i .u'u na
   simsa sutra li'u .i sy ca la'e di'u za'u re'u lifri lo nu le munje cu
   se fanmo
   ni'o sy lerci zgana lo nu la .terisas. cusku fi sy .i se ki'u bo sy
   cusku lu .u'u sai mi pu na jundi li'u .i ty cusku lu xu do kanro .i do
   simlu lo ka cizra ca le cabdei li'u ju'e lu mi kanro .i ku'i mi pu ze'a
   lifri so'i da poi cnino li'u ju'e lu ma cmene li'u ju'e lu .ua nai ma
   kau cmene ma li'u .i ty milxe darxi sy gi'e cusku lu lo nanmu poi do
   nelci .i do pu simsa toljundi ca lo nu do nelci lo cnino nanmu po'o
   li'u ju'e lu .u'i mi nelci no cnino nanmu to le jmive ca cusku lu .u'i
   xu jetnu li'u .i ku'i sy za'o na jimpe lo krinu toi .i ku'i .y. mi .y.
   pu za .y. co'a xe draci lo makfa cfika .i ju'o cu'i mi dukse pensi le
   draci li'u ju'e lu .ui sai do ze'u nitcu lo na'e jibri cinri li'u
   ci pi re pi'e re
   ni'o le re selfu cu smaji gunka .i le barja dinju cu vasru so'i se
   selfu .i se ki'u bo pi so'u roi zifre lo nu casnu .i ba za bo lo remna
   cu snuti janli lo pinxe bevri .i se ri'a bo le bevri .e le pinxe cu
   co'a farlu .i la .susan. cu mutce djica lo nu lo se pinxe na farlu vau
   mu'i lo nu la'a sy ba lumci .i se ki'u bo sy pu lo nu xamgu pensi cu
   klama le bevri gi'e jgari ri .e le pinxe .i sy dunda le se pinxe le
   bevri gi'e zgana lo nu so'a re'o remna cu smaji gi'e viska catlu sy
   gi'e mutce se spaji .i se ki'u bo sy cusku lu mo li'o .i le bevri cu
   cusku lu lo ni do pu zi sutra cu na cumki li'u .i sy za'u re'u lifri lo
   nu ro da se fanmo .i le jmive cusku lu .u'i ru'e ba'a do nitcu lo jmina
   temci te si'u lo nu finti lo te spuda li'u ju'e lu ki'e .y. do .i ta'o
   ma cmene do li'u ju'e lu .y. mi na jimpe li'u ju'e lu .y. ca lo nu da
   casnu tu'a do vau da cusku ma poi tcita do li'u ju'e lu mi ba'e na
   kakne lo nu jimpe la'e di'u .i .y. la'a di'e sidju .i ro mi'a menli
   cusku se ki'u lo nu na pilno lo valsi li'u ju'e lu .ua .i'a .i mi jimpe
   li'u
   ni'o ba zi bo sy gasnu lo nu za'u re'u cfari gi'e cusku lu mi pu pilno
   lo makfa tcica poi le mi famti cu ctuca mi li'u .i lo re'o remna cu
   smaji cusku lu .ia nai banli tcica li'u .i ku'i sy toljundi lo nu go'i
   vau gi'e klama le trixe be le barja .i la .terisas. smaji cusku lu mi
   na djuno lo du'u ta'i ma kau do pu gasnu .i ku'i mi stidi lo nu do na
   za'u re'u gasnu lo simsa li'u .i sy xanka cusku lu vi'o sai li'u
   ni'o pa po'o fasnu poi cinri cu fasnu ca le cabycte .i sy ca lo nu pa
   remna goi ko'a cu tolclite jgari pa drata remna cu jai lafti ko'a loi
   kerfa gi'e se desku ko'a .i ba zi bo lei badgau cu gidva ko'a tu'a le
   bartu .i so'i remna cu krici lo du'u le fasnu cu cizra .i ku'i lo go'i
   cu gleki gi'e mutce sinma la .susan. .i sy cpedu so'i cidja lo jukpa
   gi'e citka ca'o lo ve vimcu be fi le nicte .i ji'a sai citka ci snuji
   ca lo nu xruti le zdani .i ba bo sy mutce tatpi sipna
ni'o ci pi ci mo'o
   nu facki
   .i ca le bavlamcte sy na jibri gunka .i la .deivid. ca'o lo nu sy citka
   ci jipci cu stidi lo nu sy rapcreze'a lo nu pilno lo cnino denci je
   jgalu .i sy cusku lu .y. .ia do pu cusku lo se du'u no da pilno ri li'u
   ju'e lu no da di'i pilno .i ku'i pi so'u roi ku le sampu xarci cu vajni
   .i no da kakne lo nu lebna li'u ju'e lu do xamgu drani .i mi rapxreze'a
   fo ma li'u ju'e lu mi stidi lo nu do vitke la solji vorme panka gi'e
   dasni lo mutce tagji gi'e denpa lo nu da troci lo nu xairgau do li'u
   ju'e lu .u'i .ia nai ru'e do stidi ma lo nakni blupinxe li'u ju'e lu
   .u'i mi stidi lo nu vitke lo panka gi'e dasni lo xekri gi'e denpa lo nu
   da troci lo nu xairgau lo ninmu li'u ju'e lu .ua .i ku'i xu do terpa lo
   nu mi ca'a se xairgau binxo li'u ju'e lu na'e sai go'i .i xu do terpa
   li'u .i sy ca lo nu ba'o pensi cu cusku lu na go'i li'u
   ni'o lo te nuzba cu ba ze'a te preti fi lo se du'u ta'i ma lo cilce je
   vlile gerku bende cu nergau lo panka .i loi pulji cu krici lo du'u lo
   remna cu catra le nanmu vau .e ku'i lo du'u le nanmu cu pu so'i roi
   bapli gletu su'o ninmu .i se ki'u bo loi pulji cu gleki pinxe do'e le
   catra gi'e nai ciksi fi lo te nuzba
   ni'o no da poi cinri cu fasnu ba ca'o ji'i pa jeftu .i ba bo ku'i sy
   lifri lo mutce cizra
   ni'o sy jibri gunka so'u da mu'i lo nu so'u remna cu vitke le barja
   mu'i la'a tu'a lo jeftu midju .i .ue sai le jmive cu cusku lu ta poi
   nanmu cu se jitro lo banli bradi li'u .i la .susan. menli cusku lu xu
   ri du la daspo fekcrida li'u ju'e lu go'i .i ko spogau ta li'u .i ji'a
   sy cinmo lo ka traji fengu .i ku'i sy jimpe lo du'u le cinmo cu se
   krasi le jmive .i se ki'u bo cusku lu mi na ca go'i .i la'a ta na djica
   lo nu se jitro .i ji'a la'a ta snuti jarco lo diklo be lo jitro li'u
   ju'e lu .y. ju'o na djica lo nu se jitro .i ko viska catlu le gapru
   trixe canlu li'u .i sy ja'a catlu .i ku'i facki no da poi cinri gi'e
   cusku .i le jmive spuda cusku lu .ua sai .uu sai mi pu tirna lo se du'u
   lo remna cu se jinzi no makfa .i ku'i mi na pu krici .i ku'i li'a sai
   drani .i mi sidju li'u .i .ue cai sy no'e klina viska lo jmive poi
   lasna le trixe be le nanmu .i le jmive cu viska simsa lo -starfish-? .i
   ku'i sy krici lo du'u lo jukni simsa jmive poi sy viska ne'i lo drata
   munje cu mintu le trixe jmive .i le menli jmive cu cusku lu do drani .i
   ji'a .o'o nai do drani le du'u mi'o nitcu lo nu na ca catra ti .i mi
   troci lo nu denpa li'u
   ni'o sy catlu le nanmu ca'o le nicte .i le nanmu cu simlu lo ka badri
   gi'e xanka vau sy.i ji'a ko'a di'i tavla ko'a .i sy menli cusku lu xu
   le nanmu cu cusku fi le jmive li'u ju'e lu na go'i .i .y. sa'e lo nu
   go'e cu cumki .i ku'i le jmive na kakne lo nu tirna .i la'a le nanmu cu
   fenki gansu li'u .i la .terisas. zgana lo nu sy di'i catlu le nanmu kei
   gi'e te preti .i sy lo nu le nanmu cu pu zekri lebna fi sy cu ciksi la
   .terisas. poi stidi lo nu fonta'a lo pulji .i ku'i sy lu mi na djica .i
   ku'i mi mutce djica lo nu mi po'o .y. tavla je'u nai te cu'u ta li'u .i
   ty milxe cisma gi'e cusku lu da'i la'a mi stidi lo nu ko ko kurji .i
   ku'i mi na gasnu .i ki'u bo ju'o do kakne la'e de'u li'u ju'e lu ki'e
   .terisas. xu do kakne lo nu do po'o barja selfu ca lo nu mi jersi ta
   li'u ju'e lu go'i li'u
   ni'o ba za bo le nanmu cu sutra sanli .i ku'i lo nu sanli cu na fadni
   gi'e na simsa lo sanli tadji be lo fadni remna ba'e .e lo xalka se
   jitro remna .i simsa lo -puppet-? poi se jitro lo to'e certu .i le
   nanmu cu cizra je to'e certu gasnu lo nu punji lo jdini lo jubme gi'e
   cadzu fa'a le vorme .i sy pencu ty poi .i'o zei sezymuvgau .i se ki'u
   bo sy co'a jersi le remna
   ci pi ci pi'e re
   ni'o .ue ru'e le remna na pilno lo vecnu karce .i ku'i ve'u cadzu .i ba
   za bo le jmive cu cusku lu la'a le trixe jmive cu na jimpe lo vecnu
   karce .i le sidbo cu mutce cizra lo se munje be mi .i je'u cfipu mi
   ji'a ni'o .a'o sai do na platu lo nu gunta lo jitro be le trixe jmive
   se cau lo sidju li'u ju'e lu mi na birti .i ku'i mi ca smadi lo du'u lo
   ralju jitro cu mutce ckape li'u ju'e lu mi na kakne lo nu birti pu lo
   nu mi'o jibni klama .i ku'i la'a mutce ckape .i la'a lo jitro cu ralju
   fekcrida li'u ju'e lu mi na jimpe li'u ju'e lu lo ralju fekcrida cu
   traji lo ka vajni je vlipa kei gi'e jitro lo drata fekcrida gi'e xadni
   simsa mi .i mi'a jamna lo ralju ke daspo fekcrida po'o .i lo drata cu
   se minde sonci ra'u nai li'u ju'e lu .ii sai mi ba kurji li'u
   ni'o ba za bo sy viska lo nu le remna cu klama lo barda zdani poi diklo
   lo -part of town-? .i se mu'i sai bo sy sutra klama le ny cy dinju te
   zu'e lo nu ciksi lo fasnu be le cabycte lo drata blupinxe
ni'o ci pi ci mo'o
   nu gunta
   .i sy ca lo nu tolcliva le dinju cu mutce xagji .i ku'i na tatpi gi'e
   ja'a xagji .i ta'o sy pi so'u roi tatpi ba lo nu blupinxe binxo gi'e
   ku'i pi so'a roi xagji .i ta'o nai sy klama le citka kumfa gi'e cpedu
   lo bakni ke cutne bongu .i la .djen. cu cusku lu xo mei li'u ju'e lu
   .y. ji'i vo no li'u ju'e lu ko ze'a denpa li'u .i dy cliva
   ni'o ca lo nu sy citka vau la .stefen. cu vitke le jubme poi sy pilno
   .i sy skicu le pu za fasnu .i cy cusku lu mi gleki lo nu do pu na nenri
   .i ku'i mi terpa lo xabju be le zdani poi do pu viska .i so'e blupinxe
   cu ca kalte .i se ki'u bo mi stidi lo nu ma'a gunta le zdani ca le
   bavlamcte .i xu do kakne lo nu sidju ca ri li'u ju'e lu go'i li'u ju'e
   lu xamgu .i pe'u .susan. ko dunda pa bongu mi li'u
   ni'o ba bo lo blupinxe cu bende binxo .i la .deivid. .e la .kim. cu
   djica lo nu pa mei kalte ca le cabycte .i ku'i lo cumki ke ralju
   fekcrida cu mukti lo nu ro blupinxe cu sidju .i sy zgana lo nu le drata
   kalte cu simlu lo ka terpa se me'a lo nu kalte le ctino .i sy te preti
   la'e di'u .i la .deivid. spuda fi lu lo ralju fekcrida cu mutce zmadu
   la ctino lo ka vlipa .i ku'i mi'o ba na troci lo cnino je kajde tadji
   be lo nu daspo .i so'a mi'o pu damba lo ralju fekcrida .i se ki'u bo se
   slabu lo daspo tadji li'u .i sy milxe cisma gi'e cusku lu .i ri ba'e mo
   li'u
   ni'o ze'i denpa fo lo nu la .axmed. co'a cladu cmila .i se ki'u bo ro
   lo drata cu ji'a cmila .i ba bo la .deivid. cusku lu li'a mi'a pu kusru
   do se zu'e lo nu na kajde do pu lo nu gunta le ctino .i mi mutce xenru
   .i mi ca ciksi lo tadji be lo nu daspo lo ralju fakcrida .i ku'i ko
   sanji lo du'u la'a cu'i ba'e na daspo fekcrida .i lo drata cu kakne lo
   nu jitro la jukni fekcrida li'o sai li'u
   ni'o le karce cu tolcliva lo jibni be le zdani .i ro blupinxe cu sutra
   plipe fi le karce .i loi ro blupinxe cu girzu preja fa'a ro da .i la
   .deivid. ca lo nu birti lo du'u no da zgana le bende cu gidva ri lo nu
   klama le zdani .i vy kakne lo nu tcetce smaji sezymuvgau .i sy sinma
   la'e di'u .i ku'i na kakne lo nu simsa gasnu .i sy peisku lu ku'i la'a
   mi ba di'i repcreze'a li'u
   ni'o le bende cu tolcliva lo korbi be lo brabra makfa djine .i cy cisma
   gi'e cusku lu ti poi djine cu za'a sruri le zdani .i se ni'i bo la'a le
   zdani ba'e na vasru su'o ralju fekcrida .i ri na nitcu lo makfa djine
   .i doi .kim. ko zbasu lo spoja tutci gi'e punji ri lo cpana be le djine
   li'u .i cy ca lo nu ky zbasu cu so'o roi sanga cusku lu smaji simsa lo
   smacu .i mi'a pagre li'u gi'e sinxa sligau lei birka .i le jmive cu
   jarco lo makfa fasnu sy .i za'a cy gasnu lo cmalu fenra be le djine
   makfe .i le jmive cusku lu la'a sai ma'a pagre le fenra se cau lo nu le
   djine jitro cu zgana to ze'a denpa toi .i cy drani .i lo ralju fekcrida
   no roi pilno lo simsa .i la'a mi va'o lo nu na menli vitke cu cadzu
   pagre ti gi'e na jundi li'u
   ni'o le bende ca lo nu cy minde cu sutra pagre le djine .i ba bo sy
   dunda le spoja jitro tutci cy .i le bende cu klama le zdani .i vi bo
   viska le nanmu poi sy jersi .i vy smaji klama le trixe be le nanmu gi'e
   pilno lo dikca tutci lo nu le nanmu cu to'e sanji binxo .i sy ba cusku
   lu xu le jitro cu zgana lo nu to'e sanji li'u .i vy cusku lu la'a na
   go'i .i lo jukni fekcrida cu to'e mencre .i la'a le jitro cu minde ti
   lo nu facki lo cnino remna .i ku'i ti ba ze'a troci co gasnu lo nu le
   remna cu cikna binxo .i ba bo ti mu'i lo nu na viska lo cnino remna ba
   na jai gau kajde le jitro li'u
   ci pi vo pi'e re
   ni'o le bende cu nergau le zdani .i ne'i lo pa moi kumfa le tolcitno
   ninmu cu lumci lo loldi se pi'o lo bukpu .i la .raitcel. cu terpa bacru
   gi'e cusku lu le bukpu .ii .uu cai li'u .i sy zgana lo nu le bukpu cu
   vasru lo ciblu .i ji'a le xance be le ninmu cu mutce ve xrani .i le
   ninmu cu klaku .i le ninmu ca lo nu viska le bende cu cusku to za'u
   re'u ku lo se zdani cu cusku bau na'e bo la .lojban. .i mi na jarco lo
   drata bangu noi cmima la .gliban. jo'u la .sanban?. toi lo'u .oi le le
   le ba'e DACTi na curmi lo nu mi sisti kei lo nu le xance cu co'a ciblu
   cupra .i pe'u cai do ko sidju le'u .i la .deivid. cusku lu .ai mi'a
   sidju .i mi'a ba zi catra le jitro be le dacti .i ku'i mi'a nitcu lo nu
   spaji .i le jitro cu diklo ma li'u ju'e lu .ui cai ko catra le xarju
   malgletu .i ri nenri le gapru traji kumfa li'u .i le ninmu ca lo nu
   tavla cu no roi denpa fo lo nu lumci .i sy krici lo du'u la jukni cu na
   curmi .i sy ca lo nu na jibni le ninmu cu cusku lu mu'i ma do'o na
   terpa lo nu la jukni cu jai kajde le jitro li'u .i vy cusku lu ju'o le
   ta jukni cu minde fi lo nu lumci rinka po'o gi'e nai sisku lo gunta
   li'u ju'e lu .u'i sai .ui la jukni ju'e sai to'e mencre li'u ju'e lu
   go'i .i ku'i la'e di'u na sidju do va'o lo nu da'i sai la jukni cu
   pencu do li'u .i di'u mukti lo nu sy smaji binxo
   ni'o le bende cu facki je pilno lo sarlu serti .i ba zi bo zvati pa
   vrogai be le kumfa poi traji lo ka gapru ne'i le zdani .i ro se bende
   cu jgari lo xumjimcelxa'i .i vy tikpa le vrogai se ri'a lo nu daspo .i
   ro le se bende cu se spaji lo se vasru be le kumfa
   ni'o le kumfa cu vasru lo makfa grana .e lo makfa djine .e lo xumki .e
   lo makfa tutci jubme .e lo botpi be lo rigni litki .i ro le se bende cu
   tolspaji la'e ba'e di'u .i ku'i ji'a le kumfa cu vasru pa stizu .i pa
   nanmu noi ju'o du le jitro cu cpana le stizu .i le palku be le jitro cu
   sruri le jamfu be jy .i ji'a pa ninmu cu moklu sakci le pinji be jy .i
   le ninmu cu mutce sutra sakci gi'e cladu cinse cmoni .i ji'a sai le
   ninmu na sisti ba lo nu le vrogai cu se daspo .i ku'i ba zi bo le jitro
   cu catke le ninmu .i sy zgana lo du'u le ninmu cu ponse no denci gi'e
   peisku lu .ua nai ti na banzu lo nu cirko lo denci kei lo nu ti ca'a
   citno to'i cmalu denpa toi .i .ua sai le jitro cu minde fi lo nu vimcu
   lo denci mu'i lo nu cinse nelci .i mi ba catra le go'i li'u .i .ii sy
   zgana lo du'u le ninmu cu klaku gi'e simlu lo ka mutce djica lo nu di'a
   sakci .i sy peisku lu le jitro cu gasnu ma .o'o nai sai poi se xlali ti
   li'u
   ni'o le jitro cu cusku lo glico panra be lu doi -mentally ill-? do
   kanpe lo nu ta'i ma jinga fi mi ne'i le ralju ke makfa stuzi po mi li'u
   .i ku'i la .stefen. ca lo nu go'i co'a cladu cmila .i ro da poi nenri
   le kumfa cu se cfipu je se spaji catlu cy .i ba zi bo le jitro cu makfa
   sligau le birka gi'e cusku bau lo cizra .i ca bo cy cusku lu doi .kim.
   ca gasnu li'u .i se ki'u bo ky pilno lo cradi tutci se ri'a lo vu spoja
   poi porpi le brabra makfa djine .i le flira be le jitro cu mutce kandi
   binxo .i ji'a cy minde sy la'e lu doi .susan. gau ko sutra porpi fa le
   bongu be ti poi dakli lo kalci lo skapi li'u .i se mu'i bo sy mutce
   gleki .i le jitro cu co'a za'u re'u gasnu lo makfa .i ku'i sy pu lo nu
   pa valsi cu se bacru cu popygau pa birka li vo .i sy pu no roi
   sezymuvgau fi'o se sutra lo simsa .i ba zi bo ro ralju bongu be le
   jitro cu porpi se mu'i lo nu sy mutce cisma .i cy cusku lu la'a ti na
   ba gasnu lo makfa .i sy tugni .i ga'a sy lo nu le jitro cu gasnu lo
   makfa cu se sarcu lo nu da'i ra sisti lo nu cladu cmoni fi lo ka cortu
   .i sy krici lo du'u la'e di'u na zi fasnu
   ci pi vo pi'e ci
   ni'o cy cusku lu ta'o mi pu to'i sy na jai frili fai lo nu tirna cy
   ri'a lo cortu cmoni toi cmila mu'i de'e .i mi pu sruma lo nu ti se
   sidju la daspo fekcrida gi'o nai mipri lebna la jukni la daspo fekcrida
   .i ku'i mi pu zi viska ta to'i cy zgagau pa makfa djine toi poi munje
   litru tutci li'u .i le ninmu ca'o klaku gi'e troci lo nu klama le jitro
   .i vy jgari le jukni po le ninmu .i ba zi bo le jukni cu co'u jgari le
   ninmu gi'e troci lo nu rivbi vy .i vy cisma fa'a sy poi li'a cfipu .i
   vy cusku lu mi jgari re lo ci vasxu tubnu .i .u'i sai .ui li'u .i le
   ninmu ze'i de'a klaku .i ku'i bo ba zi di'a klaku .i ku'i lo klaku
   sance cu simlu lo ka ba'o zenba lo ka kanro kei kei sy .i vy jarco fi
   la .susan. .e la .kim. fe lo tadji be lo nu vimcu la jukni gi'e skori
   rinju le jukni gi'e cusku fi le jitro fe lu ko minde ro jukni se jitro
   lo nu klama ti kei se mu'i bo lo nu da'i mi curmi lo nu do ba jmive
   li'u .i sy fengu catlu vy noi toljundi sy .i le jitro cu tugni sinxa
   gasnu .i ba zi bo le lumci ninmu cu tolcliva .i sy troci lo nu vimcu le
   jukni gi'e snada .ui sai gi'e skori rinju .i le lumci ninmu cu jgari sy
   gi'e klaku gi'e so'i roi cusku lo se du'u ckire sy .e lo drata
   ni'o ba zi bo le bandu nanmu cu tolcliva gi'e cusku lu mi pu viska do
   ne'i le barja li'u sy .i ky vimcu le jukni .i se ki'u bo vy cusku fi le
   jitro fe lu xo jukni na diklo li'u ju'e lu .y. .i pa .i le mi drata
   bandu nanmu cu ca'o klama ti .i ku'i darno li'u ju'e lu mi ba za lo
   cacra be li pi mu cu catra do mu'i lo nu da'i lo ro moi cu na tolcliva
   li'u .i le kanla be le jitro cu simlu lo ka mutce barda binxo vau sy
   ni'o le bende cu nitcu lo nu gasnu so'u da poi na nu denpa .i la
   .raitcel. cu gidva lo pu se jitro tu'a lo bartu gi'e dunda lo judri
   karda po la nicte cadzu .e lo certu menli mikce gi'e cpedu lo nu le se
   jitro cu denpa lo nu lo pulji cu klama .i ry ba zu lo mentu be li re no
   cu tolcliva le kumfa fi'o se bevri pa jukni poi dunda ke'a cy .i cy
   mutce cisma gi'e cusku lu doi .axmed. ko punji le ti malkalci lo nenri
   be le djine poi mi pu za jarco to'i .a bu gasnu toi .i mi mutce gleki
   lo nu mi viska le djine kei mu'i lo nu le ti djine cu tutci lo nu vitke
   lo munje be lo ba'e ba'e sepli fekcrida li'u
   ni'o ze'a denpa fi lo nu ro se bende cu spaji catlu la .stefen. .i ba
   bo la .axmed. co'a cladu cmila .i so'o se bende cu cmila .i ku'i .a bu
   cmila fi'o se dukse lo ka cladu .i se mu'i bo sy terpa lo nu .a bu ri
   xrani .i pu bo le jitro ca lo nu binxo co nenri le djine cu co'a klaku
   gi'e pikci .i ku'i ro se bende cu toljundi jy .i sy pensi lo du'u ta'i
   ma kau da kakne lo nu mipri lebna fi la ralju fekcrida .i le menli
   jmive cu cusku lu ju'o le fekcrida cu menli vitke lo blupinxe .i se
   ni'i bo sipna .i ku'i kakne lo nu za'i cikna binxo ca lo nu menli vitke
   lo blupinxe .i la'a la .stefen. gasnu lo nu cikna binxo li'u
   ni'o cy cmalu porpi le djine gi'e punji lo skori le kuspe be le porpi
   diklo se ri'a lo nu le djine cu mulno simlu .i cy punji ro jukni
   fekcrida lo nenri be le djine .i cy dunda lo darno po le skori .a bu
   poi ca'o smaji cisma .i cy punji lo cmalu jadni lo sruri be le cnebo be
   le jitro gi'e smaji cusku da se ri'a lo nu le jadni cu te gusni .i ji'a
   le gusni cu masno zenba .i le jitro cu tcetce cladu pikci .i ku'i cy
   cusku lu ko vitke la cortu munje .i .a'o ko to'e nelci la'e di'u li'u
   le jitro bau la .gliban. gi'e tcetce cladu cusku lu mi benji lo se
   dunda li'u bau la .lojban. .i se ri'a bo le djine cu vasru lo manku
   po'o .i cy smaji cusku lo'u doi amxed ko lapc le'u gi'e tolsanji binxo
   .i ry kurji jgari cy .i ca bo .a bu lacpu lo skori .i lo manku cu canci
   ja'e lo nu le djine cu kunti .i .a bu ca'o barda cisma
ni'o ci pi ci mo'o
   nu citka
   .i sy zutse ragve pa jubme la .stefen. .i ro le se bende cu ji'a jibni
   .i sy se spaji ke viska catlu cy .i la .deivid. cmila cusku lu ko
   ga'orgau le moklu doi .susan. .i do pu djuno lo nu lo blupinxe cu citka
   lo barda li'u ju'e lu .ie sai ku'i mi pu no roi viska lo nu pa remna cu
   citka pi ro lo pa makcu bakni li'u .i cy cusku lu va'o la'e di'u xamgu
   fa lo nu mi na remna .i xu do tugni li'u .i vy cusku lu cy krici lo
   du'u lo blupinxe cu na jutsi mintu lo remna li'u .i sy cusku lu .y. xu
   da panzi pa blupinxe joi pa remna li'u .i sy se spaji lo nu ro jibni
   prenu cu se spaji catlu ba'e vy noi kandi binxo di'o le flira .i vy
   cusku lu .y. .u'u cai lo blupinxe cu ba'e na kakne lo nu se panzi .i xu
   mi to'e morji lo nu ciksi la'e di'u do li'u ju'e lu do pu go'i li'u
   ni'o ro jibni prenu cu ca co'a cusku .i ku'i sy sinxa gasnu lo nu djica
   lo smaji .i se ki'u bo le jmive cu cusku lu za'a ji'a no da ciksi lo
   du'u mi kakne lo nu cliva .i ca la'e di'u do fadni remna binxo .i ku'i
   lo blupinxe cu ka'e jmive ze'u lo nanca be li so'o no no .i lo nu mi
   cliva ba lo nanca be li du'e cu rinka lo nu do mrobi'o li'u .i sy tavla
   cusku lu le jmive cu ciksi so'u da poi do'o pu na ciksi .i mi na fengu
   .i mi smadi lo du'u lo blupinxe cu na temci zifre lo nu kurji lo panzi
   .i ji'a mi pu na mutce djica ri .i ko surla binxo li'u .i vy cusku lu
   .u'u cai mi gleki lo nu do na fengu .i ku'i mi pu xenru lo nu mi fliba
   tu'a do li'u .i sy jgari le xance be vy gi'e cusku lu na nabmi .i ro
   prenu cu so'i roi srera li'u
   ni'o sy troci lo nu xajmi cusku .i sy cusku lu doi cy do pu citka lo
   xadba be le bakni po'o ze'a lo pu mentu be li ji'i pa no .i mutce masno
   .i xu do nitcu lo nu mi sidju do li'u .i cy fengu to ku'i xajmi toi
   cmoni gi'e cusku lu lo nu da'i do citka lo spisa be ti cu rinka lo nu
   mi gasnu lo nu le do xance cu sepli le do xadni li'u .i ro jibni cu
   milxe cmila .i sy cusku lu ma mukti lo nu do brabra citka li'u .i ry
   cusku lu xu do morji le blupinxe ritli li'u ju'e lu li'a sai go'i li'u
   ju'e lu cy ca le ritli cu benji do lo drata munje ze'a lo cacra be li
   ji'i pi mu .i ku'i cy pu za benji le malkalci lo drata munje ze'i lo
   ba'e mentu be li ji'i pi mu .i la'e di'u mutce nandu li'a sai li'u
   ni'o ba za bo sy co'a krici lo nu cy ba snada lo nu citka pi ro le
   bakni .i sy manci lo tadji be lo nu cy citka da poi zmadu cy lo ka
   barda .i ca bo cy ze'a nalzva se ka'a le festi kumfa se cu'u lu mi
   nitcu lo nu vimcu pi so'i da pu lo nu mi spoja .i sy cusku lu xu le
   xadni be cy cupra lo kalci ze'i lo mentu be li me'i ci no li'u .i vy
   cusku lu go'i .i la'e de'u cu rirci .i ku'i lo jursa cu so'e roi rinka
   li'u .i sy cusku lu .ii sai ni'o sai .y. .a'o nai ma mukti lo nu le .y.
   na'e se denci ninmu cu simlu lo ka cinse nelci gi'e klaku fi lo nu na
   sakci li'u .i ry mutce smaji cusku lu la jukni cu kakne lo nu rinka lo
   nu tolcro li'u .i sy mutce terpa la'e di'u
   ni'o sy cusku lu le jitro cu lifri ma li'u .i cy cusku lu la'a le ralju
   fekcrida cu rinka lo nu jy tcetce cortu ze'u lo djedi be li so'o no no
   .i la fekcrida cu kakne lo nu pilno lo makfa lo nu jmive tcena li'u
   ni'o ro da poi sy pu zi tirna cu mukti lo nu sy ze'u pensi je smaji .i
   ba bo sy sipna .i ta'o la .ctefen. snada lo nu pi ro mei citka
ni'o sai vo mo'o
   nu troci co falgau
ni'o vo pi pa mo'o
   nu fengu
   .i la .kricnan. cu nergau le briju gi'e cusku lu do djica lo nu mi
   vitke do doi jatna li'u to bau la .gliban. .i le dei pagbu cu ro roi se
   bangu la .gliban. toi .i la .djan. cusku lu go'i .i ti malgletu month
   li'u gi'e fengu desygau lo xatra .i la .kricnan. smaji ganlygau le
   vrogai gi'u cusku lu mi na djuno .i .e'u ko zgagau mi ti li'u .i la
   .djan. rigni je fandu dunda le xatra .i la .kricnan. sutra tcidu gi'e
   barda je to'e gleki vasxu gi'e zutse ragve le jubme la .djan. poi fengu
   je cladu cusku lu ba'e mo li'u
   ni'o ky cusku lu mi pu kanpe lo nu do na gleki ti .i ku'i le ve xatra
   cu curve lo ka jetnu li'u .i la .djan. catlu la .kricnan. se kai lo ka
   dy krici lo du'u ky mulno -mentally ill-? .i dy cusku lu .e'u cai ko
   cusku lo se du'u do pu zi zdile cusku li'u ju'e lu .u'u sai mi na zdile
   cusku li'u ju'e lu ti xatra mi lo purlamji pulji jatna lo se du'u mi
   bilga lo nu na jundi lo morsi remna poi se jadni lo kanla joi lunra .i
   li'a sai fenki .i mi no roi bilga lo nu toljundi lo morsi remna .i mi
   pulji jatna .oi sai li'u
   ni'o la .kricnan. se sance tu'a lo ka tatpi gi'e cusku lu doi jatna ko
   cpedu fi su'o le ro pulji poi bu'u se jibri ze'u lo nance be li su'o re
   .i ro remna poi penmi lo remna poi pilno le kanla joi lunra sinxa cu
   xusra lo du'u la nicte cadzu cu badgau fo da poi do no kakne lo nu
   xanri li'u .i la .djan. fengu catlu gi'e cusku lu xu lo catra poi do
   skicu cu se cmene lu nicte c adzu li'u li'u ju'e lu go'i li'u .i dy
   catke lo batke gi'e cusku lu doi .doris. ko facki pa pulji poi bu'u se
   jibri ze'a lo nanca be li su'o re .i ko minde lo nu ri vitke mi li'u
   ju'e lu .y. so'i da zasti .i do djica ma sa'e li'u ju'e lu mi na cinri
   .i ko pilno lo pa moi poi do viska li'u ju'i lu vi'o jatna li'u
   ni'o ba ze'i lo mentu be li ji'i re to la .djan. fengu catlu la
   .kricnan. ca'o ri toi la .moriartis. nergau le kumfa gi'e cusku lu do
   djica ma doi jatna li'u .i la .djan. cusku lu xu do pu zgana le se
   jadni po la nicte cadzu li'u .i my ze'i terpa catlu la .kricnan. gi'e
   ga'orgau le vrogai gi'e cusku lu go'i li'u .i la .djan. cusku lu xu do
   troci lo nu facki da poi pilno le se jadni li'u ju'e lu na go'i doi
   jatna li'u ju'e lu .oi sai ma mukti li'u ju'e lu .y. .u'u sai doi jatna
   la'a do na krici le mukti li'u ju'e lu .oi cai doi ro do ko sisti lo nu
   cusku lo se du'u mi na krici .i mi bu'u se jibri ze'i pa jetfu .i do
   ba'e na djuno ma kau poi mi ka'e krici .i doi .moriartis. ko ciksi le
   mukti li'u ju'e lu le se jadni cu se jadni lo na cumki jmive li'u ju'e
   lu .oi sai lu lo na cumki jmive li'u cu se smuni ma .i li'a smuni no da
   li'u ju'e lu mi na djuno .i ku'i mi su'o pa roi ro jeftu cu terpa senvi
   le morsi jmive poi mi pu viska li'u ju'e lu .oi ko cliva li'u
   ni'o ba bo la .kricnan. cusku lu mi stidi lo nu do penmi da poi krati
   la nicte cadzu .i mu'i bo so'a bu'u pulji ba na sidju do lo nu kavbu ny
   cy .i .u'u sai li'u .i ky zi krici lo du'u le risna be le jatna cu
   fliba .i se mu'i bo le flira be le jatna cu binxo lo curve xunre .i ba
   bo la .djan. smaji cusku lu ko ji'a cliva pu lo nu mi catra do se pi'o
   le mi xanxe li'u .i la .kricnan. ca gasnu lo te minde
ni'o vo pi re mo'o
   nu casnu gi'e krixa
   .i la .susan. cusku lu pe'u .stefen. ko ciksi lo krinu be lo nu mi joi
   do ku? po'o? cu vitke lo pulji li'u ju'e lu .y. mi vitke ki'u lo nu mi
   certu lo nu terpa co gasnu .i mi po'o sarcu .i do kansa mi ki'u lo nu
   la'a do cilre li'u ju'e lu cilre fi ma li'u ju'e lu lo tadji be lo nu
   terpa co gasnu lo remna kei .e lo makfa .e lo du'u lo remna na nelci
   ma'a li'u ju'e lu so'a remna na sanji ma'a li'u ju'u lu go'i .i ku'i
   so'a remna poi ca'a sanji ma'a cu xebni gi'e se terpa vau ma'a li'u
   ni'o la .susan. cu jgari le vrogai be lo pulji dinju se va'u la
   .stefen. noi dasni lo kagni taxfu poi sy na pu viska ku'o zi'e noi
   cusku lo se du'u ckire .i cy co'a gleki je nai xendo cisma gi'e klama
   le rinsa gi'e cusku to ca'o cisma toi lu mi'a ba penmi le jatna li'u .i
   le rinsa cusku lu je'e .i ma poi cmene cu se cusku mi .ei le jatna li'u
   ju'e lu mi'a krati la nicte cadzu li'u .i le rinsa cu falgau lo cukta
   gi'e sutra cliva .i so'a remna poi nenri le kumfa cu ca'o terpa catlu
   sy joi cy .i cy ca'o cisma .i sy suksa zgana lo du'u le cisma jai jarco
   so'i denci
   ni'o ba bo le rinsa cu xruti gi'e gidva cy .e sy le cmalu kumfa poi
   vasru no remna gi'e se canko no da gi'e ku'i vasru pa brabra minra .i
   cy cusku lu la'a lo pulji cu djica lo nu vidni rejgau fi mi'o .i ku'i
   mi na djica li'u bau la .lojban. gi'e xraci'a so'i pluja makfa sinxa lo
   xance be sy .e cy .i ba zi bo le jatna cu nergau gi'e li'a mutce se
   spaji gi'e cusku lo glico panra be lu mi pu krici lo du'u do cliva li'u
   .i cy cusku lu mi na djica lo nu do rejgau fi mi'a .i se ki'u bo mi na
   curmi li'u
   ni'o le jatna cu zutse gi'e cusku lu so'i bu'u pulji cu se cfipu le se
   ticygau be do .i ku'i mi na go'i li'u .i la .stefen. cusku lu .y. .ua
   nai do mo li'u ju'e lu .u'u mi'e .djan. .i ji'a mi bu'u pulji jatna
   li'u ju'e lu je'e jatna xu do casnu fa lo bu'u pulji mi'a li'u ju'e lu
   li'a go'i li'u ju'e lu ju'o so'a bu'u pulji cu cusku lo se du'u mi'a
   sidju gi'e kurji vau lo drata remna .i ku'i za'a do to'e nelci mi'a .i
   xu do zmadu lo ro bu'u pulji lo ka mencre li'u
   ni'o le jatna cu senba lo ka fengu kei gi'e cusku lu mi na birti .i
   ku'i li'a mi zmadu certu lo ka rivbi lo nu tcica .i mi minde do'o lo nu
   do'o sisti lo to'e flalu gasnu li'u ju'e lu .u'i do va'o lo nu mi na
   sisti cu gasnu ma li'u ju'e lu to'i le jatna ca krixa li'u ju'e lu .i
   se ki'u bo do doi mabla cmacma remna .e? ro do mabla cizra pendo ba
   binxo lo pinfu ze'u lo ni do ba zu'u jmive li'u
   ni'o cy co'u cisma .i ku'i sy co'a cisma gi'e gasnu lo nu lo denci cu
   na'e remna clani binxo kei gi'e cusku lu .i'e nai doi jatna lo nu to'e
   clite cu na sarcu li'u .i cy ckire pencu le birka be sy gi'e cusku lu
   do va'o lo nu pinfu gasnu cu rinka lo nu so'i remna cu terpa je cortu
   mrobi'o .i la'a le vipsi be fi do cu pu cusku tu'a la'a di'u li'u .i le
   jatna cu cusku lu mi na djuno lo tadji be lo nu do zbasu lo morsi crida
   je'u nai .i ku'i mi na cinri .i mi ba'e na krici lo du'u do'o sidju
   gi'a bandu gi'a kurji .i mi krici lo du'u do'o mutce ckape .i mi ba
   gasnu lo nu do sisti li'u
   ni'o sy na'e sutra cadzu fa'a lo trixe be le jatna .i ku'i cy muvdu
   cusku lo se du'u sy gasnu no da .i ku'i le nilsutra be tu'a? sy cu
   mutce spaji jy .i se ki'u bo sy gleki
   ni'o cy sanli le stizu gi'e cusku lu mi ba'e na cinmo tu'a le krici be
   do .i ku'i da'i do xairgau mi'a gi'a zunti le gunka be mi'a .i se mu'i
   bo mi to'i ca ku lo fagri cu se krasi le kanla .e le xance vu'o po'e ??
   can use be ?? cy toi ba catra .o'o nai sai le pendo be do .e le lanzu
   be do .e ba bo do .i to'i le fagri cu mutce carmi binxo .i cy co'a
   cladu kriza toi xu do jimpe doi bebna li'u
   vo pi re pi'e re mo'o
   ni'o le pilka be le jatna cu pu co'a skari lo ka mutce kandi .i za'a jy
   tcetce terpa cy gi'e cusku lu mi jimpe li'u .i se ki'u bo cy sisti tu'a
   lo fagri .i sy ti'a jy cisma se ra'a le nu jy terpa .i ba bo cy cusku
   lu mi jimpe lo du'u do djica lo nu bandu lo remna .i mi'a ji'a djica .i
   se ki'u bo mi stidi lo nu do .e so'o bu'u pulji cu sidju mi'a lo ba zi
   bandu cuntu .i xu do tugni li'u .i le jatna cu smaji cusku lu mi tugni
   li'u ju'e lu .ui .i mi ba zi fonta'a do ca lo nicte la'a .i ko ba bredi
   li'u
   ni'o la .susan. .e la .stefan. cu sutra cliva le kumfa .e le dinju .i
   ku'i le jatna ze'u zutse gi'e desku .i ba bo le jatna cu viska le vidni
   vreji poi vasru le jatna .e ci voksa .e lo fagri ku? po'o gi'e tcetce
   terpa .i ba zi bo le jatna cu klama le xabju gi'e ze'a klaku
ni'o vo pi ci mo'o
   nu jmaji
   .i la .susan. nergau le citka kumfa ba lo nu rapcreze'a lo dabytadji
   gi'e cusku lu li'a mi'o ba zi gunta ma li'u .i la .stefen. cu cmalu
   cisma gi'e cusku lu la rokyka'argau li'u ju'e lu .y. zo rokyka'argau cu
   lujvo fo ma .u'u li'u ju'e lu lu rokci katna gasnu li'u li'u ju'e lu
   .yyyy. .ua nai la rokyka'argau xu cu mipri girzu gi'e na ca'a katna lo
   rokci gi'e gasnu lo mipri ritli gi'e sidju lo verba .e lo simsa li'u .i
   la .stefen. milxe fengu cusku lu doi .deivid. ko zenba lo ka certu
   ctuca la .susan. li'u .i vy cusku lu .u'u ru'e sy nelci lo nu damba .e
   nai lo nu jundi ve cusku .i ji'a mi troci to'i sy ca co'a cusku toi
   li'u .i sy cusku lu na jetnu .i mi mutce certu lo ka jundi .i mu'i ma
   du cusku to'i sy ca zgana lo du'u cy troci lo nu na cisma .i se ki'u bo
   sy co'u tavla toi li'u .i sy milxe bo fengu je se zdile catlu vy
   ni'o cy cmalu cmila gi'e cusku lu la rokyka'argau cu ro roi damba la
   nicte cadzu tu'a lo remna .i so'a banli cmima be ry ky gy cu se lijda
   fi lo daspo fekcrida .i ku'i so'a to'e banli cmima cu fe'u po'o sidju
   lo verba gi'e te ritli fi lo to'e vajni gi'e pilno lo mipri xance bo
   jgari tadji gi'e vrici to'e vajni .i ma'a damba ry ky gy ze'u li nanca
   be li so'o no no li'u .i sy cusku lu .ue sai mi pu krici lo du'u la
   rokyka'argau cu cizra li'u
   ni'o sy cusku lu ta'o nai la rokyka'argau cu gasnu ma li'u .i la
   .deivid. cusku lu lo nu troci lo nu daspo lo barda dinju gi'e catra
   so'i remna .i ry ky gy zerle'a? so'i tabykrili .i se ki'u bo ny cy
   djuno lo du'u ba troci lo nu zbasu lo rokci remsmimi'i .i xu mi pu
   ciksi lo remsmimi'i do li'u ju'e lu xu makfa minji gi'e se tarmi lo
   remna li'u ju'e lu go'i .i lo rokci remsmimi'i cu tcetcetce tsali gi'e
   jai nandu fai lo nu catra .i se mu'i bo ny cy troci lo nu facki le se
   diklo be lo nu zbasu .i ji'a snada .i ry ky gy se ritli ca le cabycta
   bu'u le jesydinju po la merko banxo li'u ju'e lu xu lo pulji cu kansa
   mi'o lo nu gunta li'u ju'e lu go'i .i mi'o penmi py ze'o le jesydinju
   li'u
   ni'o le pulji jatna ca lo nu le gunta girzu be fi la .stefen. .e la
   .susan. .e la .deivid. .e la .kim. cu cliva le karce cu cusku lu .oi
   sai do bevri ma pau nai .i li'a le ti xumjimcelxa'i cu to'e jai se
   flalu .i mi zifre lo nu flalu kavbu ki'u ti po'o li'u .i la .deivid.
   fengu je smaji cusku lu do zifre lo nu ba'e troci li'u .i cy za'u re'u
   barda cisma gi'e cusku lu doi verba doi verba ko sisti .i mi'o nitcu lo
   nu sutra klama .i la'a ru'e pu cfari li'u .i le jatna cu cusku lu ma
   cfari li'u ju'e lu ju'o do na krici tu'a mi va'o lo nu da'i mi ciksi .i
   ko se gidva mi li'u
   ni'o za'a le jatna to'e gleki .i ku'i ri .e so'o drata pulji cu se
   gidva la .stefen. .i le jatna ca lo nu le girzu re'o le vorme be le
   jesydinju cu cusku lu do na zifre lo nu nergau li'u .i cy catlu le
   jatna tai lo ka cusku lo se du'u xu go'i .ia nai sai .i cy cusku lu doi
   .kim. li'u .i ky ze'i gunka catlu le vrogai .i se ri'a bo le ro girzu
   cu tirna lo sance be lo nu lo stela cu kalri binxo .i se ki'u bo le
   girzu cu nergau le jesydinju .i ca bo la .susan. sumne lo carvi gi'e
   peisku lu mi nelci lo nitce nu carvi li'u
   ni'o ba za bo le girzu cu nergau le -elevator-? si'u la .kim. .i le
   jatna ca lo nu farlu cu cusku lu doi .stefen. ma nenri le xekri tanxe
   li'u ju'e lu lo barda xumjimcelxa'i li'u .i le jatna na jarco lo ka
   gleki .i la .deivid. cu smaji cusku bau la .lojban. lu lu ma ji'a mi'o
   se ponse li'u ju'e lu lo xa mei fekcrida dakli li'u li'u .i la .susan.
   ze'i se cfipu gi'e ku'i ba bo morji lo skinsa to ri poi na te bangu fi
   la .lojban. li'a sai toi .i lo nu na cmila cu mutce nandu sy
ni'o vo pi vo mo'o
   rokci
   .i la .susan. pu lo nu viska da poi cinri cu tirna le nu la .stefen.
   cusku lu malgletu lo xarju li'u .i le girzu cu sutra cliva le
   -elevator-? .i ba bo la .susan. cu viska ji'i bi remna noi dasni lo
   pastu kei .e pa brabra derxi be lo dertu lo midju be le kumfa .i le
   kumfa cu barda gi'e vasru so'u karce .i sy suksa zgana lo du'u le dertu
   cu ca'a rokci gi'e ra'u ponse lo birka .e lo xunre gusni kanla .i se
   mu'i bo sy ji'a cusku lo mabla
   ni'o so'u le pastu remna cu co'a bajra fa'a le girzu .i la .stefen. cu
   co'a kargau le tanxe gi'e cusku lu doi pulji ko gasnu tu'a le ta zo'i
   remna li'u .i ku'i le ro pulji noi terpa catlu le rokci remsmimi'i cu
   na sezmuvgau .i se ki'u bo la .deivid. cladu bacru lu doi .djan. to'i
   na frati .i zmadu lo ka cladu toi doi .djan. to'i le jatna cu catlu vy
   toi ko bandu la .stefen. .i to'e se mu'i bo da'i ba'e mi catra do li'u
   .i la .djan. minde le drata pulji .i le pulji co'a celgunta le pastu
   remna .i ku'i le ve xumjimcelxa'i cu se minra lo mucti badgai noi sruri
   ro le pastu remna .i le pastu remna co'a jibni
   ni'o la .kim. so'i roi cusku lu rebla .i porpi .i ranti li'u .i sy
   zgana lo nu le ve xumjimcelxa'i ca'o pagre le badgai .i ca bo vy minde
   lo nu sy joi my gunta lo drata ke pastu remna poi ca'o gasnu lo ritli
   gi'e troci co fanta lo nu le remsmimi'i cu gunta cy .i se ki'u bo sy .e
   vy bajra fa'a le riltu stuzi
   ni'o sy ca lo nu bajra cu zgana so'o cnino .i pa pasru remna to ta'o ro
   le pasru cu xekri toi cu jgari lo plimatga'a cladu bacru lo cizra valsi
   .i sy smadi lo du'u le go'i cu jatna .i ji'a sy zgana lo du'u le cidni
   .e le janco vu'o po le remsmimi'i cu marji lo tabykrili po'o .i sy
   peisku lu .oi li'a ta na ponse lo ruble pagbu poi simsa lo remna li'u
   ni'o sy zi pa pastu remna cu jgari re makfa dakfu noi ny cy pu za dunda
   ke'a sy .i le remna cu troci lo nu darxi sy lo dakfu .i ku'i sy
   sezmuvgau se pi'o ro nilisutra be lo blupinxe .i se ri'a bo le dakfu cu
   katna lo vacri po'o .i ba zi bo sy punji pa dakfu re pinca rango .i se
   ri'a bo le rembna cu cortu krixa gi'e farlu .i ji'a sy ri'u tirna lo
   krixa be lo remna poi vy gunta
   ni'o fi'o suksa bo le remsmimi'i cu lacpu lo birka ze'o le loldi .i sy
   bajra fa'a le remsmimi'i goi ko'a gi'e darxi le xance be ko'a pa dakfu
   .i lo nu vimcu le degji pagbu cu mutce spaji sy noi peisku lu .ue sai
   ga mi xamgu se funca gi ti na mutce vlipa li'u .i ko'a fengu krixa gi'e
   troci lo nu darxi sy .i ko'a zmadu lo se kanpe be sy lo ka sutra .i
   ko'a milxe darxi pa janco be sy .i ku'i la'e di'u rinka lo nu sy ze'a
   na kakne lo nu ganse tu'a pa birka
   ni'o sy ca'o troci co gasnu lo nu ko'a gunta sy po'o .i sy milxe zgana
   lo nu vy co'a troci lo nu sidju .i ku'i ba zi bo le jatna be le ritli
   remna cu ze'o bajra .i se mu'i bo vy celgunta le jatna .i ku'i na catra
   .i ca'o bo sy plipe lo diklo poi jibni gi'e na cnita vau le xanxe be
   ko'a .i fi'o suksa bo sy tirna lo tcetce cladu sance le sance be tu'a
   lo jibni be cy .i sy ze'i krici lo du'u da gasnu lo nu de lindi la
   .stefen. .i se ki'u bo sy viska catlu fa'a cy .i sy zgana lo du'u cy pu
   zi pilno lo xumjimcelxa'i poi zmadu ro xumjimcelxa'i poi sy pu viska
   vau lo ka barda .i le xarci cu zmadu cy lo ka clani
   ni'o sy za'u re'u co'a carna fi le rokci ca lo nu sy tirna lu doi sy ko
   plipe li'u .i ku'i sy na bredi gi'e milxe cfipu .i ba zi bo sy vofli .i
   ba zi bo sy lifri lo nu lo temci flecu cu susti
ni'o vo pi vo pi'e re mo'o
   ni'o le jmive noi nenri sy cu cusku lu .oi sai le rokci cu pu zi darxi
   do pi ro pa xance le do betfu .i do ca tcetce se xrani fo lo nu so'o
   rango cu spofu gi'e cupra lo ciblu li'u .i sy cusku lu xu mi ba mrobi'o
   li'u ju'e lu na go'i .i ku'i ju'o do ba dukse cortu .i mi kakne co
   gasnu lo nu do ze'a na cortu .i ku'i ro nu muvdu cu zenba lo ba nu
   cortu li'u ju'e lu .y. ma mukti lo nu mi djica la'e di'u li'u ju'e lu
   lo nu do rivbi le rokci li'u ju'e lu .ua je'e .i xu do kakne co jarco
   lo ni mi ca cortu li'u
   ni'o le jmive na cusku .i ku'i sy lifri lo simsa be di'e .i tu'e pa
   dakfu cu pagre re pina rango be sy .i ku'i lo dakfu cu mutce glare gi'e
   cilmo lo slami .i ji'a lo glare je kinli cilta cu sruri jdari lo canti
   be sy gi'e zenba lo ka trati tu'u .i sy ca lo nu co'a cortu cu zi co'a
   klaku gi'e menli cusku lu mi na kakne lo nu rivbi vau co lo nu simsa
   cortu li pe'u jmive ko sisti gasnu li'u .i le nu cortu cu se sisti .i
   le jmive cu cusku lu lo ni cortu ba lo nu do rivbi cu mutce zenba lo ka
   duknu rinka .i ku'i .u'u .uu la'a no drata te cuxna li'u ju'e lu .ie .i
   ko fanta lo nu mi rinka lo mosri rinka ve xrani li'u ju'e lu vi'o
   .susan. li'u ju'e lu .ii mi bredi li'u .i ba zi bo lo temci flecu cu
   ranji .i se ri'a bo sy farlu
   ni'o sy janli lo kamju .i ku'i sy kurji vo'a se pi'o le xance gi'e
   plipe lo darno be le rokci le kamju .i sy peisku lu li'a cy nitcu lo nu
   celgunta le rokci .i se ki'u bo lo nu mi jbini cy le rokci cu sidju lo
   nu cy kakne co celgunta lo pagbu poi cy djica li'u .i ku'i ba zi bo vy
   plipe lo crane be sy gi'e cusku lu do tcetce se xrani .i ko cliva li'u
   gi'e plipe le stedu be le rokci .i sy tinbe gi'e klama lo trixe be cy
   ni'o ky .e sy ze'a catlu lo nu cy .e vy troci co catra le rokci .i le
   rokci .e le vo kalte .e nai lo drata poi jmive cu nenri le kumfa .i
   za'a vy ba lo nu minde sy cu jgari le stedu be le rokci .i ri mutce
   tolmencre .i ku'i ri ji'a mutce sutra .i ri so'i roi troci lo nu
   xairgau vy .i ku'i vy ro roi rivbi .i ji'a cy di'i troci lo nu celgunta
   le cutne be le rokci lo nu daspo le rinsa fi'o ciksi ky kei le brabra
   .i sy pu na djuno lo du'u lo simsa vlipa ke xance xumjimcelxa'i cu
   zasti .i sy zgana lo nu cy jai gau porpi lo rocki poi barda simsa lo
   jgari xance .i ji'a sy zgana lo nu cy jai gai daspo so'o tabykrili
   ni'o ba za bo pa ve xumjimcelxa'i cu pagre fi le risna be le rokci .i
   sy krici lo du'u lo litce be li za'u mu flecu lo ciblu fo le risna .i
   le rokci cu cmoni gi'e farlu .i vy plipe lo loldi .i cy cusku lo doi
   .susan. ko vreta binxo to'i sy ze'i denpa toi ba'e ca ku li'u .i sy
   tinbe .i le jmive cu menli cusku lu mi xenru li'u
   ni'o sy pu lo nu kakne lo nu krixa cu binxo lo ka tolsanji ri'a lo ni
   cortu
ni'o vo pi ci mo'o
   nu ka'orze'a
   .i ba za bo la ko'a co'a ganse .i lo ka cortu cu so'a si'e lo se ganse
   be ko'a .i ku'i ko'a ji'a tirna lo vokse .i ku'i ze'u bo ko'a na jimpe
   lo se smuni be lo selsku po lo voksa .i ba bo ko'a jimpe lo du'u le
   so'o voksa cu jai casnu da poi se cmene zo susan .i se ki'u bo ko'a
   ganse lo selsku noi se krasi lo menli be ko'a .i ko'a te cusku lu lo
   voksa cu jai cansu do .i do se cmene zo .susan. li'u .i ba za bo ko'a
   menli cusku lu .ua ma rinka lo nu mi na morji li'u ju'e lu do pu se
   xrani fi so'e lo tcetcetcetce jursa .i mi stidi lo nu do za'u re'u
   tolsanji binxo li'u ju'e lu .ui sai xu mi kakne li'u ju'u lu go'i li'u
   .i se mu'i bo sy gasnu
   ni'o ba zu bo la .susan. cikna binxo mu'i lo nu da pencu le ctebi lo
   lenku je cilmo bukpu .i sy viska la .devid. noi pencu .i sy pencu le
   tance le djacu gi'e cusku lu ma cabyku'e li'u .i vy milxe cisma gi'e
   cusku lu do pu te preti lo simsa su'o vo roi ku .i ku'i mi gleki lo nu
   do na cusku lu mi mo li'u .i lo djedi be li ci cu cabyku'e lo nu do
   so'a roi sipna li'u .i sy gasnu co sinxa lo nu jimpe gi'e cusku lu mi
   nitcu lo djacu li'u .i vy dunda lo kabri gi'e cusku lu ko pinxe lo
   tcetce cmalu .i le do betfu cu mutce se xrani .i sy tinbe gi'e xruti lo
   kabri .i sy djica lo nu te preti so'i da .i ku'i sy zi tolsanji binxo
   .i vy prami satre le mebri be sy gi'e cusku lu sy ka'orze'a li'u la
   .djen. .i ri cusku lu go'i .ui sai to'i dy denpa gi'e catlu le xance be
   vy toi .i xu djuno li'u ju'e lu na go'i li'u ju'e lu je'e .deivid. li'u
   ni'o ba zu bo la .susan. cisma se ra'a lo nu la .deivid. nergau le
   ka'orze'a kumfa .i sy gleki gi'e milxe spaji vau lo nu vy di'i vitke sy
   .i vy cusku lu doi .susan. mi bevri lo titla grute se va'u do li'u .i
   ku'i sy cusku lu .ui sai .u'u mi ca'o na kakne lo nu citka .i lo si'o
   mi citka cu ca ca'a rigni mi .i ku'i mi gleki lo se dunda li'u ju'e lu
   za'a do jdika lo junta .ui nai li'u .i sy jarco lo ka fanza ce'u kei
   gi'e cusku lu le jmive cu cusku lo se du'u le canti be mi cu na kakne
   lo nu pilno lo cidja kei .i ku'i lo nejni cu sarcu lo nu cikre .i se
   ki'u bo le jmive cu pilno lo grasu to .oi mi no roi ponse du'e ri toi
   .e lo sluji .oi sai .i ji'a le jmive cu minde lo nu mi na pilno lo ka
   cortu rivbi xukmi li'u ju'e lu .uu sai .a'o do ba zi kakne lo nu citka
   li'u ju'e lu ki'e .deivid. li'u
   ni'o vy co'a cliva .i ku'i sy cusku lu ma tcini le pulji jatna li'u .i
   vy cisma gi'e cusku lu ju'o le jatna ba sidju ny cy ca lo nu mi'o nitcu
   .i le rokci remsmimi'i pu na jai gau xrani le dinju .i ku'i le jatna cu
   jimpe lo du'u le rokci cu kakne lo nu daspo li'u .i sy ji'a cisma gi'e
   cusku lu mutce xamgu li'u .i sy ba lo mentu be li ji'i mu poi lamji
   balvi lo nu vy cliva cu sipna
ni'o vo pi mu pi'e re mo'o
   ni'o ba zu bo sy tcidu ca lo nu vy vitke .i vy cusku lu do ticdu ma
   li'u ju'e lu .y. to'i sy zgana le sinxa toi la'e lu lo remna .e lo
   ranmi li'u .i la .dalton. pu zasni dunda ti mi li'u ju'e lu ma mukti
   li'u ju'e lu mi djica lo nu cilre za'u da lo fekcrida .i mi na nelci lo
   nu se spaji .i ji'a la .djen. xusra lo nu la'a mi ba bilma ca'o lo
   djedi be li ji'i mu .i xu do djuno lo du'u lo barda vofli crida cu pa
   ca'a fekcrida .i ri so'i roi se ranmi .i mi pu so'i roi pensi lo rinka
   li'u ju'e lu mi go'i .i ti'a do curmi lo nu citka li'u ju'e lu .ui sai
   go'i li'u .i vy dunda sy lo -pomegranite-? ni'o sy mutce cisma gi'e
   cusku lu .ui sai do djuno lo du'u mi nelci lo -pomegranite-? ta'i ma
   li'u ju'e lu mi pu zgana lo nu do citka ri .i .a'o do nelci .i ku'i
   .u'i mi mu'i lo du'u do na remna cu te vecnu .y. ji'i pa ci da poi
   nenri le ti dakli li'u ju'e lu .u'i sai ki'e sai .deivid. do mutce
   xendo mi li'u ju'e lu ki'e .susan. li'u .i sy co'a citka lo
   -pomegranite-? .i ku'i la .djen. cusku lu lo nu do cirko pi za'u no
   -pomegranite-? litki lo boxfo cu mukti lo nu mi gasnu lo nu do lumci
   li'u .i vy cisma gi'e cusku lu mi ca'a pu viska lo nu sy citka .i se
   ki'u bo mi bevri lo tansi li'u .i vy dunda .i sy se jvinu lo ka no'e
   jinru cinmo cortu kei gi'e cusku lu mi ro roi curve lo ka clite kei ca
   lo nu mi citka li'u .i ba zi bo ro da cladu cmila
ni'o sai mu mo'o
   gapru loldi
ni'o mu pi pa mo'o
   nu kajde
   .i la .susan. cu cusku lu .i ba la'e di'u ti na se sazri li'u .i la
   .rut. .ann. cusku lu la'a le sutra vreji pagbu cu spofu li'u gi'e punji
   le vreji cukla le skami gi'e cusku lu .u'u le sutra vreji cipra semtci
   ba ze'u gunka .i .e'u mi'o vitke le citka kumfa li'u .i sy tugni .i se
   ki'u bo sy joi ry klama le citka kumfa
   ni'o la .kim. pu nenri le citka kumfa .i sy joi ry zutse ne'a ky .i ry
   fa'u sy cpedu lo jisra be lo slari grute mu lo glare cirla snuji la
   ni'o lei ci ninmu ze'a casnu .i la .kim. cusku lo se du'u le bruna be
   la .deivid. pu zi canci .i ry simsa lo ka milxe terpa pensi la'e di'u
   .i sy cusku lu xu vajni li'u .i ry cusku lu le bruna be dy cu ze'u
   jilra dy se ki'u lo blupinxe se vlipa be dy .i ku'i le bruna cu djuno
   no da poi srana lo blupinxe .i ku'i by pi viska lo se vlipa fi'o se
   snuti dy .i ba bo by di'i troci lo nu facki lo krasi be lo se vlipa be
   dy .i ji'a le bruna na xendo .i mi terpa lo nu da'i le bruna cu troci
   lo nu sfasa dy kei ta'i lo nu canci simlu li'u
   ni'o ba za bo la .pal. nergau le kumfa fi'o kansa lo mutce cmalu je
   tolcitno ninmu .i la .kim. sanli gi'e cilte krosa'i gi'e cusku bau la
   .gliban. lo'u .io fi'i .uujin. mi'a mutce gleki lo nu le'u .i la
   .uujin. cu jai dicra la .kim. gi'e cusku lu le cukta cu te facki li'u
   .i ky se jvinu lo ka tera kei gi'e cusku lu bu'u ma li'u ju'e lu lo
   jibni .i le judri cu cpana le ti pelji li'u .i le tolcitno ninmu cu
   dunda le pelji gi'e sutra cliva
   ni'o ky catlu le pelji gi'e ku'i sy krici lo du'u ky na tcidu .i ry
   ji'a to'e gleki simlu .i se mu'i bo sy cusku lu le cukta cu mo li'u .i
   la .deivid. to ri pu zi nergau le kumfa .i sy tirna .i ku'i ry milxe se
   spaji toi cusku lu le ralju cukta be fu lo ciblu joi lo bongu .i mi'o
   te cmene fi la'e di'u mu'i lo nu le cukta cu marji lo pelji be lo remna
   bongu joi lo xinmo be lo remna ciblu li'u ju'e lu .yyy. zbasu lo pelji
   be lo remna bongu ta'i ma li'u ju'e lu gasnu lo purmo gi'e pilno lo
   makfa li'a li'u ju'e lu je'e do cukta ma ma ma li'u .i la .kim. cusku
   lu lo makfa po lo fekcrida lo na se djuno lo fenki poi djica lo nu
   vlipa binxo li'u
   ni'o sy ze'a smaji pensi gi'e ba cusku lu ma mukti lo nu do na daspo le
   cukta li'u .i ro jibni cu milxe cmila .i vy cusku lu mi'o so'e roi
   daspo ri .i ku'i ri ro roi xruti .i mi'o ji'a troci lo nu mipri se
   pinfu ri .i ku'i ri ro roi canci gi'e ba tolcanci bu'u lo jibni be lo
   vlipa djica remna .i li'a le makfa po le cukta cu dukse lo ka vlipa kei
   lo nu ny cy vitno daspo le cukta li'u
   ni'o sy to'e gleki se sance gi'e cusku lu ti'u ma mi'o klama li'u .i la
   .deivid. cusku lu lo cabna li'u ju'e lu .i ku'i la .stefen. cu pa mei
   kalte ca le cabycte .i pe'i mi'o nitcu lo mafpre li'u .i vy joi ky
   simxu ke vajni catlu .i vy cusku nu'i? ge lu ko facki la .axmed. .e la
   .raitcel. li'u ky gi lu lo mafpre pi so'o roi dukse lo ka nelci le
   cukta .i le cukta cu vasru so'i se mipri be lo fekcrida .i ku'i le
   cukta cu dukse lo ka kajde .i pu bo so'o cmima be ny cy cu palci binxo
   ba lo nu tcidu le cukta .i se ki'u bo ta'o nai mi'o na djica lo nu le
   .stefen. cu kansa klama li'u sy
   ni'o la .kim. ba zi xruti gi'e kansa la .axmed. .e lo citno ke makcu
   nanmu poi jgari le betfu be .a bu .i ky cusku lu ry ba zi tolcliva mu'i
   lo nu ca gasnu co dasni lo drata li'u .i sy cusku lu doi .axmed. ti mo
   li'u .i .a bu cusku lu se prami mi li'u gi'e prami jgari le nanmu .i sy
   cusku lu .oi ru'e ji'a ti se cmene ma li'u ju'e lu la .maikl. li'u .i
   sy cusku lu coi .maikl. .i mi gleki lo nu penmi do li'u .i mu cusku lu
   .yyy. ki'e do .yy. mi na jimpe mutce la .lojban. li'u
   ni'o pu lo nu sy spuda kei la .raitcel. tolcliva le kumfa gi'e cusku lu
   xu ro kalte cu bredi li'u .i .a bu .e sy .e vy .e ky cusku lu go'i li'u
   .i ba zi bo le se go'i cu nenri le karce gi'e klama le judri be le
   cukta
ni'o mu pi re mo'o
   nu nergau
   .i ba za bo le karxe cu tolcliva lo brabra zdani .i sy zgana le nu vy
   zenba lo ka fengu simlu kei ca'o le nu klama .i sy te preti la'e di'u
   fo vy .i vy badri se sance gi'e cusku lu mi na birti ri'a lo nu mi pa
   ji'i pa roi klama .i ku'i pe'i ti zdani le mi bruna li'u .i se mu'i bo
   ro kalte cu denpa .i ba zi bo sy cusku lu mi pacna lo du'u do na drani
   li'u .i vy cusku lu mi ji'a pacna li'u
   ni'o le girzu cu tolcliva le vorme gi'e denpa .i sy cusku lu ta'o .oi
   sai mi na kane lo nu te vecnu lo jibni zdani ri'a lo nu dukse lo ka
   kargu .i ta'i ma ro bradi be mi'o cu ponse lo brabra zdani .i ta'o nai
   .y. mi'o ca gasnu ma .i xu pilno le janbe li'u .i ky cusku lu na go'i
   li'u gi'e tcica le stela gi'e kargau le vrogai .i .a bu cladu cusku lu
   .oi cai mi xebni li'u gi'e vamtu .i sy mulno jimpe lo krinu be la'e
   di'u .i ku'i sy rivbi lo nu vamtu .i ky cusku lu da'i lo nu mi'o na
   viska lo simsa cu mukti lo nu ga'orgau le vrogai gi'e pilno le janbe .i
   ku'i li'a sai no remna cu bu'u xabju li'u
   ni'o le nenri be le zdani cu curve lo ka fenki .i ti rinka lo nu sy
   morji lo pixra be fi la .ecer. .i le nenri kumfa cu cmalu gi'e vasru vo
   serti .e no vrogai .i ro serti cu se fanmo gi'e se krasi vau pa bargu
   .i ku'i .ii sai no serti cu kuspe le loldi bi'o lo gapru .i pa serti cu
   pencu le loldi gi'e ku'i krasi le drudi .i le ci drata serti cu krasi
   jo nai fanmo lo mlana bitmu gi'e nai pinta ja sraji .i sy cusku lu mi'o
   na kakne lo nu pilno le serti .i ta'i ma mi'o litru ne'i le zdani li'u
   .i vy cusku lu do na drani li'u gi'e se jvinu lo ka mutce xanka kei
   gi'e cusku lu mi xebni li'u gi'e cadzu lo bitmu
   ni'o sy ze'i na kakne lo nu tavla .i .a bu cusku lu xu do jimpe lo nu
   mi xebni lo simsa dinju li'u .i ry cusku lu ro mi'o xebni .i ku'i lo nu
   cadzu ne'i ti cu sarcu lo nu daspo le cukta to'i cmalu denpa toi za'u
   re'u ku li'u .i sy cusku lu ma tadji li'u gi'e sligau pa xance fa'a la
   .deivid. .i ky cusku lu la .deivid. cadzu po'o .i so'i bitmu cu cupra
   lo drata terjunta .i lo ralju fekcrida cu gansu la'e di'u mu'i lo nu
   nelci lo za'u ci cimde .i ku'i le ti munje cu se cimde lo ci mei po'o
   .i se ki'u bo lo ralju fekcrida cu zbasu lo cizra farna je platu .i
   la'e di'u rinka lo nu simlu lo se xabju munje li'u
   ni'o sy ze'i cinri je se terpa catlu vy .i fi'o dicra bo vy fanza cusku
   lu xu do'o ze'u sanli pau nai .i ko se gidva be mi cadzu li'u .i sy
   punji le jamfu le serti .i na cinri .i sy ca'u mo'i muvdu gi'e ganse lo
   nu farlu gi'e vofli ca pa mokca .i se ki'u bo sy xruti .i vy cusku lu
   ko sutra cadzu .i jo nai do ba farlu li'u .i sy barda vasxu gi'e sutra
   cadzu le serti .i sy cabyku'e ganse lo nu farlu .e lo nu vofli .i la'e
   di'u mutce to'e se nelci sy .i ku'i sy na farlu .i ba bo sy sanli le
   serti gi'e zgana lo du'u le drata kalte to claxu vy toi cu sanli lo
   sraji salpo be li so no bei sy
   ni'o vy cadzu fa'a pa dargu .i le drata kalte cu se gidva to ku'i .a bu
   smaji claxu toi .i ro le kalte cu pagre le bargu lo cnino kumfa .i le
   kumfa cu vasru lo flecu be lo xunre litki bei lo kunti canlu bei lo
   kunti canlu .i sy merli le flecu li ji'i pa lo remna birka .i le ve
   pluta be fo le flecu cu tcetce pluja .i ca lo nu le litki cu flecu kei
   le flecu cu muvdu .i ku'i le tarmi cu stodi .i sy mutce se cinri
   ni'o ji'a le kumfa cu vasru vo serti .i lei vo serti cu kurfa gi'e fe'e
   ro roi lamji lo bitmu .i le kumfa cu vasru re bargu po'o .i se ki'u bo
   vy ga'u mo'i cadzu le serti .i bu'u le kojna le lamji serti cu salpo lo
   milxe cnita .i ku'i lo makfa cu rinka lo nu le girzu cu ga'u mo'i cadzu
   le lamji serti .i sy zgana lo du'u da cadzu ro le vi serti gi'e ku'i ro
   roi ga'u mo'i cadzu .i sy peisku lu .i ja mi'o pu kakne lo nu cadzu
   fa'a lo fatne .i se ki'u bo ro roi ni'a mo'i cadzu .i .oi li'u .i ba zi
   bo vy nergau le bargu
ni'o mu pi re pi'e re mo'o
   ni'o le cnino kumfa cu vasru so'o serti .e ku'i re bargu po'o .i ku'i
   sy zgana so'o cmalu kevna be lo bitmu .i se ki'u bo sy krici lo du'u le
   fekcrida na ca'o galfi le kumfa .i ji'a le kumfa cu vasru so'o tansi lo
   fagri .i fi'o cizra bo ro fagri cu flecu muvdu lo cnita .u'e lo tansi
   lo lamji be lo mlana be lo tansi .i vy cusku lu doi .susan. ti lenku
   fagri .i lo'e lenku fagri cu jacke'o li ni'u ji'i pa no no .i ko rivbi
   to vy denpa lo nu catlu le morna be lei serti .i ba bo vy di'a gidva
   toi .i mi ro roi djica lo nu dunda lo lenku fagri lo saske remna .i
   mu'i bo lo lenku fagri cu curve lo ka to'e se javni le re moi javni lo
   glare saske .i pi so'a roi marde saske cu nitcu le re moi javni po lo
   glare saske .i se ki'u bo mi krici lo du'u lo stedu be lo saske remna
   cu spoja pe'a ri'a lo nu catlu lo lenku fagri li'u
   ni'o sy mutce ckire vy lo nu tavla .i le kumfa cu tcetce pluja .i se
   ri'a bo sy so'i roi lifri lo farlu je vofli se ganse .i lo nu jundi lo
   selsku cu sidju sy lo nu to'e jundi lo drata je cizra se ganse .i ba je
   fi'o spaji bo le girzu cu nergau lo no'e cizra kumfa to ku'i sy krici
   lo du'u le kumfa cu sraji salpo li ji'i so no lo bartu loldi toi
ni'o mu pi re mo'o
   nu damba
   .i le kumfa cu vasru pa jubme .e pa cukta .e pa rigni pixra .e pa remna
   .i le remna cu zutse ne'a lo jubme lo kunti canlu gi'e gapru lo loldi
   la'u lo mitre be li ji'i pa gi'e se crane le jubme gi'e te gusni lo
   manku .i lo manku gusni cu mutce se terpa sy .i vy zgana la'e di'u gi'e
   cusku lu lo manku gusni cu se pilno fi lo nu rinka lo nu lo bradi cu
   terpa .i pe'u sy ko to'e jundi li'u
   ni'o le remna cu carna mu'i lo nu tirna lo voksa .i vy cusku lu

   malgletu .i doi brai,an ma mukti li'u .i la .brai,an. cusku lo glico
   panra be lu ko pilno le .gliban. .e nai le rigni bangu .i mi pu cilre
   la .lojban. .i ku'i lo nu go'i cu purci le nu mi vlipa binxo to'i sy
   zgana .ia lo cmalu nu muvdu .i sy catlu lo farna be le nu muvdu .i ku'i
   sy viska le pixra po'o toi .i mi pu cusku fi do fe lo se du'u mi ba
   facki lo mipri be do .i mi snada doi .deivid. doi ruble to'i pixra so'u
   remna poi claxu lo pilka gi'e se sruri lo fagri .e lo ciblu ku'o lo
   mutce fenki .i sy za'u re'u viska lo nu muvdu toi .i mi ba daspo do .e
   ro pendo be do .i mi ba turni lo terdi ca'i le mi se selfu li'u
   ni'o sy co'i jimpe gi'e cusku lu ti jmive li'u gi'e celgunta le pe'a
   pixra .i ri spoja lo ciblu .e lo bongu .e lo vrici remna pagbu .i ro le
   kalte cu ganse le nu so'u remna noi pu zi pinfu fi le pixra cu mrobi'o
   gi'e mutce nelci lo nu na'e cortu binxo .i la .brai,an. cu cladu krixa
   gi'e za'u re'u co'a cusku .i ku'i vy smaji cusku lu xu ti vasru le
   speni be do .e le panzi be do li'u .i la .brai,an. se terpa je badri
   cusku lu go'i .i mi pu nitcu lo ka terpa je cortu ce'u? kei te zu'e lo
   nu cusku fi le se selfu be mi li'u
   ni'o la .brai,an. jgira je fengu binxo gi'e cusku lu .i ku'i mi ca na
   nticu le corti pixra .i mi ro roi se vitke le se selfu .i do ba zi
   mrobi'o li'u .i la .brai,an. ga'orgau le kanla gi'e za'a mtuce jundi
   pensi .i se ki'u bo la .devid. celgunta le bruna .i ku'i le ve
   xumjimcelxa'i cu minra .i la .susan. xendo pencu vy gi'e cusku lu xu do
   djica lo nu mi gunta .i li'a do na nelci li'u .i vy cusku lu .o'o nai
   .u'u na go'i .i la .brai,an. se fuzme mi .i mi catra li'u .i vy plipe
   by
   ni'o ku'i by pu zenba lo ka se sluji .i ca ku lo sluji cu rigni barda
   gi'e fe'e so'o roi pagre le pilka be by .i se ri'a bo by rivbi le pa
   re'u nu vy gunta .i vy pilno le blupinxe nilsutra gi'e troci lo nu
   tikpa le flira ca lo nu plipe .i ku'i by simsa lo ni sutra .i ja'e bo
   by ni'a rivbi le nu tikpa kei gi'e darxi vy le xance le betfu .i se
   ri'a bo vy muvdu le bitmu
   ni'o sy djuno lo du'u le ni le nu gunta cu sutra cu dukse lo ka lo
   remna cu kakne lo nu jundi zgana .i ku'i sy frili catlu .i le ni le
   birka .e le tuple cu sutra pagre lo vacri cu banzu lo nu se sance lo
   siclu be lo cladu .i sy krici lo du'u by se vitke lo ralju fekcrida .i
   la .kim. co'a so'i roi sanga lu do na pagbu le bu'u munje .i se ri'a bo
   ko cliva li'u .i sy zgana lo du'u by milxe jdika lo ka tsali .i se mu'i
   bo sy peisku lu li'a la .stefen. na pa mei lo diklo kalte poi djuno lo
   makfa li'u
   ni'o le damba cu mapti le se damba lo ka te kanpe lo nu ke'a jinga .i
   za'a by zmadu vy lo ka tsali to .i se ri'a bo zmadu lo ka sutra ji'a
   toi .i ku'i vy zmadu by lo ka certu .i se ri'a bo vy darxi by se la'u
   lo zmadu be zo'e po by .i ku'i lo nu by darxi vy cu mutce cortu rinka
   li'a sai .i la .susan. cu surla lo nu zgana .i ku'i la .axmed. cu masno
   zenba lo ka fengu gi'e tolsutra gi'e terpa tu'e vy .i se mu'i bo .a bu
   ca lo nu la .brai,an. cu jibni cu gunta by se pi'o le cladakxa'i
   mu pi ci pi'e re
   ni'o le zunle janco cu sepli le cnebo le cladayxa'i .i ku'i la
   .brai,an. na mrobi'o .i by cmila ca lo nu lo du'e ciblu cu se cupra le
   cnebo .i ku'i lo nu damba cu ranji .i ba zi bo le se dasni be by cu
   mutce cilmo lo ciblu .i se ri'a bo by binxo lo ka mutce masno .i vy
   ga'u mo'i tikpa by fa'a le xedja .i ku'i by jai bandu se pi'o re xance
   .i ku'i la'e di'u na sidju .i le jamfu be vy cu pagre le xance gi'e
   darxi le xedja .i lo ni le nu darxi cu vlile cu banzu lo nu le
   cladakxa'i kevna cu mutce zenba lo ka barda .i le galxe be by cu co'a
   culno lo ciblu .i by farlu
   ni'o le stedu be by cu dandu le cnebo lo cmalu .i la .brai,an. litki
   cusku lu mi pu djica lo nu simlu do kei po'o li'u gi'e morsi binxo
   ni'o la .kim. cusku lu mi'o nitcu lo nu sutra cliva kei lo nu jmive .i
   se cau le pixra .e le mafpre le zdani ba zi se daspo li'u .i la
   .deivid. mutce badri gi'e ku'i jarco lo ka tugni .i la .axmed. terpa
   cusku lu doi .deivid. li'u .i ku'i vy jai dicra gi'e cusku lu do pu
   mutce sidju mi ki'e .axmed. .i ku'i ca ku mi'o cliva li'u .i se mu'i bo
   ro le kalte cu nergau le bargu ca lo nu le zdani co'a desku
ni'o mu pi re mo'o
   nu bargau
   .i li'a ky drani tu'a le zdani .i ri troci lo nu sevzi spogau ta'i lo
   nu desku .i ky cuxna lo traji jinbi bargu ne'i le lenku fagri kumfa .i
   le traji jinbi bargu cu na mintu le bargu poi le girzu pu za pagre .i
   se ki'u bo le kumfa poi le girzu ca zvati cu cnino
   ni'o le kumfa cu vasru so'i cmalu cpini be se ma'e lo blaci .i la'a le
   blaci cpini cu pu zi gleki vofli vi'u le kumfa .i ku'i ca ku le cipni
   cu morsi gi'o nai mrobi'o .i ky za'u re'u cuxna le traji jibni bargu .i
   le cnino kumfa cu vasru so'i kamju be lo xunre krili .i li'a na fadni
   krili .i ri'a bo no kamju cu se daspo .i lo makfa terjunta co'a se
   fanmo .i le kamju cu cunso culno le kumfa .i se ki'u bo lo nu klama le
   traji jibni bargu cu mutce nandu .i le girzu so'i ganse lo ka vofli
   gi'e farlu .i ro le girzu na nelci
   ni'o le girzu tolxruti lo kumfa poi nenri le dertu ku'o gi'e na te
   vorme lo bartu .i vy mabla cusku ca lo nu le zdani cu farlu .i la
   .axmed. cusku lu mi'o tsali .i ko sarji le drudi .i se mu'i bo ro le
   girzu cu sidju la .axmed.
   ni'o ba za bo lo cacra be li pi ji'i re mu .io cu cabyku'e lo nu le
   blupinxe cu kakpa ri le se daspo zdani .i lo blupinxe cu mutce tsali .i
   lo pulji cu tolxruti pu zi lo nu le blupinxe cu mo'u bargau .i lo pulji
   cu tcetce manci gi'e milxe terpa vau le blupinxe mu'i lo nu no remna cu
   kakne lo nu renvi lo zdani nu daspo .i la .axmed. te preti fo pa jibni
   pulji fi lu xu do ponse lo djine titnanba li'u .i le pulji cu fengu
   cusku lu mi'o klama be ti co traji lo ka sutra fo lo kakne be mi'o .i
   ku'i do te mabla cusku li'u .i .a bu cusku lu ta'a pulji mi na xusra lo
   du'u do lazni .i li'a do'o sutra klama .i ku'i mi'o pu zi kakpa ri le
   se daspo zdani .i se ri'a ba mi tcetcetce xagji li'u .i le pulji cu
   zgana le du'u le blupinxe cu mutce terpa je badri kei .i ji'a pa ninmu
   cu jgari pa nanmu poi simlu lo ka troci lo nu na klaku .i se mu'i bo le
   pulji cu cusku lu .u'u mi sisku lo cidja li'u
ni'o mu pi re mo'o
   nu kurji
   .i la .susan. ca'o jgari la .deivid. ca pi ro lo nu xruti .i la .kim.
   sazri le karce mu'i tu'a lu mi nitcu lo nu gasnu li'u .i sy krici lo
   du'u la .axmed. ca'o terpa lo nu da'i vy ba xebni ri .i ku'i .a bu
   prije ca'o? smaji .i la .deivid. smaji klaku .i sy terpa kucli lo du'u
   da'i lo drata blupinxe cu na nelci lo nu sy noi cnino cu kurji vy .i
   ku'i sy ca'o kurji to'e mu'i nai lo nu terpa
   ni'o suksa bo sy cladu cusku lu le cukta cu mo li'u .i la .kim. cusku
   lu jelca zu'e mi se pi'o lo makfa li'u ju'e lu ki'e sai .kim. li'u .i
   sy di'a kurji vy
   ni'o sy ca lo nu le girzu cu xruti le dinju cu gidva vy le ckana kumfa
   po vy gi'e rivbi lo te preti .i la .kim. .e la .axmed. stali le citka
   kumfa mu'i lo nu spuda lo preti .i sy bapli lo nu vy citka gi'e ba zi
   bo vimcu lo se dasni gi'e te ckana .i sy ji'a te ckana gi'e jgari vy .i
   ba zi bo vy co'a mutce klaku
   ni'o sy ze'a bacru lo te xendo selsku .i ba zu bo sy ca lo nu vy mleca
   klaku cu cusku lu do cuxna lo drani lo'i xlali .i la .brai,an. cu bapli
   lo nu mi'o catra ri .i do pu ponse no drata xamgu te cuxna li'u ju'e lu
   ca le ba'e cabycta mi ponse no drata te cuxna .i ku'i pau nai xu mi
   ponse lo drata le purlamji nanca .a le vo moi purlamji nanca po lo nu
   by te preti lo se vlipa be mi li'u ju'e lu ma mukti lo nu do pu zu na
   ciksi li'u ju'e lu mi terpa lo nu by xlali pilno le se djuno li'u ju'e
   lu li'a cai do drani .i le nanmu poi kakne lo nu catra le panzi be ri
   cu kakne ju'o lo nu xlali pilno le djuno be lo blupinxe li'u ju'e lu .i
   ku'i mi ca lo nu ctuca by cu kakne lo nu zgana by .i la'a mi pu sidju
   by lo nu ca'o vrude li'u ju'e lu .i do na djuno la'e di'u .i ji'a xu by
   la'a curmi lo nu do di'i zgana by li'u ju'e lu .i .yy. .io la'a na go'i
   li'u
   ni'o sy joi vy ze'a smaji vreta .i ba bo vy cusku lu mi pacna lo nu mi
   pu kakne lo nu sidju je badgau la .brai,an. li'u ju'e lu mi djuno .i mi
   gleki lo nu do pacna .i mu'i la'e di'u jarco lo nu do vrude .i lo nu
   kurji le bruna be do cu vrude je xendo .i mi nelci do mu 'i lo nu do
   vrude je xendo li'u ju'e lu ki'e .susan. do ji'a vrude je xendo .i ji'a
   do certu lo nu kurji li'u ju'e lu li'a sai mi xalka selfu li'u .i se
   mu'i re jgrai cu milxe cmila
   ni'o ba za bo sy cikna mu'i lo na se djuno .i sy ganse le li'i vy ti'a
   jgari sy re birka le cutne .i sy mutce nelci le ny vy jgari .i sy milxe
   suksa binxo co sanji le du'u pa xance be vy cu jgari pa tatru be sy .i
   ji'a sy ba'e mutce nelci la'e di'u .i sy sutra binxo lo ka cindji .i no
   da pu ze'u jgari le tutra .i ku'i sy na djica lo nu gasnu lo nu vy
   cikna .i ji'a sy terpa lo nu vy na djica lo nu vy joi sy cinse .i ji'a
   la'a to'e mu'i na lo nu vy cindji tu'a sy kei vy na djica lo nu cinse
   gasnu zi lo nu catra le bruna .i se ki'u bo sy smaji vreta gi'e mutce
   nelci le nu vy pencu
   ni'o ba zi bo sy pu lo nu za'u re'u sipna binxo cu ganse le li'i le
   pinji be vy cu jdari binxo ne'a le zargu be sy .i sy mutce nelci la'e
   di'u .i ku'i ca'o ku na djica lo nu vy cikna binxo .i ku'i nandu fa lo
   nu na se sance .i sy peisku lu la'a vy senva ra'u nai .i ka'u lo nanmu
   cu so'a roi lifri tu'a lo jdari pinji ca lo nu senva li'u .i ku'i ca le
   nu vy co'a sligau le tupyjanco se ri'a le nu vy catke pencu sy le pinji
   le zargu kevna kei sy na kakne lo nu ca'o smaji .i sy smaji ke cinse
   cmoni .i vy co'i se jenca vasxu ri'a le nu cikna binxo .i sy peisku lu
   .oi sai la'a lo nu frili ke cikna binxo cu vajni ke renvi se certu lo
   blupinxe .i ku'i .a'o sai vy na fengu li'u
ni'o mu pi mu pi'e re mo'o
   ni'o vy ji'a cmoni gi'e danre zmadu ge jgari le tatru gi catke se pi'o
   le pinji .i sy zmadu cladu cmoni mu'i la'e di'u .i vy cenba gi'e cmalu
   batci le cnebo be sy se ri'a le nu sy za'u re'u cmoni gi'e cunso desku
   .i le ni le pinji cu jdari cu banzu le nu sy milxe xanka lo nu vy ba zi
   ralcinfra .i ku'i na fasnu .i fi'o suksa bo vy jgari le janco be sy
   gi'e gasnu lo nu sy carna fa'a le drudi .i vy se sarji pa birka gi'e
   prami pencu sy le drata birka le flira gi'e cinba sy .i sy cusku lu xu
   do birti lo du'u do ba'e ca djica li'u .i vy cisma fi'o se jarco lo ka
   mutce cindji gi'e prami gi'e milxe terpa kei gi'e cusku lu mi birti
   ba'u nai li'u
   ni'o ba bo sy .e vy curve lo ka sutra gi'e cindji .i vy jdari cinba sy
   .i ba zi bo vy cinba sy se pi'o le tance .i ca bo sy troci lo nu vimcu
   le sipna creka po vy .i ku'i sy na certu ki'u le nu sy tcetce xamgu se
   cinba .i ba zi bo vy jgari le creka gi'e spogau ti se pi'o pa sutra nu
   lacpu .i sy peisku lu .ui lo blupinxe cu tsali .oi nai sai li'u
   ni'o sy pencu vy le xance pi ro le cutne .e le cutne trixe .i sy mutce
   nelci le se ganse .i vy jdari gi'e xutla .i sy za'u re'u cinse cmoni .i
   fi'o suka bo vy co'u cinba gi'e ku'i lacpu spogau le creka po sy gi'e
   co'a sakci le tatru be sy .i sy so'a roi ganse lo ka mtuce pluka kei le
   tatru .i ca bo na drata .i sy cladu cmoni gi'e jgari le kerfa be vy to
   za'a vy na fanza toi .i ji'a vy jgari sy pa xance le vlagi .i se ki'u
   bo sy cinse ke milxe krixa .i vy ca'o sakci gi'e rilti jgari .i sy
   mutce gleki .i ku'i sy djica ji'a lo nu jgari le pinji .i sy troci lo
   nu jgari .i ku'i le ni le birka be sy cu clani cu na banzu .i se ki'u
   bo sy to ri pu je ca nai kakne lo nu tavla toi badri cmoni .i se mu'i
   bo vy muvdu ri'a lo nu sy ka'e jgari .i sy jdari jgari le tinsa pinji
   gi'e satre ri gi'e cinse gleki cmoni
   ni'o fi'o suksa bo vy sutra to sy smadi lo du'u vy pilno lo blupinxe ka
   sutra toi vimcu le plibu taxfu be sy .e vy .i vy punji le pinji le
   vlagi gi'e ze'a catlu le flira be sy .i sy gunka lo nu jundi bonxo kei
   lo nu jimpe le se gasnu be vy .i ba zi bo sy jimpe lo du'u vy cpedu lo
   nu sy curmi .i sy sutra vasxu cusku lu xu do kakne co gasnu lo nu mi se
   panzi li'u ju'e lu .u'i ru'e na go'i .i ji'a do blupinxe .i do na ka'e
   se panzi .i ji'a do .e mi na ka'e bilma fi lo gletu te bilma li'u ju'e
   lu .u'u .oi ro'a mi tolmorji li'u
   ni'o sy tcena gi'e zenba lo ka le tuple be ce'u preja kei gi'e mutce
   cindji cisma gi'e cusku lu fi'i cai .deivid. li'u .i vy ji'a cisma gi'e
   masno setca le pinji le ranti je cilmo je tagji je glare vibna .i ku'i
   sy ca na djica lo nu masno .i le vibna be sy tcetce cilmo je kalri .i
   se mu'i bo sy lacpu jagri vy re birka le zargu .i se ri'a bo vy to ri
   noi milxe spaji toi sutra je mulno setca
   ni'o sy cladu cmoni gi'e sligau le tupyjanco .i vy jimpe le se gasnu .i
   se mu'i bo vy ji'a sligau le tupyjanco gi'e cmoni .i lo nu le pinji cu
   sakli le vibna cu so'i roi rinka lo nu cmoni .i so'o roi ku vy denpa lo
   dukse lo nu pi so'a le pinji cu na setca .i se ki'u bo sy badri cmoni
   gi'e lacpu vy se pi'o le tuple .i vy cusku lu .oi mi dukse cindji do .i
   lo nu do lacpu cu rinka lo nu mi dukse clira ralcinfra li'u .i sy cisma
   gi'e peisku lu .ui vy kurji li'u gi'e cusku lu .e'a sai mi djuno li'u
   gi'e za'u re'y lacpu vy .i vy cmoni gi'e sutra rapli setca .i sy se
   mu'i lo ni tolcortu cu sraku le trixe be vy gi'e cladu cmoni .i vy so'o
   roi setca gi'e cladu ke cinse krixa mu'i lo nu ralcinfra .i ca bo sy
   cisma gi'e catlu le flira be vy
ni'o mu pi mu pi'e ci mo'o
   ni'o vy vreta ga'u sy gi'e ku'i pilno le birka lo nu rivbi lo nu vreta
   ba'e fe sy .i sy peisku lu ke'u lo blupinxe cu tsali .ui sai .i mi na
   ganse le junta be vy .i ku'i za'a vy ka'e ze'u vreta li'u .i vy so'i
   roi prami je ranti cinba sy gi'e cusku lu ki'e sai .susan. li'u .i sy
   cisma gi'e sligau le tupyjanco gi'e cusku lu ki'e sai .deivid. ji'a .i
   ku'i mi terpa lo nu do pu na'e bredi mu'i tu'a le bruna be do li'u ju'e
   lu .i .o'e .ui do mutce xendo mi lo nu kurji .i ku'i mi certu co gasnu
   lo nu lo drata lifri be mi cu gunma sepli ma'i le mi menli .i le se
   go'i cu mutce vajni se certu lo blupinxe .i da'i lo nu mi ro roi pensi
   lo purci ke jursa lifri cu rinka lo nu mi gasnu no da poi plixau .i
   la'a mi ba za'u re'u badri .i ku'i ca na go'i .i xu do jimpe li'u ju'e
   lu .i mi milxe jimpe .i ku'i ra'u mi gleki lo nu do na xenru li'u ju'e
   lu mi to'e sai xenru .i ni'o .ue mu'i ma do pu zi cusku co ckire mi .i
   .u'u sai do na ralcinfra li'u ju'e lu .i ku'i mi nelci le nu gletu do
   .i mi pu ze'a djica li'u ju'e lu .i mi ji'a ze'a djica .i mi gleki le
   du'u do nelci .i ku'i .e'o mi djica co sidju do lo nu ralcinfra li'u
   ni'o sy prami cisma gi'e cusku lu .i ki'e sai .deivid. mi mutce djica
   li'u .i vy di'a cinba sy se kai lo mleca be lo ka prami .e ku'i lo
   zmadu be lo ka cindji .i sy frati lo nu nelci je cindji jarco .i vy
   satre le tatru be sy .i sy cusku lu jdari zmadu li'u .i vy jdari jgari
   le tatru .i se mu'i bo sy jai gau bargu fai le trixe gi'e cmoni .i se
   mu'i bo vy ze'a cinse pencu le tatru noi vy nelci .i ba bo vy sakcpu le
   tatyji'o .i za'a sy mutce nelci
   ni'o vy vreta le ckana mu'i lo nu djica co pilno re xance .i vy punji
   pa birka lo jbini be sy joi le ckana gi'e pilno le birka lo nu jgari pa
   tatru be sy .i ji'a vy sakcpu le drata tatru .i ji'a vy satre le vlagi
   le drata xance .i le se cmoni be sy zenba lo ka cladu gi'e tonga lo
   -high pitch-?? .i vy ze'i ranti jgari pi ro le vlagi .i vy ranti pencu
   le pinji .i sy ze'i krixa .i vy punji nu'i? ge re degji le vibna gi le
   tamji le pinji gi'e satre muvdu pi ro le xance .i sy za'u re'u krixa .i
   ji'a sy milxe desku
   ni'o ba za bo vy muvgau le moklu le vlagi .i sy pu lo nu vy cinba le
   vlagi cu jgari le janco be vy gi'e cusku lu .e'u nai do ba tacsa'e le
   tsiju li'u ju'e lu .ua nai so'i remna pu renvi lo nu tunlo le tsiju be
   mi .i la'a mi ji'a renvi .i zo'o li'u .i sy to ri noi tcetce cinmo toi
   ze'a cladu cmila co'u? le nu vy tacsa'e le pinji be sy .i se ri'a bo le
   kanla badgai po sy mulno kalri binxo .i ji'a sy cladu vasxu .i ba bo sy
   jdari jgari le kerfa be vy gi'e cladu cmoni
   ni'o sy ba zi facki lo du'u vy mutce certu lo nu tacsa'e lo vlagi .i vy
   troci so'i tadji gi'e pilno lo frati be sy lo nu cuxna la'e di'e .i vy
   sutra je ranti tacsa'e le pinji .e pi so'u roi? le ctebi .i ji'a vy
   di'i nai sakcpu le pinji .i sy tcetce gleki .i ba za bo sy cladu
   ralcinfra .i ca bo sy jgari vy le tuple le stedu .i ku'i vy na sisti jo
   nai masno binxo .i sy cusku lu ko sisti li'u ju'e lu xu cortu li'u ju'e
   lu .y. na go'i li'u .i se ki'u bo vy ranji .i ji'a vy punji re degji le
   vibna gi'e sutra satre le drudi .i sy troci co muvgau le stedu be vy .i
   ku'i vy na frati .i ku'i vy punji le jipno be pa degji ne'i le ganxo be
   sy be'o noi se sakli ri'a tu'a lo tsiju .e lo vibna ke cinse litka
   ni'o sy pu su'o re roi ralcinfra ca pa nu cinse .i ku'i no roi ku lo
   simsa cmalu cu temci pa nu ralcinfra kei? lo bavlamji nu ralcinfra .i
   sy ze'i krici lo du'u sy ca mrobi'o
ni'o mu pi mu pi'e vo mo'o
   ni'o sy ca lo nu binxo co sanji lo drata be le ralcinfra cu facki lo
   du'u vy vreta te'e sy gi'e jgari sy gi'e cinba le stedu be sy .i sy
   cusku lu ma rinka lo nu mi cortu le kerlo li'u .i vy cisma gi'e cusku
   lu do pu cladu li'u ju'e lu mi na birti lo du'u mi pu bredi le lifri
   li'u ju'e lu mi pu krici lo du'u do bredi li'u ju'e lu mi joi do na pu
   cinse .i ma krinu lo nu do krici li'u ju'e lu .y. lo nu ciksi cu nandu
   .i ra'u mi mutce tolcitno gi'e so'i roi sidju lo prenu lo nu ralcinfra
   .i ji'a mi pu mtuce djica lo nu do lifri lo xamgu se manci .i mu'i bo
   mi mutce nelci do .i ji'a do pu kurji mi .i se mu'i bo mi djica lo nu
   dunda lo nu tolcortu .i ma krinu lo nu do terpa le lifri li'u ju'e lu
   mi na terpa li'u
   ni'o vy cinba le stedu gi'e prami pencu le flira gi'e cusku lu mi kurji
   do .i do no roi nitcu lo nu tcica mi li'u .i sy jai gau farna le flira
   fai lo drata be le flira be vy gi'e cusku lu mi na djuno le krinu .i
   ku'i mi pu mutce terpa li'u .i vy prami je jdari jgari sy gi'e cusku lu
   do pu terpa lo nu mi jimpe lo dukse po do .i sa'e do pu terpa lo nu lo
   ni mi jimpe do cu zmadu lo ni do jimpe mi .i do terpa lo nu mi jai gau
   xrani do se pi'o lo se jimpe be mi
   ni'o sy smaji klaku .i se mu'i bo vy jdari jgari sy gi'e masno jai gau
   gunro fai sy gi'e cusku lu .i ku'i do pu zgana lo nu mi klaku .i do pu
   zgana lo nu mi tcetce cindji .i mi jimpe lo sinvi be do .i ku'i go'i
   ra'o .i pe'i mutce xamgu .i nu'e sai mi pu zgana do .i mi pu bredi lo
   nu sisti kei ki'u lo nu da'i do pu mutce tolgleki binxo .i ku'i do pu
   xanka binxo po'o li'u .i vy ze'a denpa fi lo nu kurji sy .i vy cusku lu
   xu do pu nelci le re moi nu ralcinrfa li'u .i sy smaji cusku lu go'i
   li'u .i vy cusku lu mi ji'a nelci .i mi nelci lo nu mi ralcinfra .i mi
   djica lo nu ba ku mi joi do sidju mi joi do lo nu tolcortu li'u .i sy
   catlu le flirabe vy gi'e cisma gi'e cusku lu mi ji'a djica li'u ju'e lu
   .ui sai li'u .i ba zi bo le re mei cu sipna
ni'o sai xa mo'o
   le larcu
ni'o xa pi pa mo'o
   nu surla
   .i pu ki ku no da se spaji lo nu la .deivid. joi la .susan. cinse pendo
   binxo .i je'u sai la .raitcel. ca lo nu viska vy joi sy simxu ke xance
   jgari cu cladu cusku lu ba'e na clira li'u .i vy .e sy cisma po'o
   ni'o ki ba lo jeftu be li so'u sy .e vy .e la .kim. zutse ru'u pa jubme
   ne'i le citka kumfa .i vy .e sy citka gi'e nelci lo nu kansa .i ky
   citka gi'e tcidu le nuzba se papri .i vy cusku lu doi .susan. mi pu
   viska lo nu do cinse catlu le citno nanmu ca le purlamcte li'u ju'e lu
   xu bartu le skina dinju li'u .i ky jai gau dicra gi'e toljunri fengu
   cusku lu xu re do girzu viska le skina li'u .i sy se spaji cusku lu
   go'i li'u ju'e lu doi .deivid. do no roi klama lo cinri fi'o kansa mi
   li'u .i vy toljunri badri cusku lu do kusru .i ji'a do tcica li'u .i ky
   ze'i pensi gi'e cusku lu .ua do drani .i mi'o pa roi klama lo cinri
   li'u
   ni'o ky cmila gi'e cusku fi sy fe lu .i vy cpedu lo nu mi kansa vy lo
   cinri .i ku'i vy djica lo nu mi se spaji .i se ki'u bo na ciksi le
   cinri mi .i mi mutce nelci so'a lo larcu .i ku'i mi ba'e xebni so'a
   pemci .i lo nu tcidu lo pemci cu li'a sai se spaji mi .i ku'i mi na
   nelci .i mi tcetce to'e se cinri .i .ui nai sai le kunfa cu xamgu se
   gusni gi'e mutce gubni .i se ki'u bo mi na clite kakne lo nu cinse
   pencu vy to ri ja'a cinri mi toi .i je'u sai mi cinse gunta vy ba lo nu
   cliva li'u
   ni'o sy ca'o ze'a cmila .i ku'i vy troci co jarco lo ka fengu gi'e
   badri .i ku'i vy milxe fliba .i vy cusku lu li'a mi na ba cpedu lo nu
   do kansa be mi vitke .i do so'i roi cusku le lisri .i do mutce kusru
   li'u .i sy ca'o lo nu cmila cu cusku lu re ko sisti .i mi na kakne lo
   nu vasxu li'u .i vy cusku lu doi .kim. ko zgana lo nu do gasnu lo nu sy
   na sinma mi li'u .i ku'i vy co'u kakne co jarco .i se ki'u bo vy .e ky
   cladu cmila
   ni'o sy ba lo nu ti mo'u cmila cu cusku lu le purci cu rinka le nu mi
   morji .i doi .kim. xu do zenba lo ka cindji kei ba lo nu blupinxe binxo
   li'u .i ti'a sy la .raitcel. cusku lu go'i cai li'u .i ca bo ky go'i .i
   re ra cmila .i vy cusku lu mi go'i .i ka'u ro blupinxe cu zenba lo ka
   cindji li'u .i ry zutse ca le mintu jubme .i sy cusku lu doi vy joi ky
   le lisri po do cu cabna ma li'u .i ky cusku lu .u'i xu do terpa lo nu
   do gletu le pe'a mi nanmu .i so'u blupinxe cu mutce cinmo fi lo simsa
   li'u .i vy cusku lu .ie .y. .ua nai .y.le ji'i re no moi purlamji nanca
   xu doi .kim. li'u ju'e lu go'i ju'o cu'i .i mi ca di'i nai gletu vy to
   ri tcetce certu toi to'i ry cusku lu .ie sai li'u .i vy jarco lo ka
   burna toi .i ku'i mi na prami je cinse pendo vy mu'i lo nu mi to'e
   simsa vy lo ka se cinri to'i cmalu denpa .i ky cisma toi .i mi mutce
   gleki lo nu do prami je cinse pendo vy .i ri xendo je vrude li'u
   ni'o sy pu ca'o ze'a jarco lo ka mutce se spaji .i ry cusku lu ma nabmi
   doi .susan. li'u .i sy cusku lu lu ca le re no moi purlamji li'u .ue
   sai .i doi .kim. mi zgana lo du'u do cabyku'e lo nanca be li ji'i re mu
   li'u ju'e lu .u'i ki'e sai .susan. mi nanca li xa re li'u ju'e lu .ue
   sai doi vy do nanca ma li'u ju'e lu li bi ze .u'i li'u .i sy ze'i pensi
   to le drata cu mutce cisma toi gi'e cusku lu .i ku'i do pu cusku lo
   du'u la .djen. bu'u gunka pu ro da .i ji'a dy na blupinxe li'u .i ry
   cusku lu dy na ba'e ca blupinxe .i ku'i pu blupinxe .i dy nanca li pa
   no ze li'u ju'e lu .i ji'a le bruna be do citno simlu li'u .i vy co'u
   cisma gi'e cusku lu la .brai,an. cu djica lo nu citno binxo .i by pu
   pleji le nu jmive li'u .i sy jgari le xance be vy gi'e cusku lu .u'u
   sai li'u
ni'o xa pi pa pi'e re mo'o
   ni'o vy cmalu cisma gi'e cusku lu mi na pu te preti le se djica .i xu
   do morji le nanmu li'u .i sy cusku lu so'i citno nanmu pu jibni le
   skina dinju li'u ju'e lu da poi do cindji catlu li'u ju'e lu .u'i mi pu
   cindji catlu so'i nanmu .e so'o ninmu .i na sidju li'u ju'e lu .u'i da
   poi ponse lo pelxu je blabi kerfa .e lo xekri palku li'u ju'e lu go'i
   li'u ju'e lu do ze'a cindji catlu le nanmu .i ma mukti lo nu do na
   cpedu lo nu senvi penmi li'u
   ni'o sy milxe jenca .i ba za bo cusku lu pa mai mi na djuno lo du'u do
   na fengu li'u ju'e lu mi jimpe .i do ba djuno li'u ju'e lu go'i .i re
   mai mi jikca terpa .i mi na certu lo nu cpedu lo simsa li'u ju'e lu .ue
   sai do barja selfu li'u ju'e lu .i se ki'u bo mi tcetce certu lo nu
   rivbi lo cindji nanmu .i na srana li'u ju'e lu je'e li'u ju'e lu ci mai
   mi terpa lo nu mi se snuti xrani ca lo nu gletu kei ri'a lo nu mi
   blupinxe tsali li'u
   ni'o la .deivid. .e la .kim. .e la .raitcel. cu cmila .i ry cusku lu pi
   so'a cnino blupinxe cu simsa terpa .i ku'i lo nu lo blupinxe cu pilno
   lo blupinxe ka tsali cu se sarcu lo nu sanji djica .i la'a lo traji
   purci blupinxe cu ja'a se snuti xrani .i le blupinxe te bilga cu so'u
   roi se galfi .i ku'i pa re'u se galfi fi da poi te bilga lo nu lo
   blupinxe cu kakne lo nu pilno lo zmadu remna ka tsali kei ri'a lo nu
   sanji djica po'o li'u .i sy cusku lu .ui sai ki'e .raitcel. li'u
   ni'o ry cusku lu doi sy mi na ru'e tolmorji .i lo blupinxe goi ko'a cu
   skami mrilu fi ro blupinxe se cu'u le se du'u le jmive po ko'a cu mutce
   ckire lo nu da benji de poi zekri lebna lo jukni .i je li'a do mintu
   mi'o .i ko'a cusku le se du'u le nanmu cu ze'u tcetcetce cortu gi'e
   ku'i na mrobi'o li'u .i sy cusku lu ki'e .raitcel. .i mi mutce gleki
   li'u
   ni'o gau ky pa papri cu carna .i se ki'u bo sy viska lo selcku poi
   srana lo barda lardai be ne'i la solji vorme panka .i le dacti cu ve
   pluta fo lo pluja ma'i lo mudri grana poi se sraku ve pixra lo cizra
   flira .i fi'o suksa bo sy krixa cusku lu ti bradi .i ti bradi .o'o nai
   cai li'u gi'e zgagau le pixra be le larcu finti .i ro vi prenu cu se
   suksa ke cmalu plipe .i ky jai gau carna gi'e catlu vau le papri .i ry
   .e dy sezmuvgau ri'a lo nu catlu djica .i ky cusku lu mi na se slabu le
   nanmu li'u .i sy cusku lu ti jatna le rokci katnygau poi finti lo rokci
   remsmimi'i .i ti rivbi lo nu se kavbu gi'a se catra li'u .i vy cusku lu
   .ua nai ti na se jvinu simsa le jatna .i mu'a ti se kerfa lo xekri
   simsa li'u .i sy cpacu le papri gi'e cusku lu .y. .ua nai sai na go'i
   .i ti se kerfa lo blabi pelxu pa'a le jatna
   ni'o le jmive poi se vitke le menli be sy cu cusku lo na'e bangu panra
   be lu la .susan. cu drani li'u .i ji'a sai le jmive cu cusku ro lo
   blupinxe ne'i le dinju .i ba zi sai bo la .stefen. sutra bajra nerkla
   le kumfa .i sy na pu viska lo nu da dukse cy lo ka sutra .i cy mo'u
   bajra se pi'o le jubme gi'e cusku lu sy gasnu ma li'u .i ry cusku lu sy
   xusra lo du'u ti pixra le jatna be le rolci katnygau noi pu za pilno le
   rokci remsmimi'i li'u .i cy sutra katna pa birka ke ciblu tubnu be cy
   gi'e punji lo ciblu le pixra gi'e mutce gunka catlu le pixra
   ni'o sy mutce se cfipu le se gasnu be cy gi'e ku'i na tavla .i ba za bo
   le ciblu muvdu se ri'a lo cnino ?to? xunre toi pixra .i li'a pixra le
   rokci katnygau jatna .i sy catlu le jibni .i la .raitcel. .e la
   .deivid. .e la .kim. curve lo ka jenca .i ji'a le pilka be ry zi zenba
   lo ka blabi .i ku'i cy li'a mutce gleki gi'e cusku lu li'a lo xamgu
   cevni cu zasti to'i cy catlu sy toi .i fi'i cai doi na'e se tcica ganse
   li'u .i cy catlu le drata jibni gi'e cusku lu mu'i ma do cinmo lo xlali
   .i ma'a siska lo na'e se tcica ganse ze'u lo nanca be li vo no no .i
   mi'o bilga lo nu mutce salci .i .oi le nu bajra cu rinka lo nu mi xagji
   to'i cladu ke krixa cusku toi .i pe'u sai .djen. ko dunda mi lo jisra
   be lo -avocado-?
ni'o xa pi pa pi'e ci mo'o
   ni'o vy se jvinu lo nu rigni kei gi'e cusku lu mi na jimpe lo tadji be
   lo nu do nelci li'u .i sy cusku lu .y. ka'e jisra lo -avocado-? li'u .i
   cy cusku lu go'i .i so'u da zmadu fi lo ka sutra sabji lo nejni .i doi
   .susan. xu do pu lo nu mi salci ta'i lo nu troci co xalka bilma binxo
   cu djica lo nu mi ciksi le cizra se vlipa be do li'u ju'e lu mutce go'i
   .i ku'i ta'o ma mukti lo nu do ba'e troci co xalka bilma binxo gi'e nai
   ca'a xalka bilma binxo li'u ju'e lu .u'i li'a sai do na troci li lo
   blupinxe cu xamgu renvi lo vindu .i mi no roi lo nu xalka bilma binxo
   cu snada ba lo nu mi blupinxe binxo .i ku'i mi di'i troci li'u
   ni'o cy cusku lu ta'o nai mi ciksi le se vlipa be do .i lo bredi be la
   nicte cadzu .y. .i ki'e .djen. to'i cy tunlo pi so'i le jisra toi .i lo
   bredi be la nicte cadzu cu di'i pilno lo makfa lo nu tcica le te ganse
   .i do na pu lifri lo simsa .i ku'i mutce ckape .i lo te ganse tcica
   makfa cu na kakne lo nu xrani .i ku'i mu'a ka'e rinka lo nu do krici lo
   du'u lo xanri loldi cu zasti se ba'i lo to'e xanri condi kevna .i ku'i
   lo rirci remna cu no roi ganse se tcica lo makfa .i mi'a te cmene lo
   simsa lu lo na'e se tcica gqnse li'u .i la nicte cadzu cu purlamji
   vasru lo na'e se tcica ganse pu lo nanca be li ji'i vo no no li'u
   ni'o sy djica lo nu cusku .kei gi'e ku'i pensi no da poi xamgu .i cy
   mo'u pinxe le jisra gi'e cliva mu'i lo nu facki lo xalka .i vy prami
   jgari le xance be sy gi'e cusku lu mi xenru lo nu jenca .i ku'i mi pu
   mutce se spaji .i je'u mi gleki li'u ju'e lu xu mi gleki pau nai to'i
   ze'i denpa toi .i mi ja'a gleki .i le se vlipa cu rinka lo nu mi ka'e
   gunta le jatna noi mi xebni li'u .i vy cisma gi'e cusku lu mi ji'a
   gleki li'u .i vy jgari sy
   ni'o ky cusku lu li'a mi'o nitcu lo nu zenba lo ka jimpe le lardai .i
   mi sisku tu'a lo ga'u pixra li'u .i ky cliva .i se ni'i bo fu'e po'o la
   .raitcel. joi la .deivid. joi la .susan. fu'o zutse ne'i le citka kumfa
   .i la .raitcel. cusku lu .a'e nai .ei sai za'a no da poi mutce vajni cu
   pu zi ze'a fasnu .i ku'i mu djuno lo du'u lo nu la'e di'u ze'u ranji cu
   na cumki li'u .i la .susan. cusku lu .uo mi pa kucli lo su'u xu kau lo
   pu zi temci cu fadni .i li'a na fadni .i ki'e .raitcel. li'u .i la
   .deivid. cusku lu lo to'e cinri temci cu no roi clani li'i lo blupinxe
   li'u
ni'o xa pi re mo'o
   nu facki
   .i la .kim. si'u la .rut.an. snada lo nu facki lo gapru pixra be le
   dacti to la nicte cadzu cu kakne lo nu pilno so'o kacma minji mluni toi
   .i ro prenu poi viska le pixra cu krici lo du'u le tarmi be le dacti cu
   sinxa .i ku'i no da djuno le se sinxa .i se ki'u bo la .dalton. co'a
   sisku le se sinxa lo cukta .i ca bo la .kim. siska lo vrici po le dacti
   finti
   ni'o la .susan. na se frili lo nu sidju le re se zukte .i se ki'u bo sy
   denpa .i se zu'e bo sy rapcreze'a lo nu damba .i ba'o bo sy vitke le
   citka kumfa .i sy lebna pa -watermelon-? gi'e zutse .i ba zi bo sy
   tirna lu doi .gus. do cliva .i mi na ca dunda lo cidja do li'u pe cu'u
   la .djen. .i sy krici lo du'u la'e di'u mutce cizra kei mu'i lo nu dy
   so'a roi nelci lo nu sidju la .gus. .i ba zi bo le fagri gerku cu badri
   cliva le cidja te sorcu .i sy friti pi so'u le -watermelon-? la .gus.
   .i ri milxe se cfipu tu'a lo na'a rectu cidja .i ku'i la .gus. citka
   gi'e za'a nelci
   ni'o sy fe'e co'a klama le cidja te sorcu .i ku'i la .djen. klama le
   vorme gi'e cusku lu .u'u mi na curmi lo nu do nergau .i mi mutce gunka
   .i pe'u do ko cliva li'u .i la .djen. se cau lo nu denpa lo nu sy spuda
   cu xruti le te sorcu .i sy binxo co xanka lo nu dy mutce cizra tarti .i
   dy ze'e pu xendo gi'e kurji .i ji'a sy krici lo du'u dy tinsa sezmuvgau
   ca lo nu xruti le te sorcu .i sy ze'a pencu la .gus. gi'e pensi le
   cizra se tarti be la .djen.
   ni'o ba za bo la .rut.an. klama le kumfa gi'e ze'i rinsa sy gi'e cladu
   cusku lu doi .djen. mi ponse le cnino ke bolci tergu'i poi? do cpedu
   li'u .i ry .a bu klama lo farna be le te sorcu .i ku'i la .djen. cliva
   le te sorcu gi'e jgari ry .a bu gi'e cusku lu ko cliva .i ko ba'e ca
   cliva li'u .i ry .a bu cusku lu xu do djica le tergu'i li'u .i dy lebna
   le sacki gi'e tolclite cusku lu ki'e do ko cliva li'u .i le fasnu cu
   mutce spaji sy .i ku'i ry .a bu cliva ba'o lo nu sy finti lo si'o sy te
   preti cusku tu'a la .djen. la .rut.an.
   ni'o ba za bo la .dalton. klama le kumfa fi'o se bevri lo papri .i li'a
   gy mutce gleki.i gy cusku lu doi .susan. mi facki le se sinxa li'u .i
   sy cisma gi'e cusku lu lio sai xu do djica lo nu lei kalte cu jmaji
   li'u ju'e lu go'i ki'e .susan. li'u .i sy menli cusku fi lo drata kalte
   ca lo nu gy gasnu co preja lei papri pa jubme
   ni'o ba zi bo so'o kalte cu klama le kumfa .i gy cusku lu mi fakci le
   sinxa ne'i lo tcetce purci citri be ny cy cukta .i sinxa pa daspo ke
   ralju fekcria li'u .i no da spuda .i ku'i li'a ro le kalte cu xanka .i
   ky cusku lu ma te pilno lo simsa sinxa li'u ju'e lu lo nu finti lo
   vorme be le bu'u munje bei le fekcrida munje to'i so'i prenu cu co'i
   co'a cusku .i ku'i gy jarco lo ka djica lo nu smaji toi .i ku'i lo
   purci nu troci cu no roi mutce snada ri'a lo nu tcetce nandu fa lo nu
   mipri lo srana makfa noi za'a sai barda .i ji'a lo nu gasnu lo nu le
   makfa cu sisti cu frili .i ko daspo le lardai noi ra'u mudri li'u
   ni'o ze'i bo lo prenu cu smaji je pensi .i la .stefen. cusku lu lo nu
   le vorme cu mulno binxo cu rinka ma li'u .i gy cusku lu na birti .i
   ku'i la'a ro se minde be le fekcrida cu ze'i pagre le vorme li'u .i le
   fekcrida po la .susan. cusku lu li'a sai xlali li'u .i ba zi bo gy
   ranji cusku lu mutce xlali li'u .i cy cusku lu .i ji'a li'a sai mi'a
   bliga lo nu fanta .i ki'e sai .dalton. .i doi .kim. do facki ma li'u .i
   la .kim. cusku lu so'u da .i le larcu finti cu jai tcica .i le tirnu
   vreji cu jarco lo ka le nanmu cu ze'e pu jmive co'i lo nanca be li ji'i
   vo ci .i ku'i le vreji cu co'a zasti de'i le purllamji nanca .i ku'i la
   rokci katnygau cu sidju fi lo nu finti le lardai li'u
ni'o xa pi re pi'e re mo'o
   ni'o la .deivid. cusku lu mi'o djuno le se nitcu se zukte .i doi kalte
   ko xruti ti'u li no pi'e su'i re no li'u .i se mu'i bo so'o da cliva .i
   ku'i cy cpedu lo nu sy ze'i stali .i cy cusku lu doi sy ko menli jarco
   le flira be le nanmu mi li'u .i sy gasnu .i cy se spaji cusku lu la
   .kraulis. li'u .i sy cusku lu mo li'u ju'e lu la .aleister.kraulis. pu
   remna gi'e misno gi'e mafpre .i ka'u la .kraulis. pu za mrobi'o .i ku'i
   ny sanji le du'u .a bu ky renvi gi'e citno binxo vau se pi'o lo daspo
   fekcrida makfa .i .a bu ky tcetce ckape .i ta'o .a bu ky xabju le brito
   gugde .i mi na djuno le mukti be lo nu le go'i zvati le mergu'e .i ku'i
   li'a sai xlali ma'a li'u
   ni'o cy co'a cliva .i to'oe mu'i bo sy cusku lu doi cy xu le zi tatru
   be dy cizra do li'u .i cy cusku lu na go'i li'u gi'e cliva
ni'o xa pi ci mo'o
   nu cadzu
   .i ro le blupinxe cu ganse le cizra ca lo nu binxo co jibni le lardai
   .i la .kim. pa moi be le kalte be'o skicu le za'i ganse kei fo lu le
   lardai cu cocku lo makfa nejni mi .i .oi sai li'u .i le se gasne cu
   mutce to'e pluja ro le kalte .i la .susan. cusku lu doi cy xu do kakne
   lo nu badgau fi mi'o le cokcu li'u ju'e lu na go'i .i ku'i la .axmed.
   kakne li'u .i sy se spaji catlu .a bu noi cusku lu .oi .ii ru'e li'u .i
   cy cusku lu .a bu certu lo menli surla tadji noi srana lo nu damba .i
   le surla tadji cu rinka lo nu pensi no da .i mi krici lo du'u le se
   go'i rinka lo nu le makfa na ka'e zgana mi'o li'u .i .a bu cusku lu .i
   ku'i lo nu pensi no da gi'e ku'i zukte fi da cu nandu gi'e to'e pluka
   .i ku'i mi troci .i ro ko curmi lo nu mi menli jitro do li'u
   ni'o le li'i pensi no da gi'e ku'i sanji cu mutce cizra .i sy na ze'e
   ba kakne lo nu skicu le go'i fi'o se mansa sy .i ku'i simsa lo nu senvi
   .i le lardai cu marji so'i se sraku mudri tanbo .i ro tanbo pu se sraku
   fi'o tarmi lo flira .i lo flira cu simsa lo ritli flira po lo cilce
   kulnu .i sa'e lo flira cu simlu lo ka na mutce simsa lo remna .i le
   manku cu sidju? la'e di'u .i mu'i tu'a lo flira le kalte zenba lo ka se
   lifri da poi simsa lo nu senvi
   ni'o le lardai cu barda ke milxe kalsa sarlu .i le kalte cu cadzu ne'i
   le sarlu gi'e zgana ro da gi'e ku'i jimpe na da .i le kalte ba lo nu
   cliva le pakna cu ba morji so'i cizra je se terpa flira .i ku'i ca ku
   na ka'e terpa
   ni'o ze'a ku le dargu te'e lo flira cu ganra gi'e ku'i jdika lo ka
   ganra kei fa'a le midju .i vi le midju le dargu cu banzu lo nu pa po'o
   mei remna ka'e mlana simxu cadzu .i ji'a le flira cu zenba lo ka rigni
   gi'e se terpa kei fa'a le midju .i se ki'u bo lo nu cadzu ne'i le
   lardai ca lo nicte cu simsa da'i ka'u lo nu klama lo palci munje .i
   ku'i le kalte ba je ca nai sanji la'e di'u
   ni'o ba za bo le kalte cu klama le midju be le lardai .i le dargu cu
   jorne ro lo drata dargu fi'o ve jmina lo srasu cukla .i zvati le midju
   be le cukla fa lo se sraku rokci lardai .i da'a pa le kalte cu viska lo
   kamju be lo xrula fi'o te clani lo menli be li pa pi ji'i mu .i ku'i sy
   viska lo kamju be lo sedbo'u be so'i ge danlu gi remna .i ri'a lo nu ro
   le kalte cu menli jorne kei lo drata kalte ji'a ba zi viska le jetnu .i
   ba zi bo lo nu menli jorne cu se fanmo mu'i lo to'e se kanpe po'u lo nu
   le nanmu cu cadzu fa'a le kalte to'o le trixe be le rokci lardai
   ni'o le nanmu po'u le lardai finti cu glibau cusku lu xamgu vanci .i do
   cinmo ma doi xendo nanmu li'u .i la .susan. glibau cusku lu lo ka djica
   lo nu catra do li'u .i le nanmu gi'e cusku lu ro le makfa be do cu se
   ponse mi .i do ca'o klama lo nu daspo .i zi'o lo nu do renvi cu kanpe
   li no .i ko panpi lo ze'e temci li'u gi'e ze'u cmila .i fi'o suksa bo
   carmi gusni fi lo vacri be le rokci lardai .i ro le kalte ze'i viska no
   da gi'e cortu lo kanla .i ba bo pa fagri gerku cu zvati le crane be le
   lardai .i ku'i fy gy na barda simsa la .gus. .i le janco be fy gy cu
   ragve lo mitre be li pa pi mu le loldi
   ni'o fy gy plipe la .kim. .i ku'i la .axmed. klama le jibni gi'e pu zi
   jgari le cladakxa'i .i ji'a vy celgunta fy gy noi bacru lo ka fengu kei
   sance gi'e sutra rivbi lei se cecla .i .a bu krixa gi'e gunta fy gy .i
   ca bo re la moklu cu tolcanci ga'u le rokci .i sy cunso cuxna pa la
   moklu gi'e zgana lo du'u la .deivid. gunta le drata gi'e cisma
ni'o xa pi ci pi'e re mo'o
   ni'o sy renro ci jinme cukla le cmalu tu'urbirka noi sruri le ja'urxe'a
   .i le moklu cu cladu krixa fi'o simsa lo cinfo .i se mu'i ku le moklu
   cu klama sy .i sy peisku lu .oi sai mi na morji le nilsutra be lo moklu
   fekcirda li'u pu zi lo nu my jgari sy se pi'o su'o mu tu'urbirka gi'e
   lacpu sy fa'a le ja'urxe'a .i ku'i sy pu jgari re barda je kruvi
   dakxa'i gi'e ca pilno ri .i re le tu'urbirka cu se katna le dakfu li re
   .i ku'i my pilno le drata tu'urbirka le nu sy na kakne lo nu pilno le
   birka .i sy denpa le nu mutce jibni le ja'urxe'a kei le za'i kavbu kei
   le nu pilno lei blupinxe denci le nu spogau fi pa tu'urbirka .i se ri'a
   bo sy kakne lo nu pilno pa dakfu .i le nu sy gunta cu jursa mu .i sy
   spogau fi so'a le cmalu tu'urbirka noi jibni le ja'urxe'a .i my sutra
   renro sy lo darno be my
   ni'o cy noi ca'o catlu le rocki lardai cu krixa cusku lu doi ky ko
   zbasu le jbama noi denpa fo tu'a lo mentu be li re no .i ji'a ko ca
   tu'a le gusni cu renro le jbama le gusni li'u .i ky cusku lu vi'o cy
   ku'i za'a li re no dukse li'u ju'e lu na go'i .i le fekcrida na jimpe
   le remna rutni li'u
   ni'o ca bo sy frili renvi lo nu renro .i sy cisma gi'e jgari le
   xumjimcelxa'i gi'e celgunta le moklu .i ba zi bo le moklu cu mrobi'o .i
   vy pu zi catlu le drata moklu .i ku'i le fagri gerku ca'o jmive .i ri
   damba .a bu do'e lo ni sutra kei poi dukse fi lo nu lo remna na kakne
   lo nu viska lo nu muvdu .i xrani ge nu'i? fy gy fo so'o se katna gi .a
   bu fo so'u se katna .e so'u jelca .i ji'a di'a gusni .i ky cusku lo
   mabla .e lu mi ba zi bredi .oi li'u
   ni'o xamgu ky fa lo du'u le cnino bradi cu barda se ri'a lo nu nitcu lo
   clani temci lo nu pagre le gusni .i ku'i xlali ro le drata kalte fa lo
   du'u le cnino bradi cu barda .i le xirma nazbi cu pa moi pagre le gusni
   .i le nazbi cu curve lo ka xekri .i cy .e vy cusku lo mabla .i sy cusku
   lu xu le xirma cu ckape li'u .i cy cusku lu na go'i .i ku'i le la'a se
   marce cu tcetce ckape li'u .i sy ca lo nu le xirma cu pagre cu zgana lo
   du'u du'e xekri danmo cu se cupra le xirma no da poi sy zgana .i cpana
   le xirma fa lo se terpa
   ni'o ko xanri so'i ki'o dakfu .e so'i ki'o jesni .e so'i ki'o simsa
   xarci vu'o poi jinru lo lalxu be se ma'e lo ciblu gi'e se marxi fi lo
   tarmi be lo remna .i le ciblu cu ru'i se flecu ru'u lo kinli gi'e ku'i
   no roi farlu le loldi .i ji'a lo pagbu be le xadni be le bradi cu di'i
   nai canci gi'a tolcanci .i la'e di'u rinka lo nu tolpluka fa lo nu
   zgana .i cy cusku lu .oi cai ti xunre fekcrida do'e lo nu mi'a kanpe
   li'u .i le xirma cu kurji klama le loldi .i ba zi bo ky renro le jbama
   le gusni noi ba zi canci
ni'o xa pi vo mo'o
   nu spoja
   .i vy cusku lu .e'u nai sai ti zmadu mi'o lo ka sutra li'u .i .a bu
   ca'o damba le fagri gerku .i ku'i li'a .a bu troci lo nu gidva le gerku
   lo darno be le xunre fekcrida .i so'a le drata kalte pu'o gunta le
   xunre ca lo nu ky cusku lu mi xebni li'u to vy spuda cusku lu ki'e sai
   ky li'u gi'e tcetcetce sutra gunta le xunre
   ni'o sy pilno ro le se vlipa be lo blupinxe .i ku'i ji'a sai sy na
   kakne lo nu viska ro le nu muvdu .i zu'u le xunre fekcrida cu jei
   muvgau le xadni pagbu kei be fa li pi so'o .i ku'i le birka mu'a be le
   xunre cu canci vi le cutne gi'e tolcanci vi le flira be ky .i zu'u nai
   lo nu catlu lo nu ky sezymuvgau cu simsa lo nu catlu lo se senva .i ro
   nu muvdu po ky cu melbi gi'e traji lo ka cmalu kei fo lo cumki gi'e
   mutce mutce sutra
   ni'o ku'i ro blupinxe cu sutra gi'e certu lo xumjimcelxa'i .i se ki'u
   bo cy troci lo nu celgunta le xunre .i cy xamgu celgunta .i ku'i le
   xunre cu rivbi .ii sai le ve xumjimcelxa'i .i cy mabla cusku
   ni'o ky ca'o gunta le xunre .i ky jgari re dakfu gi'e ku'i pu'o darxi
   le xunre .i ku'i .ui le xunre pu'o darxi ky .i ro nu troci cu se fanta
   lo nu badgau gi'a rivbi .i ky pilno lo cizra dakfu .i le dakfu cu se
   balre re da .i pa le balre cu fadni fi lo dakxa'i .i ku'i pa le balre
   cu lasna ni'a le birka be ky gi'e mutce clani je se kruvi .i se ri'a bo
   le re moi balre cu se pilxau fi lo nu badgai le birka
   ni'o sy zgana le du'ule xirma mleca ky .e le xunre lo ka sutra .i ku'i
   le xunre cu pilno le xirma lo nu badgau le nei? ky .i se ki'u bo sy
   snada celgunta le xirma .i ri cortu cmoni .i ji'a le xunre de'a damba
   ri'a lo nu se spaji .i ji'a sai le drata kalte cu se spaji catlu sy .i
   sy cusku lu .ue sai xu do no roi troci lo nu spogau fi lo marce pu lo
   nu spogau fi lo se marce li'u .i no da spuda .i ky na de'a damba .i se
   ri'a bo ky darxi le xunre se ri'a lo nu tcetce clad:u fa lo nu lo jinme
   cu darxi lo jinme .i ku'i so'u balre po'e le xunre cu se katne .i le
   spisa cu farlu
   ni'o sy mutce se spaji .i ku'i vy cusku lu makfa dakfu li'u gi'e co'a
   celgunta le xirma .i ba zi bo sy ji'a celgunta .i ca ro nu le xirma cu
   se xrani kei lo cmalu danmo cu sepli le xirma .i simlu lo nu le xadni
   be le xirma cu ca'o darno fulta .i ba za bo le xirma cu farlu gi'e
   danmo canci .i le xunre cu krixa pa'a lo sance be pa balre cu guska pa
   drata balre gi'e di'a gunta
   ni'o smaji fi lo nu le nu damba kei po'o se sance .i ku'i fi'o suksa bo
   le gerku noi so'a le kalte pu tolmorji cu cortu cmoni gi'e ba zi bo
   vofli tu'a .a bu gi'e darxi le xunre .i sy krici le du'u le gerku lo ka
   barda cu dukse lo nu le xunre ka'e rivbi .i li'a le gerku cu mutce
   fengu se mu'i le nu le gerku cu co'a gunta le xunre .i ca'o bo .a bu
   cladu cmila
   ni'o le kalte cu catlu le nu le gerku cu damba le xunre fekcrida .i ky
   ca'o sutra bajra ca'o le nu catlu .i vy ciksi fo le du'u le sutra se
   vlipa be ky cu se fanmo lo nu da'i ky surla
   ni'o ba zi bo le xunra cu darxi le gerku so'i balre ja'e tu'a le barda
   flecu be lo ciblu .i li'a le gerku ba toljinga to no da se spaji toi .i
   ji'a ba'e zi toljinga .i se mu'i bo ky darxi le na'e jundi be ky xunre
   le trixa be le stedu .i le xunre cu krixa gi'e binxo co se sepli so'o
   balre .i le gerku mu'i le nu le xunre cu jundi ky cu jgari le galxe be
   le xunre le xedja
   xa pi vo pi'e re mo'o
   ni'o vy cusku lu ko celgunta li'u .i ba zi bo le gerku joi le xunre to
   ri noi na ka'e rivbi ri'a tu'a le gerku toi cu derxi lo jinme joi lo
   ciblu joi lo skapi .i ba zi bo ky surja se ri'a bo le nu ky ze'u vamtu
   .i sy mutce spaji .i vy cusku lu ko na terpa .i rinka fa le sutra se
   vlipa be ky .i ro roi fasnu .i ky djica lo nu mi'o na zgana to'i cmalu
   denpa toi .i .oi sai le larcu remna cu cliva .i mi mutce djica lo nu
   catra .i doi .a bu ma temci fi lo nu spoja li'u .i .a bu ba nu'i lo
   snidu be li me'i pa se pi'o na lo tutci cusku lu lo mentu be li ci pi'e
   pa ze li'u .i sy se spaji se jvinu .i .a bu cmila gi'e cusku lu mi
   prane jundi lo tcika pu zu lo nu mi blupinxe binxo li'u .i cy cusku lu
   ko smaji .i mi'o ca cai cliva nitcu .i do.a bu .yyy. si sy ko bevri ky
   .i mi'o ca bajra li'u .i cy ca tinbe le se minde vo'a
   ni'o sy xenru cusku gi'e jgari ky gi'e punji ky pa janco gi'e bajra
   gi'e ca'o xenru cusku .i vy .e .a bu bajra vi sy .i .a bu cusku lu ko
   dunda ky mi ca lo nu da'i do tatpi .i sy cusku lu mi xamgu li'u .i le
   vo mei cu bajra
   ni'o zi le nu le kalte cu xruti le karce to je? sy punji ky noi mo'u
   vamtu kei le loldi toi kei le lardai cu spoja .i le kalte cu ganse le
   spoja to'e ri'a nai lo nu darno .i ku'i no kalte cu xrani le spoja .i
   cy cusku lu le makfa cu sidju le spoja li'u .i ku'i le drata cu mutce
   smaji
   ni'o ba nu'i lo cacra be li pa pi mu nu'u le pulji jatna cu muce tatpi
   catlu le xrani panka .i le pulji pu zi facki lo spisa be lo cizra danlu
   poi simsa lo brabra -starfish-? .i le jatna co'a krici lo du'u lo makfa
   cu srana kei mu'i lo nu ro da po le spoja cu cizra .i ba zi bo pa pulji
   cu dunda le solji jadni le jatna .i se mu'i bo le jatna cu cladu cusku
   lu mi'o mo'u gunka .i ko punji ro morsi danlu le festi gi'e cliva li'u
   .i le jatna cu toljundi lo tcetce se spaji jvinu be lo drata pulji gi'e
   klama le karce
ni'o xa pi mu mo'o
   nu salci
   .i la .susan. ba lo nu le kalte cu xruti le dinju cu di'a xanka tu'a la
   .djen. .i ku'i no le drata cu krici lo du'u le frati be dy cu cizra .i
   sy zgana le du'u dy sezymuvgau se kai lo ka masno gi'e to'e dikni .i dy
   ca'o milxe kusru la .gus. .i sy co'a terpa lo nu dy menli se jitro gi'e
   se bandu tu'a lo te ganse tcica makfa .i sy na djica lo nu ciksi le se
   terpa kei mu'i lo nu na djica lo nu da ckasu sy lo nu na drani .i sy
   djica lo nu birti binxo ba'o lo nu ciksi fi lo drata
   ni'o se ku'i bo sy vitke la .dalton. .i sy tcidu da poi srana de poi
   kakne lo nu makfa jitro lo remna .i sy tcidu ca'o lo cacra be li so'o
   .i ta'o la .dalton. mutce certu lo nu facki da poi srana lo se cpedu
   kei gi'e mutce nelci lo nu sidju .i sy facki fi lo fukpi fekcrida noi
   kakne lo nu gasnu lo te ganse tcica .i sy cilre tu'a lo tadji be lo nu
   facki le jei le remna ca'a fukpi fekcrida .i ku'i zi lo nu sy mo'u
   tcidu kei la .pal. klama ro kumfa gi'e cpedu lo nu ro da vitke le citka
   kumfa kei se ka'i le .djen. .i la'e di'u mutce cizra .i se ki'u bo sy
   tcetce xanka
   ni'o ba zi bo ro prenu poi nenri le dinju cu nenri le citke kumfa .i
   ku'i dy nenri le jukpa kumfa .i sy smaji cusku fi la .deivid. fe lu la
   .djen. tarti lo cizra ca'o le cabdei .i ku'i mi po'o zgana .i se ni'i
   bo mi terpa lo te ganse tcica .i mi pu zi ticdu se ra'a lo fekcrida .i
   mi terpa lo nu dy fukpi fekcrida .i mi xanka lo nu ro kalte cu ca jibni
   li'u
   ni'o vy ze'i se spaji catlu sy fi'o se simla lo ka krici lo du'u sy
   curve lo ka fenki pensi .i ba zi bo sy smaji cmila gi'e cusku lu dy
   ba'e na fekcrida gi'e nai se jitro lo fekcrida .i do ba zi jimpe li'u
   ni'o ba za bo le ro prenu cu cladu casnu .i za'a no da djuno le krinu
   be le cpedu to sy krici lo du'u vy djuno .i ku'i vy na ciksi toi .i
   fi'o suksa bo dy cladu cusku lu ko smaji li'u .i ro le prenu cu tinbe
   .i ba zi bo dy catke le carce be le titnanba co traji be lo ka barda
   bei ro titnanba poi sy pu viska .i sy catlu le flira gi'e zi krici lo
   du'u la .rut.an. ca salci lo nu jbena .i sy mutce surla binxo gi'e
   sanga to bai la .gliban. toi le nu jbena kei sanga .i dy cusku lu se
   cau la .rut.an. noi cikre ro tucti po mi'o kei le dinju pu zu da'i
   farlu to so'a prenu cu cmila toi .i ku'i mi'o mo'a roi cusku lo se du'u
   ckire .i se ki'u bo zbasa le titnanba co traji be lo ka barda bei ro
   titnanba poi mi zbasu .i ji'a vy te makfa fi lo nu ti tcetce masno ke
   fusra binxo .i se ku'i bo do ba ze'u nelci ti .i do .rut.an. ko gasnu
   lo nu ti se katna li'u .i sy krici le du'u ry jibni lo klaku ca lo nu
   katna gasnu .o ba zi bo ro prenu poi na du ry cu zanru je gleki se
   sance
ni'o sai ze mo'o
   no'e morsi
ni'o ze pi pa mo'o
   nu rapcreze'a
   .i pu nu'i le nu lardai spoja kei lo djedi be li ci lei so'o lo prenu
   noi nenri le citka kumfa cu casnu da poi na vajni .i mu'a la .kim.
   cusku le se du'u lo saske prenu cu facki le cnino je cizra mledi ne'i
   la .sanfran. .i ba lo nu ze'a casnu kei la .raitcel. .e la .stefen. cu
   cliva mu'i lo nu me lu sivni rapcreze'a li'u .i ba bo sy cusku lu so'o
   roi ro jeftu tu gasnu lo simsa .i mi mutce kucli ma kau poi tu gasnu
   sa'e li'u .i la .pal. .e la .deivid. cu cisma .i ku'i la .kim. simlu lo
   ka burna .i la .pal. cusku lu ro kumfa cu se? kacma .i do kakne lo nu
   viska le se gasnu li'u
   ni'o sy to'e zanru frumu gi'e cusku lu li'a to'e vrude li'u .i vy cusku
   lu .i ku'i ro da ba zi je'i kau zu viska .i lo nu kucli cu vlipa lo ka
   mukti .i ji'a cy mutce certu lo ka te makfa .i se ri'a bo la'a sai cy
   ro roi sanji lo nu se zgana .i ku'i no roi gairgau le kacma li'u .i sy
   cusku lu doi .kim. xu do pu viska li'u ju'e lu ro da po fi'o cmima mi
   cu viska li'u ju'e lu xu do xenru li'u to cmalu denpa toi ju'e lu na
   go'i .i ku'i la'e di'u cu to'e vrude li'u
   ni'o le girzu ze'a smaji .i fi'o suksa bo sy sanli gi'e cadzu fa'a le
   snura kumfa .i vy cusku lu doi .susan. mi ba ca'o diklo ti ca lo nu do
   mo'u viska li'u .i ku'i sy na frati .i ba zi bo sy nergau le snura
   kumfa .i pa da cu ve tivni lo bolci selkei .ue nai .i ku'i le drata cu
   ve tivni le cukta kumfa .i sy sisku gi'e facki vau le jitro be le tivni
   gi'e?? cuxna le repcreze'a kumfa .i ba zi sai bo la .stefen. catlu le
   kacma gi'e to'e spaji cisma fi'o se spaji sy .i sy zgana lo du'u cy .e
   ry lunbe .i ry damba cy
   ni'o ry li'a zmadu cy lo ka tsali .i ry so'o roi darxi cy .i za'a la'e
   di'u rinka lo nu cortu .i sy na jimpe le krinu be le se gasnu be ry joi
   cy .i sy krici le du'u cy lazni lo nu troci lo nu darxi ry .i sy mutce
   se cfipu
   ni'o ba za bo sy bredi lo nu cliva .i ku'i cy gasnu le nu le stedu cu
   salpo .e le birka cu preja .i za'a simsa lo nu cladu krixa to le kacma
   na benji lo sance toi .i ba zi bo cy banro .ue sai .i cy ze'i zenba
   nu'i ge lo ka clani kei so'o no centre gi lo ka tsali kei lo tcetce .i
   le sluji be cy ca mutce punli .i se ri'a bo cy korcu bu'u le gapru
   trixe .i se ri'a bo cy na mutce jvinu panra lo remna .i sy krici lo
   du'u lo simsa cu mukti lo ranmi be lo -werewolf-? .i ku'i cy na mutce
   se kerfa
   ni'o le nu damba ca mutce binxo lo drata .i ry binxo le se jgalu
   blupinxe .i ku'i le se jgalu xadni po cy zmadu fi lo ka barda .i se
   ri'a bo cy co'a jinga .i sy zgana le du'u le pinji ji'a be cy banro .i
   sy krici lo du'u le nu damba fi'o xadni le se jgalu cu rinka lo nu cy
   cinse djica .i cy so'i roi troci lo nu darxi ry gi'e pi so'a roi snada
   .i ku'i ry pi so'a roi badgau tu'a le birka .i sy kucli le jei cy cilce
   va'o tu'a le se jgalu xadni .i la'a le se go'i cu mleca li pa fi'o
   velji'i lo nu cy na darxi ry se pi'o le jgalu
   ni'o cy .e ry rapcreze'a lo nu damba .i cy zmadu ry lo ka tsali gi'e
   sutra .i ku'i ry mutce certu lo nu badgau .i ze'a ku cy na snada lo nu
   jursa darxi ry .i ku'i cy ba darxi ry fo le betfu .i se ri'a bo ry
   farlu le loldi .i se mu'i bo cy zutse le jamfu trixe gi'e xendo pensu
   le stedu be ry ca'o lo nu ry troci lo nu vasxu
   ni'o sy mutce se spaji lo nu ry ca lo nu ba'o vasxu snada cu darxi cy
   fo le xance .i cy cisma gi'e jgari le birka be ry .i ku'i ry tikpa le
   cutne se ri'a lo nu cy ve'a vofli .i cy certu mo'u? vofli gi'e sutra
   gunta ry .i ku'i sy krici lo du'u cy troci lo nu jgari gi'e nai darxi
   vau? ry .i ba zi bo cy snada to sy krici lo du'u ry milxe po'o troci lo
   nu fanta toi .i cy catke ry se ri'a lo nu ry vreta le loldi .i sy suksa
   zgana le du'u le vlagi be ry cu mutce cilmo to la .pal. pu cuxna le
   tcetce xamgu kacma toi
ni'o ze pi pa pi'e re mo'o
   ni'o cy noi se jgalu se xadni cu jgari se pi'o pa xance le birka be ry
   ji'a noi se jgalu se xadni gi'e ku'i mutce mleca lo ka barda .i cy se
   pi'o le drata xance joi le tupyjanco cu gasnu lo nu le tuple be ry
   preja .i fi'o suksa bo le nu damba cu binxo le nu gletu .i sy pu no roi
   viska ja lifri lo nu gletu poi zmadu fi lo ka cilce .i gau cy ry gunro
   se ri'a lo nu le loldi cu crane ry gi'e? ry se sarji le cidni .e le
   xance .i cy sutra setca le pinji le vibna .i ku'i le pinji be cy zmadu
   so'a remna lo ka barda .i se ki'u bo sy terpa lo nu cy jai mutce xrani
   ry .i ku'i na fasnu .i za'a ry cortu gi'e na cinmo .i le ctebi be le
   vlagi cu binxo re cmalu je cinli blabi ri'a le nu le pinji cu rinka le
   nu tcena .i ry suska jgari cy fo le galxe .i se mu'i bo cy smaji ca'o
   le nu ry binxo co slabu le nu tcena
   ni'o sy cindji binxo ca le nu ry mo'u jgari fo le galxe gi'e? cy co'a
   gletu ry .i le ni le nu gletu cu jursa cu traji .i ry sraku le loldi
   gi'e krixa la'a .i la'a cindji krixa fi'o ve jinvi lo nu ry sevzi catke
   fa'a cy .i ba zi bo cy jgari gi'e lafti vau ry .i cy di'i lafti gi'e ba
   falgau vau ry .i lo ni le nu cy jgari ry cu jdari cu banzu lo nu sy
   terpa lo nu cy xrani ry .i ji'a cy ru'i nai jgari le tatru gi'a gasnu
   co mosra le xance le fetpinji .i ry nelci li'a .i sy ji'a nelci le nu
   zgana .i sy di'i jdari jgari le vlagi
   ni'o da poi jursa cu da'a so'u roi cabyku'e lo cmalu .i le ca nu gletu
   cu fadni .i ba zi? lo nu cy lafti ry kei ry tcetce desku .i sy krici le
   du'u ry ca ralcinfra .i cy mutce cisma gi'e ba zi ji'a ralcinfra .i lo
   mutce ke tsiju litki cu farlu le loldi .i ca'o bo sy cliva le snura
   kumfa
   ni'o ba zi bo sy jgari le kerfa be la .deivid. noi cmila .i sy lacpu vy
   le kerfa .i vy cusku lu mi'o klama ma li'u ju'e lu da poi vasru su'o
   ckana li'u ju'e lu to'i du'e? roi cmila toi ma mukti li'u ju'e lu lo nu
   da'i nai do ba gletu mi li'u .i la .kim. .e la .pal. .e la .deivid.
   cmila
ni'o ze pi re mo'o
   nu cadzu
   .i ne'i la solji vorme panka pa remna goi ko'a fakci pa sipna remna
   gi'e cusku lu doi .bab. ko cikna binxo li'u .i ku'i la .bab. na frati
   .i se mu'i bo ko'a cmalu tikpa la .bab. gi'e cusku lu
Navigation menu